|
|
بنات بسال اذا انا حامل توني بكمل الشهرين والالتهاب ماخلاني ذبحني يروح ويرجع شنو الحل ووين اراجع
راجعت الحكومه لوعو جبدي سوت لي فحص داخلي وماسوت لي تحليل اني حامل وطلع بكتيريا وبعدها بيومين حللت طلعت حامل
ورحت قلت لهم جان تقول الدكتوره اخذي تحاميل قلت خذيت قبل ادري اني حامل ومانفع وبعدين انا حامل مو زين قالت خلاص اصرف لج مضاد حيوي قلت مو زين توني حامل ومضاد قالت صح خلاص اعطيج دوا لريلج قلت الحين المشكله فيني م فيه انا الي ابي حل قالت انطري وعقب اسوي سونار ونشوف مالت عليهم انا اعلمها شنو يصير مايصير
ابي حل لان تقريبا من خمس شهور وانا ماخلاني يروح ويرد كنت مسافره وصار فيني هناك ولين الحين مو راضي يروح كل شهر مرتين تقريبا زهقت مع اني بدلت ملابسي كلها ومهتمه عمري ماصار جذي
بليز الي تعرف شي تبلغني
ويعطيكم الف عافيه واسفه على الاطاله
غسلي بمره لانها مضاد حيوي طبيعي
روحي عيادة امراض نساء و ولاده و راح تسويلج مسحه ( و هالمسحه ما تضر الحامل لأن ما تدخلها وايد داخل ) و بعدين يحولونها المختبر علشان يحللون ويسوولج مزرعه و يحددون نوعية الالتهاب لأن كل التهاب له علاج مختلف
بعد ما تطلع النتيجه و عرفو النوع راح يعطونج تحاميل و غسول و كريم طبعا الكريم على حسب اذا كان الالتهاب بس خارجي ماراح يعطونج الا غسول و كريم و اذا داخلي و عندج افرازات راح يعطونج تحاميل و التحاميل هاذي ما تضر الحامل
في انواع من الالتهابات يعطونج حقها مضاد حيوي و المضادات مو كلها تضر الحامل في انواع مصرح للحامل انها تستخدمها لأنها ما تضر ولا تأثر على الحمل بس اهم شي بالموضوع انج تروحين حق طبيبه زينه و لا تروحين مستشفى حكومي و الا مستوصف اقولج عن تجربه انا بالحكومه قالولي النتيجه مافي التهاب و يوم رحت الخاص طلع فيني التهاب قوي و قالت الطبيبه ان هالالتهاب خطر على البيبي و لازم بسرعه تعالجينه
ما تشوفين شر
تروح وتجي والدكتورة عطتني تحاميل وغسول ولازم تكون المنطقة ناشفه باستمرار
وبحمالي في بنتي من سنتين جاني الالتهاب واستمر للشهر الخامس وبعدين راح
الظاهر بنطر للشهر الخامس
اللة يعينا
الالتهاب مصييييييبة وماتتحملين نفسج حتى زوجير مل مني بس ممنوع الجماع مع الالتهاب لانه يزيدة
و انصحج تلبسين سراويل قطن ١٠٠٪ و معقمة
تطبخينهم بماي مغلي بعد كل غسله
والله نصيحه غسلي بمنقوع الكرفس وماي ملح بس كثري الملح بالماي وبلا دويات وخرابيط
~
~