|
|
شخباركم كويتيات .gif "Eh S(17)")
ها شحوال الجو عندكم >>>> البنت بردانه
بصراحه انا اليوم داخله عليكم وعندي شحنه زايده من شي اسمه دكتوره
.gif "Eh S(14)")
بصراحه بنات شرايكم بالدكتوره وتعاملها مع البنات ؟؟
وخاصه اذا كانت الدكتوره كويتيه ؟
وربي يبنات في كم دكتوره كويتيه اوف من قدي انا دكتوره منو يكلمني
لا واذا تكرمت وكلمتج ما طالعج وتنزل خشمها جعله للكسر
ولا غير كل هذا شوفيها بالمحاضره تشرح واهي منقرفه
مدري وش قايليها عنا مو بنات عوايل
وانا عندي نصيحه ترا مهما وصلتي من علم ترا مايغنيج كـل هذا من احترام
الناس لج بدافع الحب لا بدافع الدرجات والتحصيل العلمي
يعني بالكويتي مو ناقص من عمرج او مكانتج شي اذا ضحكتي مع البنات
او عدلتي اسلوبج معاهم…….
واخير شي
شنو رايكم بالدكتوره واسلوبها معاكم ؟
وشنو تفضلين دكتور او دكتوره وليه؟؟
اللي ما ادري على شنو شايفين عمرهم بس ما يمنع انه في جم دكتورة
رووووعه وتحسينهم احسن من الدكاترة بمليون مره
الحمدلله زينين كمستوى
بس مادري ليش اخاف من الدكتورات لول
افضل الدكاتره
وصج استفدت منهم ولحد الآن استرجع كلامهم ..
يمكن انتي جربتي دكتورة …اهي شخصيتها جذي >>>مو عشان دكتورة ..
ترى واايد ناس جذي النفسية تعبانه وتكلمج من ورا خشمها >>> طبعها
بس صدقيني مثل مافيه الشين فيه الزين …واتوقع أكثر 
اكو دكاتره (حريم او رياييل) يازينهم يهبلوووووون كل ماتذكرتهم دعيتلهم
و اكو اللهم ياكافي …. شرررررر … انا بعرف نست انها في يوم من الايام كانت طالبه ؟؟؟؟؟؟؟؟ و اشتسوى عليج البنات يدعون عليج ؟؟؟؟؟ الواحد ابهالزمن مايبي الا الذكر الطيب
ساعات اقول ودي اصير دكتورة بس عشان اصير طيبه خخخخخخخخخخخخخ
بس مروا علي ثنتينهم .. د.حصة الناصر ( علم نفس ) و د.حصة البحر ( محاسبة )
د. حصة الناصر تينننننننننننننننننننننننننننننننن تينننننننننننننننننننننن تيننننننننننننننننننننن ماشاءالله تبارك الرحمن اخلاق و علم و سمحة و بشوشة الله يحفظها و يكثر من امثالها .. و الله لي الحين اشتاق حق محاضراتها رغم ان صار لي من خذيت عندها سنتين تقريبا .. بس و الله عسل يسرسح عالجبد .. عسى ربي يوفقها وين ما كانت و ييسر امورها دنيا و آخرة
د.حصة البحر .. جنها ابلة و ماماعودة .. حقانية بس حليوة ، مو نفسية و لا تظلم و لا شايفة نفسها ، بالعكس عادية جدًا و مريحة بالتعامل بس انا ما احتكيت فيها وايد و ما كنت اشارك وياهـا بالمحاضرة
و الصج ينقال ، في دكتورات يكرهونج فيهم حتى لو حاولتي تحبينهم ..
فراولة^فوشيا
أوركيد
Filakawyia
سنابل
مشكورين حبايبي على المرور
وانا معاكم صح في دكتورات عن ميه رجال ويجيبون العافيه
وكافي اسلوبهم وابتسامتهم مع البنات حتى لو كانت البنت مو شاطره
مايسمحون لنفسهم يقللون من شأن البنت
بس وش اقول الشكو لله اللى طيحني بدكتوره تزيد من معنوياتي
عشان اكمل بالجامعه >>> توني اولابتدائي = التمهيدي
في جميع مجالات الحياة .. المره للمره قمة النحاسه !
معروف هالشي و الله يهدي هالحريم اللي مبداهم جذي و ان شاء الله تتغير نظرتهم .
| شنو رايكم بالدكتوره واسلوبها معاكم ؟ |
عشان لا نظلم نقول البعض .. !!
انا بصراحة عندي مبدأ بالجامعة .. اني ما اخذ عند دكتورة .. مع اني مريت على 3 دكتورات و من بعد الثالثة اخذت هالمبدأ ..
