|
|
بنات انا حامل الحين بالشهر الرابع
عندي ديسك بفقرة 5 انزلاق
المرظ موجود من سنة ونص
قبل لأحمل كنت وايد تعبانة وكان مفروض اسوي اشعة رنين مغناطيسي
طلعت حامل قبل الموعد ب 4 ايام
يعني ماسويتها
انا تعبانة وايدواحس مو قادرة اتحمل لقعدة ولا المشي
المهم
انا بقدم على مجلس طبي وخايفة مايعطوني مدة كافية
بعد انا ممنوعة من اي دوا
وظيفتي مدرسة انجليزي مع الاعمال الشاقة
شنو الحل!!! ابي تجاربكم
انا من زمان ماخذه مجلس طبي بس الي اتذكره انا طلبت من الدوام وسوولي بس انتي مدرسه مادري شلون
انا يبت وحده تسويلي مساج ومادري شسوت بظهري احس بموت من العوار مو قادره اقعد وموقادره اقول ولا امشي وحتى بالنومه اتعب
الله يساعدج
اب لعيونج
ان شاء الله يفيدونج البنات
كنت ابلة نفسج وهالتخصص متعب حده
وفيني ديسك نفس حالتج ومسوية رنين مغناطيسي قبل الحمال وواضح الانزلاق الغضروفي وعندي تقارير طبية ولا حالة اجهاض بعد يعني كل شي يدل على ان صحتي ماتساعد عالشغل
تدرين جم لجنة دشيت؟؟
يمكن اكثر من اربع لجان وطبعاً يعطونج موعد عقب شهر شهرين عادي يعني تولدين ومايا وقت لجنتج
وطول هالمدة ملزومة وتداومين
واخرتها تيي جدام عينج وحدة كاااااااااشخة وكعبها يرنع لي اخر الممر تاخذ اجازة لي الولادة وانتي يقولج ماتستحقين تدرين ليييييييش؟؟؟؟
باختصار
ماعندج واسطة..
الزبدة عندج واسطة روحي وفالج طيب
ماعندج لا تعبين روحج وانصحج اجازات من الخاص لين تولدين وخصم طبعا عالمعاش بس ولا مذلة المجلس الطبي
انا نفس حالتج وتوني والده معاي دسك بس تخيلي ماتحتاجين لتقرير الدسك
قدمت باول حمالي علي مجلس طبي والحمدلله يعطوني كل مره لجنه من ثلاث اسابيع الي شهر
والمطلوب تقرير طبي فقط من دكتورج يشرح فيها الحاله وعادي حبيبتي سهالات يعطونج ….. لحد الولاده
والله يقومج بالسلامه .gif "Eh S(7)")
انا حلووني مجلس طبي وانا حامل
ماطلبت يحولوني بس قالوالي لاني انقطعت 15 يوم
االخلاصه دخلت على اللجنه
عطيتهم تقارير تثبت اني اعاني من ربو
قبل الحمال
وجزاهم الله خير وافقوا عليها
خلي السكرتاريه يطبعون لج نموذج رقم واحد ويكتبون
الرجاء تحويلي الى المجلس الطبي العام وطرشونه للاجازات
اخذي نسخه منه وروحي عاد لصباح والله يكتب الي فيه الخير ..
upp
اسفة انقطعت لعدة اسباب
كنت جدا تعبانةومتحنطة من ظهري
المهم لجنتي الاسبوع الياي
7-3 الاربعا
وتقاريري من الخاص والحكومة
دخلت عل دكتور عظام بالعدان تبلي تقرير عنحالتي وبشرني
بس خايفة حيل
لان انا من تاريخ 15-2 ماداومت من الالم والتحنط
والتنميل والتعب واي اديسك مرظمايروح وماله دوا اثناء الحمل ممنوع
وتهقون يعطوني شكثر،،،
مشكورين عالردود بس ابي بعد
بس ودي اي تقرير طبي عندج
حتى لو اتحسينه تافه
وانشالله يعطونج
وانه كل شهر اجدد الاجازه