|
|
السلام عليكم ورحمة الله وبركاتة
هذي رسالة من واقع تجربه عشتها وحبيت اطرحها لكم وتكون لكم عبره وتستفيدون
واحمد الله على النعمه اللي رزقني فيها رب العالمين
انا يابنات تزوجت وكنت في بداية زواجي اجهل معنى الحياة
ورزقني الله بزووج صبر علي وكان نعمه لي في بداياتي
وبعدها حملت وجبت بنوته وبعد هالبنوته كثرة بينا المشاكل
وصارت مشاكلنا اسبوعيه بجهل مني وبعدم تحمله جهلي لمفهوم الزواج
كبرت المشاكل ،وقل الاحترام بينا وكان يحذرني بشكل كبير بموضوع الاحترام
عفته وعافني وحصل الطلاق
وتدخلو الاهل وزادت المشاكل بين زوجي واهلي
وحصلت بينا قضايا وعشت ايام مره في ايام العده
وحياتي السعيده بدت بطلاقي ادري بتستغربون لاني عرفت في مصيبتي ربي وتقربت منه حيل
وصرت اقيم الليل وادعي ان الله يهون مصيبتي
والله كل ماشوف بنتي يزيد حزني صرت سبب في ضياعها لاني مافكرت وحافظت على بيتي وخليتها تعيش بعيد عن ابوها
هذي غلطتي وغلطت ابوها واهي الي راح تحمل غلطتنا بتفككنا
فكرت وفكرت شلون بتعيش وشلون بعيش بعد كل الي حصل
والله تحسفت وتغيرت من بعد طلاقي
وكل ماصليت فرض واقمت الليل دعيت لله سبحانه
وقبل ماتنتهي العدة،دقيت على طليقي متحسفه وانا على ثقة بالله انه بيسامح وواثقه ان اموري بتتعدل
لاني احبه ويحبني وعشان بنتي دقيت وتنازلت ابي بنتي تعيش وماتحس بنقص عن الي حواليها
ماابي تعيش بدون ابو وتتاأثرر نفسيتها
والحمدلله وافق انه يرجعني وتنازلت عن اشياء عشان بيتي
كانت بداية حياة رجوعي فيها صعوبات على اهلي واهله وكانت العلاقات شوي مشحونه
والحين الحمدلله كل العلاقات طيبه وعلاقتي مع زوجي صارت احسن من قبل بمليوووون مره
والسر الاني تقربت من ربي اكثر واكثر وخليت كل همي رضا ربي والجنة وصرت صبوره
والله الحين عايشه في سعاده ومرتاحه وهذا فضل من ربي سبحانه
رساله اوجها لكم
ابتعدو عن المشاكل كثرو ماتقدرون
لاتفكرون بالطلاق دام في اطفال فكرو فيهم
خلوو كل همكم رضا الله تقربو من الرحمن بعبادتكم واخلصو له بالدعاء
أهم شي المحافظه على الاحترام والادب
الصحبة الصالحة فيها خير لكم
تحملوو لاجل اطفالكم واحتسبو الاجر من عند الله
والرسول عليه الصلاة والسلام
قال اذا صلت المرأة فرضها واطاعة زوجها وصامت شهرها دخلت من اي ابواب الجنه تشاء
لاتنسون مهر الجنة
والله يوفقكم ويخليلكن عيالكم وازواجكم
البنات يتعضون والله يهنيكم
مشكوره حبيبتي
مشكوووره ع ذكر تجربتج
جزاج الله خير
ياليت اللي توهم متزوجات ويشكون من ازواجهم
يقرون موضوعج
الحلو بموضوعج عام وماتدخلتي بتفاصيل حياتج قلتي الي يفيد وبس
الله يوفقج مشكورة عالموضوع يزاج الله خير
.gif "Eh S(15)")
اااااااااااااب
واشكر كل من دعا لي وله بالمثل
الحمدلله هذي تجربتي وحبيت افيد كل متزوجة في تجربتي
كل متزوجة تشكي من زوجها تقرا نصيحة مجربة وتعتبر من تجربتي
من يشكو من الهم وكثرة المشاكل لاينظر حق أسباب المشاكل بالزوج نفسه
هذا أكبر خطاء كثير من الزوجات تعد أيجابيتها وتقول انا حلوه وجسمي حلو واكشخ له كل يوم ولبسي ماركة
وتحط العيوب والمشاكل بالزوج
خواتي حبيباتي هذي موحل للمشاكل
اذا صارت المشاكل وقفي مع نفسج وشووفي الاسباب وين
اذا انتي مقصره في دينج وكنتي بعيده عن دينج ربي ماراح يوفقج وراح تعيشين في هم المشاكل
أول اسباب السعادة بالحياة والتوفيق والبركة بالقرب من الله
ارضي ربج سبحانه وتقربي منه بالدعاء وصالح الاعمال يتقربون منج الخلق كلهم واولهم زوجج
والله من واقع تجربه اقولها لكم كل ماتقربتي واخلصتي له تقرب منج زوجج واخلص لج
وكل ماسويتي له عشا او فطور دايم احتسبي الاجر فيه وقولي يارب اطعت زوجي وتقبل مني طاعته برضاك واكتبلي الاجر
واذا دار نقاش بمشكلة تكلمي بحترام وعقل وكوني ناصحه له لا نافرة بحدت الحوار
الله يقول ادعو الي سبيل ربك بالحكمة
ويقول من يتقي الله يجد له مخرجاً
اللين وتقوى الله يلين فيها الصخر فمبالج قلوب البشر والزوج
ويارب احفظ لنا ازواجنا من الفتن واجعلنا لهم قرة اعين