انخفاض نسبة كريات الدم البيضاء

السلام عليكم
الحمدالله رب العالمين
اليوم رايحه السوق باخذ اغراض ناقصتني حق الطلبيات او مريت المستوصف
خذيت نتيجه تحليلي مال مكونات الدم cbc اعتقد جذي اسمه
حدي خايغه او متوترة او نفسيتي صفر صفر سكرت جهازي او مافيني حيل ولا نفس حق طلبات ولا حتى اشتغل بشي
نتيجة التحليل ان كريات الدم البيضة نسبتها نازله الطبيعيه 4.2 اعتقد
او انا نسبتي 3.3
حدي خايفه والدكتوره ويها تغير شوي او تعرفني نوعي احاتي اسالها شنو يعني ماجاوبتني بس قالتلي يمكن غلط اذا تبين اتعيدين التحليل عيديه لان كل شي اوكي بس البيضا نازله
او ان عماما الشرقيين طبيعه جسمهم تكون نازله !!!!

او اسالها من شنو تحقرررر
او نا حدي منهاره منهاااااارة ناطره الصبح على احر من الجمر
بس تكفون طمنوني احد صارله نفسي بليييييييييييييييييييييييز او من شنو

انا قريت اشياء اتخرع بصراحه او مو قادرهن انام

ماتشوفين شر

ن شاءالله ماكوشي

انا اللي اعرفه اننها اذا مرتفعه معتاه في التهاب بالجسم وهي ترتفع عشان تدافع عن الجسم

اتوقع تكون نقص مناعة
لانه الكريات البيضة مسئولة عن مناعة الجسم

شوفي نزولها يسبب في لخبطة بالهرمونات

ويتعب وووو

علاجه الشعبي

عسل سدر مدته شهر عالاقل>>>والله على مااقول شهيد

وهم في شغلات ثانية مااذكرها

اذا تبيني اجيب لج الوصفة بالتمام راسليني بالخاااص

لان امي مرت بنفس حالتج وعالجت روحها بروحها المستشفيات كلش مافادتها

الله يشفيج ويعااافيج ويطول بعمرج ع الطاعه

بنتي من سنين فيها نقص في الكريات البيضاء وهم ولد اختي من صغره مستوي الكريات البيضا عددها اقل من الطبيعي واللحين تزوج مافيه شي بس يقولون المناعه تكون ضعيفه عندهم

حبيبتي لا تحاتين ان شالله مافيج إلا العافية أنا صارت فيني
ان كريات الدم البيضة أقل من الحمرا وهذا يسبب نقص في المناعة وطلعتلي عوارض وايد منها فطريات وإلتهابات في الفم واللسان وجفاف حاد في الحلق وصداع وإرهاق وخمول

الدكتورة وصفلي أدوية ومطهر للفم واللسان وشراب اشرب منه 10 مل ثلاث مرات في اليوم
استمريت على العلاج وسويت فحوصات خاصة بعدد كريات الدم البيضاء والحمرا

وطلعت نتيجة هالشي أني آكل شغلات معينة تسبب بطيء إنتاج كريات الدم البيضاء
فمنعوني من تناولها
واهي
الفطر بجميع أنواعه ( المشروم )
البقوليات جميعها
الحبوب
المخللات

مع استمرار في تناول المكملات الغذائية والفيتامينات

صدقيني انا نفس الشي صار فيني والدكتورة اخترعت حيل قالتلي انتي صغيرة ليش جذي صاير معاج
بس انتي ديري بالج على نفسج واتبعي تعليمات الدكاترة
ولا تهملين صحتج

بس ماقلتيلي هل الأعراض إلي طلعت عليج نفس الأعراض ان طلعت معاي؟؟ اخاف غلطانين في التشخصين معاج ؟؟

الله يشاااافيج

متشوفين شر

الله يشااااافي كل مستظر باذن الله

حبيبتي أنا دايما يصير لي جذي ووصلت 2,4 وقالتلي الدكتورة لأول شي يمكن يكون فيج التهاب من قبل ما عالجتيه عشان جذي تضعف المناعة والحمدلله ما كنت أحس بشي
وعقبها ب8 شهور هم نزلت عندي كنت بسوي عملية فنصحني الاستشاري اني كل يوم عقب صلاة الفجر أكل عسل وصج عقبها بمدة سويت تحليل ولا ألقاها مرتفعة
فعادي ان شالله هذي تكون طبيعة الجسم