الي جربت الدكتور ابراهيم امين للعلاج الطبيعي تدخل ضروري

مرحبا يا امهات التحدي
من العنوان الي جربت هالدكتور تقولي رايها فيه هل هو ممتاز او شغله عادي
انا جبته جلسه يكشف فيها علي ولدي وطلب مبلغ غالي حيل 400 دينار بال 22 يوم يعني مو بالشهر بعد
فبصراحه ما أبي ادفع هذا المبلغ علي دكتور شغله عادي قلت بسالكم اذا يسوي وفي أحد جربه وجاب نتيجه مع عياله بخليه يشتغل لولدي

والي تعرف دكتور زين وشغله ممتاز لاتقصر معاي وتعطيني رقمه محتاجته ضروري لولدي

هلا يالغالية

يعني انتي جربتيه؟؟؟

ومن خلال كشفه على ولدج شلاحظتي عليه شاطر متمكن؟؟

لان الامهات يقدرون يميزون طبعا مع الخبرة.

والله يالصابره كل واحد يمدح شغله ويقول الزين عندي
انا ماشفت شغله بس شاف ولدي وولدي كان يبجي مارضي يشتغل معاه وقالنا ان يحتاج علاج وعطانا سعره الغاليً وانا قلت اسالكم عن شغله لاني جربت قبله وقطيت فلوس علي الفاضي

هلا ياقلبي

السعر الغالي المبالغ فيه ما يعجبني اذا كان الاداء والجهاز الفني أقل من المستوى

انتي ممكن تجربي شغله لمدة معينة وانتي اللي تحكمي واذا حسيتي انه علي الفاضي خلاص شوفي حد تاني.

اب اب
ابي الي جربه تنصحني

ام عبدالرحمن انت جربتيه وجم عطاكم سعر الجلسه وجم سنه قعد يدلك لولدك وهل شفتي نتيجه

هلا اختي

الدكتور بمركز الفهد مثل ماعرفت

كويتيات اللي عندها طفل اختنق بالولادة تدخل جزاكمـ اللهـ خير

ايه اختي الصابره انا ادري انه يشتغل بالفهد بس مو شرط كل واحد يشتغل بالفهد شاطر لان شكثر ناس ترقدت بالفهد وخذت كورس مكثف وما استفادت شي فاموشرط

اذا هو اللي بالفهد انا جربته بس ما عجبني حركاته اقل من عاديه وما يعرف يتعامل مع الاطفال جاااامد حيللل بس ما قالنا ٤٠٠ يا ٢٠٠ او اقل بس انا جربته جلستين. بعدين الغييت باقي الجلسات .. ونصيحه روحي للفهد العلاج فالبدله الفضائيه اكثر من ممتازه وبلاش ..

انا الحمد لله ما عندي مشكلة. وما جربتوش بس اعرف ناس جربوا شغله ويمدحوه . بس يا ريت اللي يقول 200 او 400 يحدد كام جلسة لان عدد الجلسات يفرق. واختي الذوق ليه جلستين ولغيتي هل حسيتي ان ما فيش نتيجة؟ لان انا اعرف العلاج الطبيعي لازم وقت عشان يظهر نتيجة

الذوق المشكله ان بطاقه ولدي مو علي العاصمه اتوقع اذا جيتهم بيقولولي راجعي منطقتج

الذوق انت ما استفدتي من التشيك تنصحيني فيها

او تعرفين دكتور زين بالكويت تعالجين عنده لدج

بالشهر الواحد ويكون الخميس والجمعه اجازه يعني لو نحسبها بالايام 22 يوم وياخذ 400

ام عبدالرحمن انا لاحظت ان بكذا موضوع تكتبين عن دكتور ابراهيم وانتةتقولين انج ما شفتي شغله وتمدحينه حيل وتحطين رقمه اهو يصيرلج وتسوينله دعايه لاني لاحظت اللهجه مالتج مصريه
تري موضوعنا بالذات مايتحمل دعايات لان هذول اطفال معاقين مايتحملون التجارب ممكن الطفل تصيرله مضاعفات من التمرين الخطيء والدكتور الي ماعنده خبره وانت مو منتبهه لهشيء تري انت قاعد تاخذين اثم فينا لانج تخلينا نتعلق بامل ونخسر فلوس ونتعب الطفل علي الفاضي
اتمني انج تحكمبن ضميرج وانا ماكتبت هالكلام الا بعد ما تأكدت وشفت كل المواضيع الي يطلبون فيها دكتور طبيعي تدخلين وتمدحين شغله وتحطين رقمه ولما سالتج انت مجربته قلتيلي انج ماعندج اعاقه وماجربتيه