سلام بنااات
انا اول سنه مسائي بس ياليت تقولون لي
شنو الاغراض الي اشتريها
يعني جم دفتر ؟ و ابو جم ورقه و هالسوالف يعني عفيه لا تبخلوون علي
و في واجبات و اختبارات اسبوعيه و جذي او لا ؟
بلييييييييز لا تطنشوون 
والله ما ادري انا اقول ليش ما تنطرين لين اتداومين عشان تتأكدين من الأبله احسن
وان شاء الله البنات ايفيدونج
مشكوووورة حبووبه
انتي اول شي اي صف ؟؟؟
ترا المسائي احلى ما فيه انه مافي واجبات مثل الصباحي وعلى كيفج اتيبين الكشكول الي تبينه مالهم شغل فيج لان المسائي معاملة ثانية مو نفس الصباحي معاملة يهال .. على حسب المدرسة اذا تعطيكم امتحانات عشان تبيكم تدرسون بس مو اسبوعية كل اسبوووع يعني بين فترة وفترة ممكن تعطيكم امتحان قصير ..وانشالله سهالات وتقدرين تنحجين ابسهولة وتفتكين من الحر وقعدة الصبح
موفقة حبوبة
انا هالسنه هم اول سنه لي مسائي
اللي عرفته ان تجيبين الدفاتر اللي تبين عادي
مايجيكون الابلات
والامتحانات كل شهر
انا اقول نطري الدوام …
اتوما انتي متخرجة من المسائي او تدرسين مسائي ؟
يعني سهل الواحد اييب فيه معدل؟
الي عندها فكرة خل ترد
انشالله البنات يفيدونج انا ما عرف شي
اي امبي لا تخافون ولا تحاتون ترا المسائي حدة اخرطي ترا اسهههههههل من الصباحي ابوااااايد يعني الوحدة تقدر تيب نسبة بس لازم تدرسين واتجابلين مو تعطينه طااف الدراسة بس اسسسسسهل من الصباحي الصباحي وييييييع ملاغة لازم يكون الدفتر كامل ولا شفوي وعلمي وخرابيط ..مني المسائي غير..بس يبون التزام يعني ما يبون غياب لان محسوب الغياب طول السنة بس 15 يوم تقدرين تغيبين وترا الفصل عندهم مثل المائي @@ وديرو بالكم لا تتهاوشون مع طالبات لان علطول يفصلون وترا بس تقدرين اتيبين 3 مرات عذر طبي ..لان يبون التزام وترا اذا جافتج الابلة ملتزمة ومهتمة في المادة تعطيج درجة كاملة في الشفوي
اهوى عبارة عن الفترة الاول راح تمتحون الساعة 4 وربع في المسائي وبعدين نص السنة راح تمتحون في مدرسة ثانية بالصباحي وتكون الساعة 8 الصبح مع طالبات الصابحي وبعدين الكورس الثاني الفترة الثالثة تمتحون بالمدرسة المسائي بعد الساعة 4 وربع وبعدين الفترة الرابعة الي اهيا اخر السنة بعد تمتحون في مدرسة الصباحي الصبح مع اليهال <<< يا خزيتاه كبرنا ههههههههههههااايي
وترا انا عمري 19 توني كاملة حولت اخر سنة على المسائي عشان ايب نسبة والحمدالله يبت نسبة ودشيت الحين جامعة الكويت
وانشالله اجوفكم معاي بالجامعة
وترا عادي راح اتجوفون اشكال عجيبة غريبة بس انتو مالكم شغل فيهم ..وترا نفس الصباحي في فرصتين وترا ما يحبون الوحدة تستأذن وتطلع من المدرسة لان صار وايد مشاكل بنات يواعدون ومصخرة وجذي @@
موفقين خواتي
ترا مافي امتحان عملي حق المواد العلمية مثل(عملي حق الكيما او الفيزيا او الاحياء) كلش مافي ترا كل الدرجات تكون في ايدج الي اهيا ورقة الامتحان
واي استفسار حاضرين
اقدر الغي شهادة الثانوية و اعيد رابعة ثانوي مسائي عشان اييب معدل ؟! وشلون الطريقة !
اي انا امسوية جذي ..كنت ناجحة في النظام فصلين وكانت نسبتي ما تدخل الجامعة فعدتها مسائي ويبت نسبة ..عادي حبوبة تروحين المنطقة تسجلين على المسائي وتعيدين بس اخر سنة تنحسب لج ويكون نفس منهج نظام الموحد وترا الموحد اسهل ابوااايد من العامة نفس الي درستيه بس على اقل يعني اخر السنه بس تمتحنين في كتاب واحد مو نفس العامة الي اخر السنة ناكلها نمتحن كتابين وعفيسة
خالتي تدرس مسائي تقووووول واايد اسهل من الصباحي وكل شيء سهل بسسسسسسسس لازم درين بالج من بعض الاشكال
اتوما يعني على ذمتج راح اييب معدل
up up up