|
|
بسم الله الرحمن الرحيم
السلام عليكم ورحمه الله وبركاته
مشكلتي مااظن القى لها حل بس كفاية نصايحكم
**
**
**
**
**
ودعواتكم لي …
على كثر المنتديات اللي اشتركت فيها
الا ان منتدى كويتيات ارتاح له وايد واحب احط مشاكلي وافضض لعضوات كويتيات الغاليات عنها
اتمنى تقرون موضوعي عدل وتعطوني سلبياتي .. عشان اصلحهاا
وتعطوني نصايحكم بكل صراحه .. .gif "Eh S(7)")
المهم
مادري من وين ابدا ؟.gif "Eh S(2)")
مشكلتي عصبيه وايد واحيان اكون عادية واحيان لا
احس اني مسحورة او محسوده او ممسوسه او معيونه مااادري بالضبط شنو فيني
هالشهر زادت العصبيه عندي جدا صايرة مهمومه ومتوترة دايما وقلقه ومتضايقه من زوجي ومااحب اعطيه حقه الشرعي
مااتحمله يكون يمي ومرات اقوله مابي اشوفك اطلع برع
واحيان على فترات متباعده اضرب بنتي 4 سنوات على اسباب تافهه والله امسكها من شعرها وادفهاا
نفسيتي تعبانه وايد مادري من حبوب المنع ولا مشاكل نفسيه ولا *** ولا حسد ولا عين
الله العالم فيني
ومرات وانا قاعده بالصاله بالليل بروحي زوجي يكون مداوم احس شي في المطبخ احس اصوات بسيطه مرات احس حشرات على الارض
تمشي لما اشوف مالقى شي ؟؟؟
ومرة حلمت ان حشرة تلحقني وانا اركض بقوة …
اللي قاهرني اني مااقرا اذكاري ولا اقرا قران ( ان شاء الله بلتزم فيهم )
واسرح بالصلاة وافكر اني بموت جريب بحادث او اي شي ..
وقبل كم اسبوع ياني صداع نصفي شديد اول مرة بحياتي يجيني هالالم واستمر معي اسبوع
ولما انام احس ببروده في ريولي لدرجه اتلحف ببطانيتين غلاض من البروده الشديده
ومرات البس جوارب وانام
حساسه جدا ..
بنتي حبيبتي هي اللي معورة قلبي هذي مو اول مرة اضربهاا بهالقسسوه
مرات اقول ف نفسي انا مينونه ولا وحده من خواتي مثلي مااشوفهم يضربون عيالهم مثلي
وربي مادري شقول تخيلو مرة كنت معصبه عليها
ضربتهاا بقوة راسها ضرب بالجدار ؟ خدامتي كانت موجوده هذاك الوقت يم بنتي تحاول تمسك البنت عني
تقول انها شافت عروق بنتي بغت تطلع ….
والله العظيم يا بنات من هذي الحادثه وانا وعدت نفسي مااتعرض لها وامسك اعصابي
بس للاسف قبل 3 ايام شديتها من شعرها ودفيتها بس لاني كنت الصبح نايمه وهي جات تحن على راسي ..واخوها عمره سنه للحين ماضربته حبيب قلبي
حبيباتي الكويتيات : ادري بتقولون شهالقساوة اللي فيج وشو هالقلب………… الخ
صدقوني مرات افكر اقول ف نفسي انا مااستاهل عيال ليش الله عطاني اياهم
انصحوني شنو فيني تعبت نفسيتي
للعلم اني مو موظفه واتمنى اتوظف عشان التهي بشي .gif "Eh S(17)")
وبصراحه عندي مشاكل مع زوجي
واتوقع انه هو السبب في اللي يصير فيني كل مرة اقوله طلعني ونسني نبي نسافر
دايما يتحجج باشياء ثانية .. واقولة غير الاثات مليت منه يقولي شفيه الاثاث مافي شي
مع ان اثاث غرفتي نفس ماهو من 5 سنين وكل مرة احن عليه يغيرهم ويتحجج ونتهاوش وارجع ارضى مرة ثانيه
وكل ماافتح سيرة الاثاث نفس الموضوع … مليت تعبت منه مع انه ولا مرة مد ايده علي ..
عندي مشاكل مرضية مثل غازات ف البطن .. خمول .. كسل شديد .. تساقط الشعر .. قشرة
هذي كل مشاكلي حطيتها ف موضوع واحد
واللي عندها روابط مفيدة تخص مشاكلي تحطها @
اسفه طولت عليكم
دعواتكم ونصايحكم
اللي قرت موضوعي اللحين .. بليز ماتطلع بدون ماتحط رد او ترفع موضوعي بدعوه حلوة ان الله ييسر اموري ويفرج همومي
ويحنن قلب زوجي علي ويحنن قلبي على عيالي هالمساكين اللي مالهم ذنب
" اللهم إني عبدك ابن عبدك ابن أمتك ناصيتي بيدك ماض في حكمك ،
عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحدا من خلقك
أو استأثرت به في علم الغيب عندك أن تجعل القرآن ربيع قلبي ،
و نور صدري و جلاء حزني و ذهاب همي
اللهم إني أعوذ بك من الهم و الحزن، و العجز و الكسل و البخل و الجبن ، و ضلع الدين و غلبة الرجال
واخر دعواي ان الحمدلله رب العالمين
شغلي القرآن بالبيت , اقري آلقرآن .. اذا هجرتيه 3 ايام تؤثمين ,
اخشعي بصلاتج , ادعي ربج ,
بنتج عمرها 4 سنين , صغيره ماتفهم , قالتلج شيء ولا حنّت قوليلها اوكي , ردت حّنت ؟؟؟ استغفري لا تعصبين عليها وتطقينها حرام ,
اثاث ؟؟؟ اشتغلي وخل يصير عندج معاش و غييريه , يمكن رجلج ظروفه مو زينة مايقدر و يستحي يقولج !
