انتي نفساء ومالك نفس بالاكل تعالي اقولك

هذي الطريقه
حلوه للي نفسهم مسدوده عن الاكل سواء في وقت الدوره اوالنفاس
تعرفون الجوع موزين حق النفاس وحتى الدوره الجوع بهالفتره يجيب الخوا(خراب الرحم)والهوى وكل عله تعدي معه على قولة جدتي الله يحفضها
المقادير:ربع كوب تمر ملعقه قشر قهوه محمص ومجروش
نصف ملعقه صغيره ينسون نصف ملعقه زنجبيل مبشور اومطعون توضع في ابريق وتفوح على النار وتصفى وتشرب مثل الشاي هالشراب حيل مفيد وفاتح لشهيه

مشكورة يا قلبي
بس من وين نييب قشر البن وهو غير عن البن نفسه ولا اشلون ما فهمت ؟؟؟
وهالخلطة اخاف تمتن وما نوقف بلعة الله يستر علينا!!!!!!!!

هلا وغلا فيج ومشكورة على الوصفه وقشر القهوة تلاقينه بمطحنه القهوة وقوليله ابي قشر قهوة

والقشر غير القهوة العاديه

الله يعطيك العافيه

الف شكر ما قصرتي يا قلبي

ان شاء الله اذا ولدنا نجرب

يعطيج العافيه

مشكووووووورة

تسلمييين حبوبة
مع التحية……………………….

مشكووووره حبيبتى
وجزاك الله خير

مشكورين حبايبي على المرور قشر القهوه تلاقينه عند العطار حنا دايم نييبه نحمصه على الخفيف لحد بس ماتطلع ريحته ونطحنه موبودره لا شوي مجروش ويفوح ويحلىويشرب مثل الجاي يهبل يرقع النفاس رقع(يسنعها)وتقدرين تضيفين له اعشاب الجاي او الطبيخه اوتشربينه بروحه ويشرب مع الوصفه مالت التمر لفتح الشهيه

مشكورة بنت الغالية

تسلمين حبيبتي