انا ولدي عنده انحراف بالعين ابي افادتكم!!!!!!!!!!!!!

السلام عليكم انا ولدي عمره 4سنوات ونص وعنده انحراف في عينه اليسرى 1,5 واليمنى 5, وقالي الطبيب انه يمكن تعقعد النظارة عليه 10 سنين فيه احد يقدر افيدني او ان احد من عياله جذيه وصار زين مع النظارة وهل صج ابيستمر على النظاره 10 سنين ارجو الافادة

اى اعرف نااس واايد جذيه وصااروا تمام باذن الله..
لا تخاافين ولا تفكرين واايد اطفال تصير عندهوم هالحاله لضعف بعضله العين..
مع لبس النظااره المستمر بتقوى العضله ومع الكبر بعد..
ومع الوقت بتشوفين التغير لا تخاافين حبيبتى..ومافيه الا العافيه.

مشكوره اختي ريحاانة والله يعطيج العافيه على الرد

لا تخافين اعرف جهال واحد عندهم انحراف مع لبس النظاره الحمدلله صاروا زينين

وما يشوف شر

لا تخافين يا قلبي بلبس النظاره تتحسن العين بس الدكتور يعطيج 10 سنين كأطول مده

لا تحاتين انا ولدي معه انحراف بالعين اليسرى فقط
وصار له سنه ونص من لبس النظارة والمراجعة كل شهر ونص ويقول الطبيب
انه تحسن لكن حبيت اسالك عند منو تراجعين لولدك؟
ومايشوف شر……………

انا بعد ولدي من عمره 5 سنوات وهو يلبس النظارة والحمد الله في تحسن
وان شاء الله مع الاستمرار يتحسن اكثر..انتى بس لا تحاتين ..والله يحفظهم قولي امين..

مشكوره حبيبتي على الرد والله يشافي ولدج وانا اراجع عند الدكتور عبد المطلب بهبهاني والله خوش دكتور وكلامه مريح ما شالله عليه

تسلمين يالغاليه والله يحفظلج ولدج وشافيه انشالله

حبيبتي وديه حق دكتور طالب بهبهاني تخصصه انحراف العين عند الأطفال دكتور وايد شاطر

الله يشافي ولدك وشافي الجميع

انا ولدي عمره 4 سنوات فيه انحراف وقررله الدكتور عبدالمطلب بهبهاني عمليه للعين

انا بنتي كانت تعاني من انحراف بعينها اليسرى بين عليها بعد بلوغها الست اشهر وراجعت فيها عند مستشفى البحر عيادة الحول عند الدكتور عدنان الوايل رئيس القسم ولبست نظارة ولما صار عمرها سنة ونص سوولها عملية تصحيح نظر وطبعا تلبس نظارة على طول وأنابع مع الدكتور وهي الحين عمرها 3 ونص وقبل شهر راجعت الدكتور قال احتمال كبير تحتاج عملية ثانية وعلى فكرة اختي علاج هالحالات وااااااايد يطول ويحتاج طولة بال واهتمام ومنابعة مستمرة وصبر والطفل يحتاج اكثر من عملية ( بس نصيحة لا تراجعين في المستشفيات الخاصة لأنهم جذابين وما عندهم اي خبرة بهذي الحالات وشكثر راجعت في السلام ودار الشفاء وقطيت فلوس وبالاخير اكتشفت ما عندهم خبرة بهالحالات مستشفى البحر هو الوحيد في الكويت اللي متخصص في هالحالات و دكتور بهبهاني عنده عيادة هناك)

مشكوره اختي زنزنيتا على الرد والله يشافي بنيتج انشالله وصح كلامج المستشفيات الخاصه مامنها الى خسارة فلوس بس انا وديت ولدي حق دار الشفاء جان يقول ولدج ما فيه شي كلام المستوصف خرطي وديته حق دكتور عبدالمطلب بهبهاني قالي نفس المستوصف انه عنده انحراف

انا عندي بنتي نفس المشكله عمرها 4 واقرو لها عمليه بس متردده بقولون ان الحول يرد مره ثانيه والله ليل نهار احاتيها
بالنظاره يخف وبدونها وااااضح

بنات اشلون اكتشفتو الانحراف

انا بنتي تحسين بعينها طرة شوي جنها حور بوحدة منهم
هذا الانحراف؟؟