انتي لو سمحتي stop دقيقه من وقتج:))

السلام عليكم …
شلوونكم يالحلوويين
اول شي مادري شلون ببدي الموضوع ,,
بنـات انا وحـده من حزب الطماشه لوول ,, بس بقدم كلمه شكر لكل متزوجه وكل وحده كتبت موضوع وكل وحده كتبت تعليـق وكل وحده اكتبت نصيحه صج ان احنا مكانا مو هني بس لان عقلنا يتحمل كلام المتزوجات واحنا اكبار وفاهمين عشان جذي صرنا طماشه

لا بس صج يعني مادري شلوون اشكركم لان لو اتزوج اللحين مااحتاج كلمه من امي ولا من خالتي ولا عمتي للحياه بين زوجين انا وريلي لاني تعلمت شلون اتعامل مع ريال اعيش معاه طول حياتي …. مشكووورين من كل قلبي اتمنى اني اقدر اقدم لكم شي يعبر عن الشكر مني لكم بس لكم مني دعااء وان شاء الله كل وحده تتهنى بحياتها اذا حياه يديده وكل وحده يهديلها زوجها ولا يخليه لها ولا ترحمها منه ……….. ثــــانكس الووووت

سؤال اتمنــى الرد عليه
حق قروب طماشه ….
شنو تعلمتي من الحياة الزوجيه ومن المتزوجين ؟؟
حق المتــزوجات…
شنو وجهة نظرج بقروب طماشه وهل يستحقوون يكونون بالقسم ويشاركونكم مواضيعكم؟؟

حياج الله
والفال للعرس

وعليكم السلام
اي والله صح كلامج مليووون بالاميه ياحياتي
امن سالفة تعلمنا منهم اي والله ويشهد الله على كلامي انه صج صج فتحو عيونا على اشيا احنا غافلين عنها وربي يخليهم لنا ولا يحرمنا منهم فديتهم انا
وفي بعضهم ينحطون على الجرح يبرا والله وفي بعضهم حدث بلا حرج شافو بنيه من قروب طماشه قالو عنها ياهل ماتعرف تسولف وماعندها اي سالفه ويتجاهلونها < طبعا مو كلهم البعض منهم بس بقوول شغله ترا الكبر بالعقل مو بالعمر
امن على سؤالج تعلمت منهم الصبر وشلوون اتعامل مع امور حياتي واايد اشيا الله يخليهم لنا يارب

يعطيج العافيه ياحياتي وتسلمين وماتقصرين يابعد عمري ومنوره القسم ياغلاتي

سؤؤؤؤال : وشو طماشه؟

انشالله نفرح فيج

واتوقع تجارب الناس اكبر مدرسة حق بني ادم <<<=-=-=-=-=- قاده تتفلسف خفيف خفيف

وانا ماعندي مشكله حق طماشتكم وحياكم الله

ام عــامر …الله يحيــج يارب وتسلميين عالـرد الحلو الله يخليلج عـامر )
gatwa… وااي حيــاتي تفـداج الــروح وفــعلا الكبـر بالعـقل مو بالعمـر واصـلا المنتدى كــله منــور بوجــودج

بنـت الهــم … حبيبتي طمــاشه يعني عزووبياات مومتزوجين ويقرون كلام متزوجات
om-brooky ثانكس وصح كلامج والله يحيج نورتي الموضوع

ياحياتي انتي منبع النوور اصلن

up up up لعيونج ياغلاتي

تسلملــي عنــونج يالحلووه

سؤال اتمنــى الرد عليه
حق قروب طماشه ….
شنو تعلمتي من الحياة الزوجيه ومن المتزوجين ؟؟

صـراحـه تـعـلـمـت اشـيـاء وااايـد .. الله يـعـطـيـهـم الـعـافـيـه فـتـحـو عـيـونـاا عـلـى اشـيـاء كـنـا غـافـلـيـيـن عـنـهـاا

مـع انـه سـاعـات احـس انـه تـنـبـط جـبـودهـم مـن وجـودنـا << الـبـعـض مـو الـكـل

لـكـن صـااامـدوون

الفال لج ياقلبو وتصيرين من حزب المتزوجات لووووووووووول

بصراحه انا تعلمت لما اتزوج اني احب نفسي وما اخلي اهتمامي كله بريلي وثاني شي تعلمت ان الريال اذا اول جم سنه ماعودتيه على طبعج صعب بعدين تغيرينه

إي أكيييييد ..الطماشة وايد مفيدة،آنا قبل كنت من هالحزب على قولتج هههههههه بس مو بهالمنتدى وتثقفت وايد،بس ديري بالج موكلشي صح..لازم تحكمين الشرع وعقلج

شنو تعلمتي من الحياة الزوجيه ومن المتزوجين ؟؟

تعلمت واايد شغلات والصراحه لو شنو ما راح اتعلمها لا من امي ولا من احد ثاني لان اهلنا نوعهم عيشي وحلي الالغاز الي بتييج بروحج مادري شلون ما يعلمون ولا شي وصج في وايد اشياء هني اقراها الصراحه ما كنت اعرف والله جد مو بس لي تزوجت في شغلات ما كنت انتبه فيها بنفسي الحين وانا بنت بس الحين تفتحت عيوني واروح اسولف حق امي تقولي انتي اقريلج كتب احسن من هالسوالف مصره ماتبيني اعرف شي

ومشكوره حبيبتي والله يرزقج بالزوج الصالح

وى يحليلج خوووووووش بنيه ذربه