الي ولدو بالســلام سؤال بسيط والي يعــافيكم

السلام عليكم بنات عندي سؤال بالنسبه للي

ولو بالسلام صج يقولون كمامهم خفيف ؟؟؟ وممكن تحسين بكلشي ولا زين اناا اهم شي عندي يخفف الم الطلق؟

والي جرب ابرة الظهر عندهم متخصص فالابره هذه يعني ما فيها خطوره ؟؟

وتنصحوني فيها ولا لا

وثالث سؤال شلون معاملة السسترات عندهم ؟ ودكاترتهم شطار ولا لا انا اراجع عند دكتوره خاصه واهي الي بتولدني بس سبحان اللله

اخاف يصير لها ظرف او شي فلازم اراجع عند السلام ولا مو ضروري بس وقت الولاده اروح

اهلا حبوبه أنا همن اسأل نفس اسألتج عن السلام لأن بولد فيه وأنا بجر ومو عارفه شي عن الولادة أهم شي عندي الكمام ما اي احس بشي حدي خوافة
بس نصيحه أنا كل ما اسأل أحد من معارفنا عن ابرة الظهر الغالبية تقول انحاشي كمام وايد كافي لا تآخذين ابرة ظهر اصلا اسمها يخرع الله يكافينا الشر
وأنا بعد دكتورتي من برة اهوا مو شرط تراجعين بالسلام أن لمن اتييج الولادة ويحطونج بالطوارىء اوردي دكتورتج راح تعطيج ظرف مكتوب اسمها ورقمها وأنج مريضة عندها عشان يدخلونج ويتصلون عليها مباشرة وتباشرين ولادتج مباشة وبالسلامة يارب هذا اللي قالته لي حماتي

والله يسهل علينا يارب

هلا حبيبتي شوفي انا ولدت بالسلام وكانت عنايتهم فضيعه حتى كمامهم بلعكس حلوووووووووووووو ودكتورتي من عندهم اسمها نزهت بس بالأخير ولدت قيصريه واهم شي السسترات يشيلونج شيل رعايه واهتمام ولا احلا حتى رعايتهم في البيبي فضيييييييييعه والمستشفى نظيييييييف وهذا اهم شي عندي

انا ولدت قبل 5 شهور بالسلام وهمن دكتورتي نزهت وكنت بجر
وماحسيت بشي وعنايتهم تهبببببببببببببببببببببببببببببببببل
يشيلونج شيل
صج مستشفى راقي
الله يهون عليج وتولدين بالسلامة

للرفع

اختي ولدت بسلام وايد تمدحهم وانا اللحين اراجع عندهم د.محسن طلبه من كثر مامدحتهم وولادتي الاولى بالهادي يعني 70% اعطيهم

حبيبتي أنا ولدت بالسلام ابنتي البجر كمامهمممممممم خفيــــــــــف ما قدرت عليييه حطووه عالحد ماكو فايدة ينيت من العواااااار بروح البيت وبشيل الدرب هسترت والبجر الرحم ما يتبطل بسرعة دكتورتي من برة قالت لالالالالازم ابرة الظهر وصج خذيتها لان سويت زلزال لووووووووووووووول
اللي يعطيج الابرة استشاري تخديير يعني لا تخافين من غزة الابرة وبس جنج جذابة ما فيج عوار يصير متخدر من تحت السر لي كل ريولج حتى ما تقدرين ترفعين ريلج اهما يرفعونها ما تحسين فيها من التخدير
وسستراتهم يهبلون اللي تحت بغرفة الولادة بس اللي فوق انا ما عجبوني ما اييون بسرعة ما ادري حظي جذي ولا اهما جذي
وبعد بقولج شي انتي اقري سوورة مريم وادعييييييي حيل ربج يسهل علييج وانشاء الله تولدين بالسلامة

بالنسبه لي انه اراجع عندهم بس ماولدت عندهم بس دخلت المستشفى لان كنت تعبانه
المهم اه بس اقدر اجاوبج على العنايه
الصراحه انه وااااااااااااايد ارتحت من السسترات والدكتور اللي اراجع عنده عمرو عصام
والصراحه عنايتهم فضيعه والغرف والحمامات وانتي بكرامه نظااااااااف
انشالله وباذن الله اذا الله تمم علي انه ابي اولد اهناك لان وايد امدحولي هالمستشفى

