انا يايه لكويت الأسبوع الياي

اخواتي كويتيات السلام عليكم ورحمة الله وبركاته
انا يايه الكويت الخميس الياي لمدة 4 ايام واحب السوق وااااااايد
وين تنصحوني ارح للتسوق
ومشكووووووووووووورين

مرينا مول

الكوت

افنيوز

شرق

الفنار

ليلى قالري

الصالحية

الراية

المنشر

سوق السالمية – المباركية – سوق فحيحيل – المهلب – العثمان

هذيل غالب المولات والسنترات الي عندنا على اختلاف مستوياتهم

وحياج اللة تنورين الديرة

حياج الله ياقلبي
ماشاء الله الأختii DareeN ii ماقصرت حطت كل المجمعات بس الأفضل تزورين الأفنيوز أول شي

ii DareeN ii و اختي ورد وكادي
فديت قلبكم والله ماقصرتوا كيفتوا و ويفتوا الله يجزيكم خير

اختنا دارين كفت ووفت

ما تبين بعد اندليج مطاعم

[COLOR="DarkOrchid"]والله كل مكان حلو بالكويت ابي اروحه سواء سوق او مطاعم او اماكن ترفيهيه مع ان كل مكان بلكويت حلو مثل اهلها وان شاء الله هالمعلومات راح استفيد منها للمرات اليايه اذا قعدت فتره اطول ويكون الجو تحلى و ابرد بأذن الله وماقصرتو يالغاليين[/COLOR]

عاد على حظج الأسوقة امطفية المكيفات علشان توفر بالكرهبا

برة المحلات امقصرين عليه , و داخل المحلات حر مووت و إضائة قوية

بس اتمنى تتمتعين بالتسوق عندنا

فلا مودا is a must
و الصالحية
و الراية
دار العوضي
الثرية

هذيل للماركات العالمية الفاخرة

الفنار, المارينا , الآفنيوز , الكوت
يكونون للمحلات العادية مثل زارا و مانغو و شلاتهم

و حياج الله

حياج الله الساعه المباركه بين اهلج وديرتج.

حياج الله اختي بتنورين الكويت ,,,,

مدينة الترفيهيه …و عندج المنتجعات وااايد حلووه …خيران ….حديقة الشعب ….الابراج ….مركز العلمي …

و اتمنى اكوون افدتج …

حياج الله ابديرتج الثانية يا قلبي

حياااج الله العين اوسع لج من الدار ..

و ما قصروا البنات

حبايبي انتوا كلكم فديتكم وفديت الكويت والله اني فرحانه ان باييه الكويت للمره الثانيه وا شاء الله ماتكون الأخيره وشلون مااحب الكويت وفيها ناس مثلكم وشرواكم يااهل السنع والله ماقصرتوا بأذن الله الزيارة اليايه اقعد فترة اطول وأفتر بكل الأماكن اللي قلتوا لي عنها ويستغربون ليش احب الكووووووووووووويت كل هذا الحب!!!!!!!!!!!!! والله اني احبها من قبل وزاد حبي لها اكثر واكثر من بعد ماتعرفت على منتدى كويتيات لأن عرفت الكويت اكثر من خلالكم انتوا يااهل الخير والبركه بارك الله فيكم انتوا وامثالكم

حبتج العافيه يا قلبي و تنورينه و تشرفينه و اقامه سعيده ان شاءالله

لاتنسين تروحين سوق المباركية علشان تشترين الدرابيل والحلوى والرهش للاهل بس روحي له بعد المغرب علشان الجو حار بالنهار