الي عندها خبرة بالرضاعة الطبيعية تدش ولا عليها أمر

السلام عليكم

عندي استفسار بخصوص الحليب لما ينشفط

* اذا حطيته بالثلاجة وطلعت اسخنه شوي بالماي الحار عشان يدفى الحليب وما كملت بنتي الرضعة ارد احطه بالثلاجة والا خلاص اقطه ؟

* اذا كانت الحليبه بره اشكثر ممكن اخليها والا خلاص مدتها ساعة نفس الصناعي وتنقط ؟

والي عندها معلومه اتفيدني يزاكم الله خير حبيباتي

ولا ماعندي فكره بس ان شاء الله البنات افيدونج

انتى لازم تسألين دكتور للاطفال هو يفيدج اكثر….

انا بعد نفس الحالة
جان زين البنات يفيدونا

مشكورين يلي رديتوا

وناطرة الجواب

حبيبتي انا عانيت مع الحليب والشفط لحد ماقلت بس انا اقولك اذا طلعتيه من الثلاجه ودفيتيه خلاص ماترجعينه وانتي لا تطلعين واجد يعني اخذي الكميه اللي تحسين بنتك بتشربها ورجعي الباقي قبل تدفينه وحليب الام تخلينه من ساعه الى ساعتين بس وانا عن نفسي ما انصحك تخلينه اكثر من ساعه واتمنى اكون فدتك والله يخليلك بنتك ويفرحك فيها عروس

اي بعد انا ابي اعرف روانا جامعه ودوام وبلاوي زرقة ونبي نرضع طبيعي اذا في بعد بنات يعرفون يفيدونا

انا قايلي الدكتور ان الحليب ينفع ليومين بس شرط يكون بالثلاجه واذا سخنتيه ماتردينه يخرب يعني اخذي الكمية المطلوبه وسخنيها والباقي ينحفظ بالثلاجه يومين بس احسنلج حده يوم واتمنى اكون فدتج

مشكورة وايد حبيبتي

كفيتي ووفيتي

تسلمين بعد عمري

شوفي حبيبتي حليب الأم يقعد بالثلاجة مدة 24 ساعة وبعدها لازم ينقط
ولما تسخنينة حطي الممية في حمام ماي حار مو تسخين مباشر
ونفس ما قالتلج الأخت لا تسخنينه أكثر من مرة واستعملي على قد حاجتج فقط
أهنيج على حرصج على الرضاعة الطبيعية
ابي اسألج أي شفاط تستعملين ومن وين خذيتيه؟ يدوي ولا بطارية أو كهربا؟
وهل موضوع الشفط ماشي وياج زين ولا لأ ؟
أنا ولادتي قريبة وانا موظفة أداوم صبح وعصر وودي أسوي نفسج

الي اعرفه مره وحده تسخنينه وعن نفسي اخليه بر الثلاجه لمدة 3 او 4 ساعات بغرفه بارده بس اذا اكثر بالثلاجه واحسن شفاطه ماشيه معاي ميديلا الكهربائيه تهبل وسهله وماتعور والله يعينا ونكمل رضاعه

عندي استفسار بخصوص الحليب لما ينشفط

* اذا حطيته بالثلاجة وطلعت اسخنه شوي بالماي الحار عشان يدفى الحليب وما كملت بنتي الرضعة ارد احطه بالثلاجة والا خلاص اقطه ؟نعم..حليب الأم يتسخن مرة واحدة فقط..

* اذا كانت الحليبه بره اشكثر ممكن اخليها والا خلاص مدتها ساعة نفس الصناعي وتنقط ؟
على حسب حرارة المكان.. بس نصيحة لاتحطين الممية بره أكثر من ساعة.. خصوصاً وانتي شايفة جونا الحلو..

اختي من واقع خبرتي .. تقدرين تحطين حليبج بالفريزر مو شرط الثلاجة … لأن الثلاجة مدتها من 24-48 ساعة..

وحبيت أهنيج لأنج فعلاً أم عندها ذمة وضمير يوم انج فكرتي ترضعين بنتج.. وعسى الله ياجرج ويطرح فيج البركة

شوفي حبيبتي انا عندي كتاب ((الطفل السليم مع الدكتوره ريم))
وعن الرضاعه الطبيعيه تقول :
تقدرين تخزنين حليب الثدي في حرارة الغرفه من 4ــ 6 ساعات
ـفي الثلاجه 6ايام
ـ في الفريزر اسبوعين

وانا كنت اسوي هذه الطريقه بالاشهر الاولى والحين بنتي عمرها سنه وللحين مستمره بالرضاعه الحمد الله

انا امس بالمواساه سألت النيرس مالت الرضاعه قالتلي تخلينه 4 ساعات بره استغربت قتلها اللي اعرفه ساعتين قتلها الجو حار قالت غرفه فيها سنترال مفتوح 4 ساعات عادي

او بالثلاجه 24 ساعه بس

بس مره كنت رايحه دارالشفا سألت دكتور اطفال قالي ساعه بره او عطي البيبي اذا ما يبيها رفضها كبيها قلت هذا شكله ما يعرف شي
اجرب بولدي شكو

فباخذ على كلام النيرس انشاء الله ماكو الا العافيه