والصراحه الاسأله اللي سالتيها انه بخاطري هم باجي البنات يكتبولنا تجاربهم
عشان انتطمن

والله حتى بعد وياكم ومابقى شي باذن الله وراح اولد بالسلام انا اراجع عند بكري بس ودي احد يجااوب عالاسئله واهم شي ابره الظهر لاني حددددي خايفه منها وان شالله بس اولد بالسلامه راح اكتب لكم كل شي عنهم .. ادعوووووووولي اولد بالسلامه والله يسهلها عليكم ان شالله

يهبل شوي عليه واااااااااااااااايد راقي والمعامله تينن

انا بولادتى لأولى كنت بسلام رووووووووووعه

يعنى تخيلو بنات انا نفسيتى كانت تعبانه لأنه البيبى توفى بطنى

ماتدرون شكثر راعونى حتى بلغرفه مابقى احد ماخلوه عندى عشان نفسيتى

ودكتورتى كانت نجمه

تينن واهى الحين متابعه حالتى وشاطره يعنى اول ماولدت سيده خذو المشيمه سولى تحليل عرفو السبب يعنى لو مو ماخذينها جان انا كل حمله مادرى شصير فى البيبى ادعولى الله يثبت هل حمله واكمل التاسع ومايصير شى

اى ونسيت لا اقولكم انا على الفحص يننتهم عطونى كمام بلعكس كان قوى وماحسيت

بس كنت متصروعه قالتلى دكتوره ابره ظهر عشان لا تخترعين وفوق انه تعبانه نفسيا اتعب جسديا

المهم عطونى ايها ويانى دكتور مال تخدير مصرى نسيت اسمه حسافه عطانى اياها وكل خطوه يسويها يقولى عشان لا اخترع بس الحمدالله كانت ايده خفيفيه

لأبره تينن ارتحت وترى ساعات تحسين انه ريل مخدره وريل للحين بس بعدين كل شى تمام

وحتى لما شالو لأبره الحمدالله ماكو عوار وترى لأبره بلاستيك يعنى لاتخترعون عبالكم اذا تحركتو بصير شى ومثبتينها عدل

وعلى العموم بنات ترى السهاااااااله من الله سواء بسلام ولا صباح ولالا اى مستشفى توكلو على الله

اتمنى انى فدتكم

لا والله كمامهم روعه لاهو خفيف ولاثقيل عالصدر اذا شفطيه عدل يطلع لج التخدير يهبللللللللللللل وفوق هذا العنااايه عجيبه السسترات مايدرون وين يحطووونج مستشفي السلام كل شي فيه حلو اطباء وسسترات وخدمه واهو بنفسه مبنااااهم وغرفهم وخاصه غرفة الولاده تشرح النفس تروحين تولدين مرتااااااااحه ومستانسه تبين الكمام شفطيه وهم يعطوني ابر اكثر من مره تهدي علي بس ماجربت ابرة الظهر ولامره بس روحي وتوكلي علي الله والله يهون عليج

الله يسهل عليج اللهم امين يارب

ويرزقج بالذريه الصالحه السليمه اللهم امين

حبيبتي انا ولدت قبل 3 شهور بالسلام صرااااحه معااملتهم تهبببببببببببببل والسسترات ايننون كل شفت احسن من الثاني انا مر علي شفتين واثنينهم عجيبين وغرفة الولاده مالتهم تهبل كل شي فيها وحلوه

وهم لما تروحين غرفتج بعد الولاده بالسلامه ان شاءالله هم سستراتهم رووووعه والمعامله ولا اروع وانا ولدتني دكتوره من عندهم اسمها نجمه تهبل ورووووعه

موفقه ان شاءالله

اكيد ما تحسين بشي لما خذيتي ابره الظهر حتى طلعت الراس وما ساعدتيهم بالشد والا اشفطوا الجاهل

انا يايبه كل عيالي بالسلام والحين هم بودل بالسلام اذا الله سهل
طبعا اول بيبي الكمام كان عجيب بس صراحه قمت اقط خيط وخيط جني كرانه استغفر الله ههههههه
بس عيالي الاثنين التالين كنت ارووووووووووووووح حيل موصل ومايمديني اشم الكمام عدل اصلا ولدي الاخير دزيته من كثر ماانا موصله
وولدته عل طول

السسترات يهبلون بدون مبالغه والاطبه روعه حتى اطبة الطوارئ يهبلون