|
|
السلام عليكم يا حلوات
بغيت أسألكم ما تعرفون محفظة للقرآن تجي البيت وتحفظ القرآن حق يهال بسن الروضة أو حتى ….. مكان أودي له عيالي فترة العطلة لتحفيظ القرآن وجزاكم الله خير
بجريدة الوسيط
محفظة للقران الكريم
فيه مراكز عندنا
انتي تعالي الجابريه وراح تعرفين
باداره شؤون القرآن الكريم
اذا ولدج عمره 5 سنين ياخذونه
ومو بس تحفيظ قرآن حتى يعلمونه اللغة العربيه تاسيس
عن تجربة – ودي عيالج إذا أهما بعمر الحضانة وديهم حضانة حامل المسك
بنتي قعدت عندهم 3 سنين – سنتين حضانة و سنة أولى روضة و بغيت أقعدها ثانية روضة بس سكروا هالفصل !
واااااااااايد استفادت – خصوصا بالقرآن – والله العظيم ما كنت أراجع معاها بالبيت مو كسل مني – لأ – بس لأن تدرسيهم قوي فبنتي اسم الله عليها ماكانت محتاجة مراجعتي معاها – و يحفظونهم سور كبيرة – الفجر و البلد و سور غير…
و اللي قالت القارئ الصغير -آنا دخلت بنتي فرع صباح السالم بمدرسة بركة بنت يسار (يم بيتنا)
ما تتكلم ولا تقول شنو يعلمونهم كل ما أسألها تقول ماكو شي كل يوم ألف باء تاء !!! مادري شالسالفة بس ماكان عاجبها الوضع
و القاعدة الحلبية إن شاءالله بوديها – واااااااايد يمدحونهم – بس الفرع اللي عندنا بصباح السالم المدرسين فيه رياييل
لما سألت عن وجود فراشات ح قالحمام قالوا لأ مافيه !! .gif "Eh S(12)")
و بنتي يبيلها أحد فوق راسها لما تدش الحمام _تكرمون_
شوفي حامل المسك بالعدان هذا رقمهم 25432899 – و عندهم فرع بحطين بعد – سئلي عن أبلة عهود – تهبببببببببل
و بس 