الي عندهم قطآوهـ ثوآني من وقتكم !!

مسسسآء الخيررر

اليوم توني معطله مستانسه حدي <~ يارب ادووم الوناسه ., واجيب نسبه حلوهـ

الموهيم انا ذاك اليوم شريت قطوهـ واول ما ركبتها السيارهـ وحطيتها بالقفص قامت تبجي ياحياتي والله معني مت عليها شكلها يهبل

وعاد قالت امي لازم نرجعها تقعد تبجي علينا اليل وتخرعنا

والحين يابناااات قولولي شسوي انا برد اروح اشتري قطوه بس ما اعرف شلون اخليها تسكت

انتم اول ما شريتوها بجت ؟ ولي متى ظلت تبجي ؟

هييلب مي

هالشي عادي سواء كانت القطوة صغيره ولا كبيره

لانه مكان يديد عليها وتحس بخوف

ساعات الموضوع يطول يومين ويمكن اكثر

بس انتي طمنيها يعني مسكيها مسحي عليها حسسيها بالامان

حطي يمها اكلها

لا تحبسينها بمكان صغير حرام

اهي خايفه بس

لوووووووووول رجعتيها عشان قعدت تبجي بالسياره .. حرام عليج !!!!

طبيعي هالتصرف مع القطاوة الصغار.. لانها مو متعوده عليكم و مستغربه من المكان.. عادي حبيبتي القطاوة الصغار ابسرعه يتاقلمون على مكانهم اليديد.. انتي مسحي عليها حطيها بحضنج دلكي رقبتها.. حتى تحس بالامان .. اذا عندكم يهال وصيهم لا يصارخون و يعلون صوتهم..ميخالف خليهم يلعبون معاها بس مو لعب دفش و تفقص

8
8
8

عدل كلام خيتو حلاها

عااااادي قلبو

هي بتظل على هالحال فتره موطويله انا ماجربت كذا انا كانت تجربتي مع ثلاث قطاوه اعمارهم 5شهور واخذتهم معي السياره وبنطلع البحر يمكن المسافه ميتين كيلو جالسين يصيحوووون قطعو قلبي اخر شي فكيت لهم القفص كلهم جلسو بحضني يشمون فيني ويسكتون واذا صاحو اناديهم بهدووووء وعلى طول يحسون بالراحه ويسكتون>> ويدي راحت ضحيه نملت بس فداهم

تبينها تتعود عليك القطاوه تتعود على الريحه والصوت هذولا اكثر حاجتين

انتي لما تحطين لها الاكل روحي عنها لاتجلسين معها هذي في الأيام الاولى

بعدين حطي اكلها واجلسي بعيده شوي وبعدين قربي منها وهي تاكل مسحي عليها شوي شوي ولاتنسين ناديها بأسمها قبل لاتعطينها اكلها ولما تعطينها برضو ناديها راح تعرفك وتتعرف على صوتك

وخليك على الطريقه فتره عند الاكل حاولي بهدوووء تمسحين عليها عشان تتعود على ريحتك ونادي عليها وسمعيها صوتك واذا عندك اخوان صغار خليهم يسون معك هالطريقه بس بعد ماتتعود عليك انتي

واذا تبينها تتعود عليك اكثر خذي لها بطانيه بس خليها عندك يوم او يومين بعدين حطيها بسلتها او بقفصها يمكن غريبه هالحركه بس مره حلوه القطو بعدين يحس كانك صرتي معه

ويتربى بعزك ويصير يطارد وراك مطارده

اي هي يوم حطينها بالقفص بسس شكلها مثل ما قلتي ما تحب الحبس بمكان صغيرر

تسلميين ع المرور

ههههههههه والله ماودي امي هي الي رجعتها تخرعت من صوتها قطعت قلبها

الله يعين بس من الجهال هههههههههه هم الي بيخرعونها

فديتج والله

حياااج الله

عدددددل كلاااااااااااامج

حييل نبهتيني ع شغلات ما اعرفهاا

جزاج الله خيررر يالغلاااا

اي عادي يخافون بالسياره .. انا اول ما شريت قطوتي كانت خاااايفه وحطيتها بحضني وسكتت .. واذا طلعت لمكان واخذتها معاي تخااااف ولازم اخليها جنبي او بحضني.. وتسكت..

وما قصروا البنات

ان شاء الله اتييبين نسبة عالية آآآآآآآآآمين

كل القطاوة اخافون من السيارة وهذا عادي تخيلي قطوتي كل ما اوديهاالبيطري اتصيح بالسيارة كانت اتقطع قلبي بس صار عادي عندي الحين