الي ساكنه مع اهل الزوج

السلام عليكم بنات كيف الحال ان شاء الله بخير

بدخل الموضوع ع طول ,, أنا ساكنه مه أم زوجي واليمعه اتصير في بيتنا حمواتي كلهم يحضرون وانا اروح رزواره اهلي الخميس وارد الجمعه المغرب ويمعة حمواتي يوم الجمعه

سؤالي ؟؟ هل ضروري احضر يمعتهم ودي اخلي زوارتي لبيت اهلي الجمعه الظهر ومااحضر يمعة اهل زوجي ؟؟ للمتزوجات وساكنين مع اهل الزوج متى اتروحون لزواره اهلكم ؟؟ وهل لازم اتكونون في بيت الحموله وقت زواره حمواتج لامهم ؟؟ انا ملاحظه الكل بنات خالي وبنات عمي يروحون لبيت اهلهم يوم الجمعه الا انا اروح الخميس

,

روحي زواره اهلج الخميس
و حمولتج اليمعه

احسن عشان مآ يشرهون

نفس گلام اختي

اذا اهلج جمعتهم الخميس عادي بس اذا الجمعه روحي لهلج

انا زوارتي متى مادقيت ع اهلي وتجمعوا رحت لهم وغالبا الجمعه لانه الخميس الناس راده

من الدوامات تبي تريح وتنام فيعني الجمعه مناسب

حمواتج زوارتهم لامهم مولج يعني موشي مهم

الافضل ماتتقيدين باحد لانه نهاية الاسبوع الانسان يبي يتنفه ويريح

انا عندي مدام الحين انتي متزوجا تمشين علي سستمهم يعني انتي تقولين حمواتج يتيمعون اليمعا خلاص اليمعا خليج موجودا هناك اذا لا سمح الله عندج سوق معزوما طلعا مفاجاه عادي وخلي زوارت اهلج الخميس انا ساكنا عند اهل ريلي يمعتهم الخميس واليمعا فانا خليت الخميس عندهم واليمعا عند اهلي لأنو إحنا الازوارا الاساسيه فبيتنا اليمعا الكل ايي وغير الايام العاديا اللي تنزلين فيها مع ريلج فعادي حلو انج تلتزمين والله بيستانسون خاصتا خالتج ولا تشوفين مرت حماج ماتيي انا بقلدها لا سيري احسن منها حتا اهم يقدرونج ويكون لج مكانا

وانا اقول اسبوع روحي الجمعه واسبوع روحي الخميس وهكذا

بس لازم تعملي قيمه لاهل زوجك عشان هم بعد يعملولك قيمه

انا اسبوع عندهم
اسبوع اروح زوارة اهلي

روحي بيت هلج يوم الجمعة
ابتعدي عن القيل والقال احسن لج

اب اب اب

البنات كفو ووفو

اذا جمعة اهلج الجمعه روحي لاهلج الجمعه

البنات ما قصروا واياج فيهم الخير والبركة

روحي حق اهلج في يوم غير عشان لايقولون ماتبي تقعد معانا

مدري حبيبتي
عن نفسي حمواتي ينامون عندنا خميس وجمعه وسبت
يعني عادي ازور اهلي الظهر اتغدى وياهم وارجع المغرب اصعد شقتي اغير ملابسي البس دراعه ناعمه وانزل اقعد وياهم ونتعشى جميع