امدحوا لج قبل الزواج و بعد فترة اكتشفتي شيء ثاااااااانيييي

السلام عليكم ،شلونكم يا بنات يا حبيباتي يلا كل وحدة اتقول و اتشاركني في

هالموضوع (قبل لا اتزوجين زوجج و ايام الخطبة و خلال ايام الملجة

لالالالالالالالالالالالالالالالالالازم المدح و السنع و العدال كلا في ولدهم اوكي و

النعم بس عقب الزواج تبدأ الأمور تتوضح شيأ فشيأ هههههه انا بقولكم عني

شخصياً اول ما ياو اخطبوني ولدنا الشاطر المتفوق كلا من الابتدائي الى

الجامعه امتياااااز و متفوق مؤدب خلوق مالا شغل ابشى الا دراسته منظم

مرتب ما يحب الفوضى، من يوم اهوا اصغير اهو الي ارتب الأشياء و اسنع

ورا اخوانا اي شيء يلقاه مقطوط بالبيت اسنعه و ارتبه على طووووول

الهدوء و الاتكيت كلا فيييية كل شيء ارتبه ماكو شيء الا ابمكانه حتى ما

يحب احد انظف غرفته الا اهو مع الخدامه عشان ما اتعفس شيء كلا متسبح

و كاشخ و متأنق (الحمدالله الكل يتسبح و يكشخ) يموت على النظافة(بالله في

احد يحب الوسخ) احب الكشخه و التزقرت و الذوق الراقي انزيين هذا كلا كلام من الأمية و الخالات

الي اكتشفته
1- أبو الفوضى واااااااااااااااي اموت ارد شيء ابمكانه تخيلوا يا بنات انا وقتي كلا ضايع على الترتيب و التسنع يعني مشط راسه على طاوله الأكل لييييش ؟؟؟ شنو هذا المشكله باللسلك العسكري بعد يعني ذابحينهم بالكلية بالنظام و الترتيب ما ادري يمكن فيه ردة فعل

2- متفوق و عفسه ما عرف تقدير الإمتياز الا بالجامعه لووووووووول و محد كثرة على قولته اطق الطوفة بالثانويه

الإتيكييت ماكو اللهم جم دوره و قعد يتفلسف على أهله خخخخخ

النظافه عاادي مو ذاك الوسوااس الخناس الي انا وارثته عادي جدأ

التكشخ و التسنع الله ايعافيني انا الي قمت اختار معاه اهدومه ههههه

فيا بناات يلالا هالله هالله بالمشاركات

انا مو متزوجه ما اقدر اقول شي عن ريلي (اهو وينه؟؟؟)
بس اقول هذي صارت حال الدنيا مو بس اهل الريال حتى اهل البنت ساعات اشوف التمدح يوصل للسما واخر شي … كله العكس .. العاجل..رايح فيها .. المرتب يعني فوضى… الشاطر والذكي والعبقرينو… غبي غبي غبي…
مبدأي صار ما اصدق اللي يمدحونه زيادة عن اللزوم .. مافي احد مثالي… كل زيادة عن اللزوم يعني جذب..

خوش موضوع
تصدقين الظاهر الشسمه بعين امه غزال
ما اقصد الاهانه بس الامهات والخوات عندهم ولدهم ماكو منه فيمدحون فيه بدون مايقصدون المبالغة يمكن بس من حبهم له ومعزته يوصلونه السما
والاحتمال الثاني ان في اهل يتعمدون يدبسون بنت الناس بولدهم واهم عارفين انه مو بهالصفات ولا هو موت بس علشان يمشي الزواج ويشجعون البنت على انها توافق اهي واهلها
هذولا عاد يويلهم من الله مو زين عليهم حرام يصير ببناتهم عقب والله الدنيا تدور
ليش تقردون بنت الناس؟؟
يمكن ماتبي ريال بهالمواصفات وفي بالها مواصفات معينة عاد تالي تنصدم وخلاص طاح الفاس بالراس
اذا سالفة ترتيب ونظام اوكي
بس في ناس يقولون ولدنا هادي وحبوب واهو يشيل ويشدخ وحتى الطق يطق المرة اي حبوب؟؟
ولا يمالها من الخير والريال يلده بخيل يشلع القلب
ولا خلوق ودين واهو عفلنقي وراعي سوالف
يعني هالامور حرام ينغشون الناس فيها
علشان جذي الواحد يسال ويسال ويسال
ولا تسالون ربع الولد ترى ربعه منه وفيه بيمدحونه
ولا اهله
سالوا بدواماتهم يرانهم اي احد ثاني
وتبقى المسالة نصيب

