|
|
السلام عليكم ورحمة الله وبركاته ..
شلونكم بنات ..
الله يعافيكم صراحة انا مابي وحده جريئة ترد علي بخصوص هالموضوع .gif "Eh S(17)")
انا زواجي بعد 7 شهور تقريبا وللحين ما جهزت اي شي بس ايمع ارقام واسامي خياطين ومشاغل وغيره وغيره بس يعني اجهز حق ال wedding planner بس يعني ما تحركت .. المهم مو مشكلة هذي ، مشكلتي اني استحي ادش محل ملابس حريم واشتري لي ملابس نوم ، وهمن ما فيني جرأة اشتري هالنوع من الملابس وقصدي الملابس اللي يسمونها بيبي دول مادري شنو انا حدي اشتري ملابس النوم الطويلة الساترة .. ولو بشتريها ما فيني جرأة البسها ماقدر ماقدر واخاف بس اشتري شي اتوهق بزواجي ولا شي .. .gif "Eh S(22)")
مشكلة الشراء محلولة بس شسوي وقت زواجي ؟ ولي تزوجت ؟ ولا ما افكر احسن ؟
الله يووفقج
خل آحد يشري لج من خواتج او آمج
وبعد العرس يتعوودين عادي ع القصييير
فديتج وفديت حياج الحلو 
والله أحلى شيء في البنت الحياء وحتى اليابانيين عندهم مثل يقول (نصف جمال المرأة في حياءها )
شوفي يا قلبي كلنا مرينا بنفس موقفج
الحل روحي مع وحدة من خواتج أو بنات عمج بس تكون متزوجة
وخليها تقترح عليج شنو تشترين بالمحل وطبعاً في كل المحلات البياعات اللي فيها حريم وهذا الشيء يخليج مرتاحة أحمدي ربج في الدول الثانية تلقين ريايل يبيعون ملابس النوم >> قطيعة
المهم أنتي طبعاً بأول فترة من الزواج راح تكونين مستحية وتلبسين طويل بس شوي شوي راح يقل الخجل وتتعودين على زوجج ولما يصير هالشيء عاد بنشوفج أول وحدة تروح للمحلات وتدورين الملابس دوراة لووول
وأذا كلش مستحية أشتري عن طريق منتدى كويتيات في تاجرات عارضين الملابس الخاصة بمواقعهم
لووول ذكرت سالفة تضحك وحدة نعرفها تقول في ليلة عرسها كانت لابسة قميص نوم طويل ومستر ولما شافها زوجي قال لها بعد مو ناقص ألا تلبسين حجاب ههههههههه
ترى الرياييل يحبون البيبي دوووول القصير
روحي مع وحده ماتستحين معاها وخليها تشتري لج اشياء حلوه
وبعد الزواج انتي بتجوفين زوجج شنو يحب وبعدها تقدرين تشترين اللي تبينه وبيروح الحيا
انا احاتي بزمن بنتي شبيصير بعد استغفرالله !!
مو عيب انك تستحين بالعكس دليل انك متربية صح !!
انا مدري انتي نظامك اللي تكلمين الزوج والا نفسنا بعد العرس !!
المهم ان في بداية الزواج البيبي دول وهالسوالف حيل تبين انك جريئة ومالها داعي ولاحقة ! راح تلبسينها انشالله بس مو في البداية !
خلك على الشغلات الراقية الطويلة والقصير عادي ،
وبعد الزواج راح اتجرئين وتشترين كل اللي نفسك فيه ياقلبي ،،
عسى الله يتمم عليك ياربي ويوفقك ويسخرلك زوجك يارب ،،<< والله جد حبيتك !!
والله كلنـا مثلج بس بعد أول خطوة يصير كل شي عادي انشالله
لا تحاتـــــين