الاولى كانت دكتورة علم نفس قمة في الاحترام و الادب و الاخلاق و حب الطالبات مع انها صغيرة في العمر و هالشي يميزها .. وين تلقون دكتورة تعيد امتحان لطالبة بدون عذر بمجرد ان الطالبة كانت ما تدري بموعد الامتحان << اهمال الطالبة >> لكن قلب الدكتورة طيب .. و طبعا مو هذا سر الحب لهذي الدكتورة .. لان الموقف اللي ذكرته مثال بس يبين طريقة تعاملها .. و كافي تفضلي و ارتاحي و يزاج الله خير و كل الكلام الحلو على لسانها و الاهم من هذا الابتسامة . عكس اللي تتكلمين عنها جاوبتي تلف عينها و تكمل و تعلقج ما تدرين انتي صح و لا غلط تبي الناس كلها صح مادري ليش يابوها عيل .. !!.؟
الثانية خريجة امريكا و اطيب من الطيب اقدر اسميها .. ما تناديج الا يا حبيبتي و يا قلبي و يا روحي و لو تطلبين ماي عينها قالت لج ما يغلى عليج .. و هي دكتورة ادارة مدرسية عطتني لما كنت بالتربية .. صج صج ما انساها مع ان لها الحين سنتين بس ..
الثالثة دكتورة علم نفس معمرة بهالمجال .. من النوع اللي كتبتي الموضوع عنها .. و اشكره تدخلين بعد دقيقة انتي غيااااااااااااب و انسي تحاجينها لو يايتها كلج دم من حادث ما لها شغل .. و دكتورة جذي و جذي ماكو مالج امل تعطيج ظهرها و شيييييييييط على السيارة .. بس اذا ياها طالب و الله شووووووووف عيني محد قايل لي ياها واحد قالها حضريني و لا تقول ليش متاخر و لا يقول كنت نايم و زحمة و تاخرت و لا تقول له شسمك .gif "Eh S(12)")
و تشيل الغياب .. و الله هذا شي من ولا شي ..
فمن يومها حرمت اني اخذ عند دكتورة بعد .. و صارلي على هالمبدأ سنتين و انشالله لين اتخرج يا رب الله ما يقطني عند دكتووووورة ..
| وشنو تفضلين دكتور او دكتوره وليه؟؟ |
أفضل الدكتور طبعا مو الدكتورة ..
و السبب ان الدكتور حقاااااااااااااااااااااااني لو كان بنت و لا ولد اللي عنده .. يمكن يصادف الشباب مع الدكتور نفس دكتورتنا لكن نادر ما تلقى دكتور جذي ..
فالدكتور سلس في التعامل و محترم لابعد الحدود و كافي كافي انه يبتسم للطالب او الطالبة و يعدهم مثل عياله او اخوانه و خواته و هذا الاهم ان الطالب و الطالبة يحسون بالراحة داخل الكلاس عكس لما تقعدين متوترة و كل شوي عينج بالساعة عشان تطلعين ..
صج انا اهم شي عندي معاملة الدكتوره او الدكتور
لاني مستحيل اعطي من عمري وانا مومرتاحه وخاصه الاسلوب اذا كان قذر
بس اني ياحبيبتي اختاري الدكتوره وقبلها سألي عنها احسن
تحياتي لج ياعسل
احس الدكاتره بالهم وسيع ويتحملون
صج ان في حريم تحطينهم على الجرح يبرى بس الشين يغلب الزين وخصوا احنا ما نتحمل كلمه من بعض
انا خالتي مسوؤلتها حرمـه لا لايوريج اوف حاطه عليها
.gif "Eh S(1)")
مدري شنو مسويه لها
ولا المصيبه انها مو متزوجـه وواذا شافت خالتي رايحه
لطبيب مراجعه حمل او اخذت اجازه وضع .. تزيد عليها وتحط عليها
وتخليها تكرف كرف
وان افضل المسؤول رجال احس يقدر المرأه اكثر
وشاكره مرورج ياقلبي
واذا عندج الموقف مال الطالب بقولج عن موقف دكتوره محترمه
وصاحبه شهاده عاليه يعني المفروض تكون قدوه لنـا
تخيلي مرات تجينا بالمحاضره وتقدمها من غير نفس وتقعد تسب اللي
يقول جارينا من شوشتها عشان تحضر وتقول لنا صج انكم حمير بس طبعاّ بالانجليزي لانه مو من مسوتها تكلمنا عربي
وربي قهــــــــــــــــــــــــــــــــــــــــــــــــ ــــــــــــــــــــــــــــــــر
شاكره لج ياقلبي على المرور
فعلاً اذا كانت الماده سخيفه بس الدكتوره نفسيه وربي تكونين كارهه الماده
ومالج خلق حتى تفتحين الكتاب لانه مجرد ماتفتحين كتابالماده تنسد نفسج
والعكس صحيح وربي لو كانت الماده صعبه بس الله قطج عن دكتوره مثل العسل
وربي تحسين بمتعه يوم تحضرين الماده وتحسين المعلومات سلسه تقدرين
تحفظينها وتفهمينها
تسلميلي ياقلبي على المرور وانتى الصاجه الخير يخص والشر يعم