انا عن نفسي قالوا لنا ان ولدهم عمره 26 وطلع 28 يوم الملجة اكتشفنا يعني بدال مابيني وبينه 8 سنين طلعوا عشر بس يالله مو شي قوي ماشي الحال وكانوا جاهلين بهالشي امه كبيره وخواته هم كلمن لاهي ناسين الظاهر؟؟مسكين منسي ريلي

وقالوا متفتح ويشجع على الدراسة وينني تينن على دراستي ماخلصت الا وانا طالعه روحي وكاني قاعده بالبيت لا شغل ولاشي حسافة التعب مو راضي تفكيره كلاسيكي من الطراز الاول

وقالوا طويل وابيض وطلع عادي واسمر..>>شاكة في نواياهم عاد العمر مشيناه بس الالون بعد فاتتهم؟؟

وفي شغلات بعد بس ما احب اذكرها
وبالنهاية ماكان مثل ماتوقعت ولا مثل ما انرسم لي لكن يبقى تاج راسي والنعم فيه وباهله واللي انصدمت فيه تاقلمت معاه والدنيا ماشية
يمكن تفكيري انا بعد كان سطحي وقتها

لووووووووووووول انا مايقدروووون يسووولي هالفلم كل المستخبي اعرفه عنه .. ههههه يصيرلي ..ولما ملجنا واهله يبووون بتفلسفووون اجعمهم انه اشوه اني ااعرف كل صغيره وكبيره واذكرهم بالسوالف خخخخخخ ترى ماني هينه

اى والله هالسالفه ماشيه هاليومين ……..اعرف وحده تسولف عن زواجها لما خطبوها قالولها ولدنا مكون نفسه عشان جذى تاخر بالزوااج…………..طلع ياحظى مطييييير فلوسه على الحريم ويوم خذاها حط عليها 30 الفففففففففففف قرض ورد حق خرابيطه ..لالالالا ولما سالو عنه قبل الزواج الكل يقولهم يابختكم ان خذا بنتكم …..مالت..بعد القراده شلون صايره؟(حظ رفيجتى المسكينه)

حبيبتي امدحوه لانه الناس عليهم بالظاهر .. ماشافوه من داخل كأنسان يعني شي طبيعي بيقولون لها يا بختج فيه واهو جدام الناس اسكت .. صج قهر

……………………

انا بالنسبه لي ماكان في مجال من ناحية اهله انه يعطون معلومات مو فيه
والله يعين كل بنت انحطت بهالموقف صراحه شي مو هين والاهل تالي يطيحون من عين الوحده اصلا انهم جذابين

الحمدلله اني تزوجت عن حب
علشان جذي ما حسيت بالمعاناة وكنت متأقلمه مع كل شي من البدايه

شي طبيعي يمدحون ولدهم
والدور الأكبر على أهل البنت بالسؤال عن الولد

انا أعرف واحد طلع سجل الداخليه مال واحد تقدم لخطبة أخته !!!!

الله يستر مالنا إلا الظاهر

ههههههههه خوش طريقة يبيله مسكين من اولها مشتبه فيه

وانا مينونه اخذ واحد على حجي الناس انا درسته عدل

يالله رضيت فيه

والحمدالله مرتاحه

عادي حبيبتي تصير باحسن العوايل , كله يمدحون بالولد ويقولون عنه شي ويطلع شي ثاني. انا رفيجتي تقدم لها واحد قالوها انه متخرج من الجامعه واهله خوش ناس وانه موظف باحد الوزارات الكبرى وحتى سيارته لكزس, ولما رضوا وجاي الولد تخيلوا, يا بروحه وطلع خريج معهد بعد المتوسط, ويشتغل في مكان اول مره نسمع عنه شكله مراسل وما ادري شنو , لا وبعد اطلعوا اهله مو شي كلش. لا وبعد الغبي يوم طلع من عندهم ما بغى رفيجتي بغى اختها الي تصب الجاي.. تدرون عاد اختها هذي متزوجه من الغزو وعندها 4 يهال..شفتوا عاد..

ياامعوداااا إنتي هينه إذا يت على الأتيكيت والسنع

غيرج امدحووووه ورفعوه السما (( ريال ودين وولد ناس و..و..و..و إلخ ))

ويطلع يااااهل تصرفاته جنه بو 7سنوات مافيه من ريحة الرجوله غير اللحيه

والشارب يعني ياهل عود

وديانته على كيفه وياكل اموال غيره بدون وجه حق

ويطلع ولد هيلق مو أوادم