الاثاث شيء مادي مو مهم
روحي انتي وزوجج و بنتج وولدج شاليه او مزرعه او اي مكان المهم بروحكم منها تستانسون ومنها ترتاح نفسيتج شوي ,
بينج مشاكل انتي وزوجج الي حواليج مالهم شغل لا تفرغين فيهم طاقتج السلبيه و يتعقدون
واجهي مشاكلج مع زوجج بهدوء بمكان ابعيد عن عيالج , دوري حل بهدوء لا تعصبين ويعصب وتكبر مشكلتج
حطي ابالج , [ انتي الي تاثرين بالي حولج فبيتج , نفسيتج زينه كلهم نفسيتهم زينه ,, نفسيتج خايسه كلهم نفسيتهم خايسه ]
الا اذا سويتي هالتحاليل
1 تحليل الغده الدرقيه كل اعراضها فيك
2 تحليل فيتامين دال وكل الخليج عندهم نقص فيه
3 اخر شي الخوف من الموت والوسوسه بالامراض هذا اكتئااااب
ضروررري تعرضين نفسك على دكتوووور نفسي لا تتطور حالتك وتنجنين
اسوي التحاليل باسرررع وقت وطمنيني لو برساله خاصه
الله يشفيك
عالجي نفسك بالقران والصلاة وربي قادر على شفائك
|
المشاركة الأصلية كتبت بواسطة vet-nour
 حل مشاكلج هاذي كلها بآيه وحده [ وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا ]
شغلي القرآن بالبيت , اقري آلقرآن .. اذا هجرتيه 3 ايام تؤثمين , بنتج عمرها 4 سنين , صغيره ماتفهم , قالتلج شيء ولا حنّت قوليلها اوكي , ردت حّنت ؟؟؟ استغفري لا تعصبين عليها وتطقينها حرام , اثاث ؟؟؟ اشتغلي وخل يصير عندج معاش و غييريه , يمكن رجلج ظروفه مو زينة مايقدر و يستحي يقولج ! بينج مشاكل انتي وزوجج الي حواليج مالهم شغل لا تفرغين فيهم طاقتج السلبيه و يتعقدون واجهي مشاكلج مع زوجج بهدوء بمكان ابعيد عن عيالج , دوري حل بهدوء لا تعصبين ويعصب وتكبر مشكلتج حطي ابالج , [ انتي الي تاثرين بالي حولج فبيتج , نفسيتج زينه كلهم نفسيتهم زينه ,, نفسيتج خايسه كلهم نفسيتهم خايسه ] |
بالفعل. كلامج صحيح —
مشكورة حبيبتي على النصائح الحلوة
أن شاء الله بطبق اللي قلتيه
تسلمين والله على المداخلة الططيبه
واي حرآم 
كسرت خآطري بنتج !
و هل تعتقدين مصير ولدج بيصير مثل بنتج ؟
على اي شي ينطق ؟!
حياتي اذا شايفه عصبيتج قاعد تزيد عن حدها و على قولتج غالبا على اسباب تافهه
روحي عالجي روحي طبيب نفسي يعطونج حبوب يهدووونج
بس عاد مآ توصل آنه تطقين عيالج بهالطريقة البشعه !
بعدين ترا يكبرون و يفهمون مآ يحبونج و بيآخذون صوره آمهم في ذآكرتهم على طول
تطقين بنتج بو 4 سنين عشان قعدتج من النوم !
في ياهل مآ يقعد آمه من النوم !؟
لا حبيبتي بتقعدج مره ثانيه و ثالثه و رابعه و مليون و آخوها بيقعدج اذا يحتاج شي
انتي آمهم يعني اذا يبونج وين يروحون
لا تخلينهم يحنون عالخدآمه آكثر منج !
بعدين بالنسبه للصلاه و القرآن .. ترا هاذا سبب كبير لمشكلتج
آبتعآدج عن القرآن و تسهين بصلآتج
دشي يوتيوب و تعلمي شلون مآ تسرحين بالصلآة
في شيوخ وآيد يعلمونج طرق و يتكلمون عن هالمشكله
الله يهديج:*
أميـــن يأرب
الله المستعان
عموما مشكورة على التوأصصصصل أختي
وكلامج ع العين والرأس. والله يهديني
على فكرة أنا كنت ملتزمه بقراءة القرآن بس فجأة ..
لا *** و لا هم يحزنون
هذا من ابتعادج عن الله
الواحد اذا ابتعد عن ربه
يحس نفسه فاشل و يصير عصبي لان يحس حياته تافهه
كل اليوم الصبح شغلي قرآن و ادعية و واظبي على صلواتج
هذا هو الحل