امبيـــــه البوم عرسي وشهر العسل رااااح داخل سيارة نقل عفش !!!!!!!!!!

بنااااااات ما دريتوا شصااار ذاك اليووووم

بصراحة شر البلية ما يضحك …

والله انا حريصه على اغراضي و اموت عالتصكصك و التقفل بس ذاك اليوم مادري شفيني

سهيت مادري نسيت

خلوووني اقولللللكم وطبعا كل اللي صاااار ريلي ماااايدري ولا جان الحين اكلمكم من ورا الشمس

ذاك اليوم سلمكم الله قررت اني اغير اثاااث الصالة

واشتري تلفزيون بلازما

فشنووو سويت

عندي مكتبة صغيرة بالصالة مافيها شي ، و قلت بعطيها ناس محتاجين مع الاثاث الموجوود

المووووهم

وحده بالدوام قالتلي ان تعرف وحده تعرف عوايل على قد حالهم و اذا ماتبين الاغراض انا ادزلج سياااارة تشيلهم

خووووش

اتفقنا و صار ذاك اليوم وفضينا الدنيا الموووجوودة بالمكتبة

وخذووها عيال الحلال عليهم بالعافيه

وانا فرحاااااانه وسعيده بالصاااااالة اليديدة

ويوووووووووم صار باجر وانا كنت بالسيااااااارة

فجاة تذكرررررررت اني خاشه البوم عرسي مع البووووم شهر العسل بالمكتبة

بالرف التحتي و مسكرته حيييييل بخيووط علشان مايتعبثوون فيهم عياالي

من زووود السنع

وانا بنفسي فضيت المكتبه و يوم بفتح اخر رف مادري منو ناداني وقمت وقلت للخدامه فتحيه طلعي

الاغراض شووفي شنو فييييه وقمت ركضت

وصلت سيارة نقل العفش

دشوا العمااااال

وشااالوا المكتبة على عدالها ما فككوها لانها مو واايد كبيرة

وراااحت المكتبة

ولما تذكرت وانا بالسيااارة قلت حق خدامتي انتي فتحتي الرف ؟؟؟

قالت لااااااا ماماااااا

بغيت ادش الشبة

بغيت اطب من الدريشة اركض بالشاااااااارع

اروح حق رفيجتي

بس تذكرت عننننندي تلفووووووووووون

جان ادق بسررررررعة على رفييييجتي

وقلت لها اللي صاااااار وانا فييييني البجية

وزفتني زف اليهد و قعدت ساااعه تطقطق بتلفونها من تلفون لي تلفووون تبي تووووصل حق مكتبتي

بتشوووف وين وصلت !!!!

والحمدلله لقتها :

بغيت اطيرلها طيران اخذهم

بس حمدلله طلعوا طيبين و بنفس الوقت الحرمة وصلتهم حق الحرمة الثانيه والحرمة الثانيه

عطتهم رفيجتي

وردووووولي البوماااااتي جان الحين انا تارسه اليوتيووووب وفظيحتي بجلاجل

لا والسالفة الاحلى تدرووون شنووو

يوم وصلتلي الالبومات لقيت داخلها بطاقتي المدنية اللي اساسا كانت ضايعه من سنة

واي لا تطقوووني صج مااادري شصار فيني ذاك اليوم

الحمدلله ان يات العواقب سليييييمة

بس تعلمت اكون احرص مرة ثااانية

والاحلى من هذا تدرووون شنووو ؟؟؟؟؟!!!!

ان ريلي مااااايدري عن كل هذا !!!!!!!!

بس تفاجأ ببطاقتي القديمة قال وييييه هذي وين لقيتيها !!!!

قلتله سالفه طويلة خخخخخخخ وسكت قال يكفينا شر سوالفج

وسلامتكم

الحكمة من الموضوووع

1 – دربااالكم على اغراااضكم الشخصية

2 – مو كل مرة تسلم الجرة

3 – لا تقولين كل شي حق ريلج خخخخخ الا اذا فقدتي الامل انج تحلين الوضع بنفسج

4 – لا تعتمدين عالخدامة

5 – لا تتذكرين شي وانتي بالسيارة فجأة

6 – تصدقي وايد عشان الله يهون عليج مصايبج