امور دايم تفوت العرايس انتبهي لاتفوتك بعد هاااااااااااااااااام .

الله يتمم عليكم بالخير ..

حبيت اذكركم بشئ

بليز عروسات وبنوتات لاتنسون الاذكار اليوميه والرقيه الشرعيه والمعوذات

خلها وردك اليومي ..

وحتى لما تتزوجين ان شاء الله بعد صلاة الفجر اقري المعوذات 3 مرات واية الكرسي

وانفثي على نفسك وزوجك..

والله يابنات ماخوفكم بس لافات الفوت ماينفع الصوت

كم حالة زواج فشلت وتحولت طلاق من اول شهر..

كم من تاخير للحمل ورحوا ادخلو قسم تاخير الانجاب

بتلاحطون اغلب المتاخرات مافيهم شي ولا مرض

حتى الدكاتره قالولهم مافيكم شي كل شي طبيعي

تتوقعون ليييييييييييييييييييييييييييييييييييييش؟؟؟

تأخر الانجاب ؟

طبعا كل شي بأمر الله

بس العين .. العين حق

والله اني بعرس سمعت بنات يقولون العروس حلوه والعريس احلى كيف بيطلعون عيالهم اجل

بس بننتظر نشوف عيالهم وجمالهم والى يومكم ماشافو الضنى ..

اهملو نفسهم وماحصنوها وصابتهم العين بعد الناس محد يقدر يمسك عيونهم ويقفلها

بس نقدر نمسك انفسنا ساعه ونقرى عليها قبل اي امر او اي مناسبه ,,ويوميا نداوم عليها

لاتنظرون يابنات لما يطيح الفاس بالراس بالله عليكم لاتهملون انفسكم

ترى الزواج صار صعب واغلب البنات محرومات من بدلة العرس

وانتي عروس ومحط انظار .. حصني نفسك وتوكلي على الله ..

ثانيا ..

ياليت يابنات ماتطلعون ازواجكم بالزفه والله ماله داعي

يفتحون الحريم والبنات عيونهم على زوجك هذا حلالك لوحدك

ماله داعي الرومانسيات قدام المراهقات والعجايز

اذا خاطرك يدخل زوجك..

قدموا الناس المعازيم للعشا وسكروا باب البوفيه العشا

وخلي اهلك امك وعماتك وخالاتك ودخلي زوجك بعدها وتصوروا عالكوشه يعني الناس يكونون يتعشون ولا هين عنكم

وانبسطوا وتصورا بعدين اذا ودك تجلسين مع ربعك خلاص زفي زوجك للطلعه وينتظرك برى شوي ..

وانتي كملي مع ربعك شوي ولا تطولين عليه وبعدها الحقيه ,, وخلاص ولا منشاف ولا من دري :d

اخيرا ..

لاتصرفين مهرك كله مهما كان لو انه بسيط وقليل وفري لك شوي حرام يضيع كله عالملابس والشناط والجزم وانتم بكرامه

والله اعرف بنات ادخروا من من مهرهم وخلوه بالبنك ..

وبعدها افتحوا فيه مشروع ..الي حضانه اطفال ..والي كوشك معجنات .. والي كوشك كوفي ..

شقتوا كيف التفكير ونفعها المشروع ماشاء الله عالاقل تحس بالفرح ان هالمشروع من فلوسها

وعاد بالربح لها ولزوجها والله حتى زوجها انبسط منها وصار يساعدها ..

وبس هذا كل الي عندي

سبحانك اللهم وبحمدك اشهد ان لااله الا انت استغفرك واتوب اليك..