|
|
السلام ابي اجاوب علي البنات الي يقولون ليش المتزوجات مايكشخون انا كنت اسال هالسوال مثلج قبل لا اتزوج
بس يوم تزوجت عرفت ليش انا اقولج الزوج اي كله من الزوج انا كنت قبل الزواج احلى عبايات البس ومرتبه وشحلاتي
ويوم تزوجت زوجي قالي ابيج تلبسين عبات راس اوكي مافيها شي البس عبات راس علشانك والصدمه لما قالي ابيها تسحب بالارض انصدمت زين ليش قال بس اخاف ساقج يبين قلت البس ادلاق عادي قال لا ابيها تسحب بالارض وابيج تلبسين تحت العبايه دراعت بيت مابي جينز او بنطلون ولا تحطين مكياج امبيييييييه صرت عجوز وشكلي صار امبهذل بالعبايه مو علشانها عبات راس لا لانه الطلب الغريب انها تسحب بالارض يعني خله شكلي ايكس ومهذله اقوله ليش جذي تخليني يقول انا احب جذي ماابي تكشخين الا لي وبس الزبده يعني موشرط المرا اذا تزوجت ماتكشخ هذا طلب زوجها
على جذي كل شهر شاريه عبايه يديده
قوليله والله اللدلاغ اسهل وانظف
بعد عمري ماجوووره
بس اذا كنت مرتبه ونظيفه هذا اهم شي
وليش يبي عبايتج وصخه وكلها تراب مو لي هلدرجه النظافه من الايمان
الصراحه طلبه مبالغ فيه حيل ..!!
قلنا ديانه قلنا غيره بس مو جذي ..ّ!!!
اختي ترى انتي حاله نادره المتزوجات اوكي يسمعون كلام رياييلهم بس هم انا لي شخصيه والبس شي يناسبني
عباية راس وتحتها عباية جتف مرتبه ليش بجامه ..!!
يعني اهو بنظره مايبيج تتزينين
بس هم بتلفتين النظر اللي مايخزج بيخزج بيقول ليش بجامه تحت العبايه ..
مافيها شي البس شي محترم ومرتب ..
مادري اختي احس زوجج طلبه غريب حيل واكبر من صلاحياته كزوج
مو من حقه يبهدل مرته علبو انه زوجها ولازم تطيعه ..!!
يعني لاحظي لو ثنتين يدشون محل
وحده عبايه مرتبه ونظيفه
ووحده عبايه وصخه وكلها تراب ومبهدله
تتوقعين موظفين المحل بيركظون على منو ؟؟ اكيد عالمرتبه
الناس تحترمج من لبسج بهالزمن لان مايعرفون باطنج شنو
يحكمون عالظاهر ومع العشره يحكمون عالباطن
وهم بتدشين على ناس على اهلج واهل ريلج بتروحين زواره اشلون تدشين عليهم جذي ؟
اختي كلمي زوجج وفهميه حرام جذي يسوي فيج والله
قوليله ماني متزينه حق احد بس بلبس شي مرتب ونظيف ماطلبت زينه ولا ترصرص ولا لبس مسخره
بس ابي مرتب ومحترم ونظيف وين المشكله ؟
ماقصرت وانا رايي من رايها
اذا اهو يبيها تسحب انا اجوفها احلى من انها لين نص الريول فضيحه نفس الزلمات
لاني من الامارات
لازم عبايه وشيله
بس ريلي قالي عبايات الوان لا
قلت اوك
قال عبايات تحدد الجسم لا
عبايات مفتوحه لا
و غطي ويهج؟؟؟
هني اعترضت بس قلت خلاص بتغشى ماراح البس نقاب او غيره وهو وافق
و شو سويت؟ صرت البس عبايات عالموضه لكن على مزاج ريلي
يعني حافظت على روحي وكشختي وبعد سمعت كلام ريلي
و مرات لما اكون مرتبه ريلي يقولي هيه هذي عبايه يديده صح وايد ملفته
اقوله حبيبي عباتي هذي من فتره البسها اليوم لفتت نظرك! ف يسكت
حلو لما تغيرين اسلوب كشختج من شي لشي ثاني
يعني انتي اكشخي ب شنطه ب خاتم ب اكسسوار خفيف
و على فكره اننتي حطيتي موضوع عام مو تبين حل لمشكلتج
و صح كلامج
المعرسه مثلاً لما تكون كاشخه و يا ريلها وخذ الي يبيه
تتعايز تتعدل مره ثانيه !
مرات تكون تعبانه
مرات مالها مزاج
مو شرط كل يوم كشخه
بس شرط ان كل يوم في شي ضروري تسويه
مثلاً ترسم حواجبها
تتكحل
مسكرا عالخفيف عشان تكون طبيعيه
انا هالاشيا تخليني واثقه من عمري
لان الثقه تعكس مظهرج قبل لبسج
عقبال ما افرح ريلي ب تغيير عباتي لعباة راس ان شاءلله
مو مؤمن ان المره لها عقل اثقل من عقله مرات يبي يسوي لها خطة تفصيلية لحياتها ويلغي خياراتها
طبعاً الغالبية جذي
اتغشى
وعباة راس وما الومه اهلي واهله كذا مانلبس نقابات
مرات اطلع بكتف بس لو كنت بالسياره ومع زوجي او رايحه جمعه ربعي بس النقاب عدووه
مثل مرة اخذ نقابي وقطعه مايبيني البس
ئ
الرجال عندهم غيره زايد حبتين
وبعدين اسوي العباه طويلة بس مو تسحب سحاب وترى المراة تعرف كيف تقنع رجلها باللي تحبه وتبيه
مثل انا ما احب الا عباياتي طويلة ماحبها حد بحد عند رجلي او قصيره
لانها اصلا مع الغسيل تقصر بعض الاقمشه وتخترب العباية لو كانت حد بحد بس لو شوي طويلة بتكون ضبط عليك
مافيها مشكلة لو طويلة بس مو الطول الزايد البايخ اللي يبهذل
وزوجي يبيني البس العباية المسكرة بس انا مخليتها مفتوحه
واذا جات هوا وكذا يقولي شفتي قلت لك سويها مسكرة ماسمعتي
عادي اخذي وخلي معاه واتفقي عاللي يريحك
الحياة ماشيةة
استغفر الله العظيم واتوب اليه
انا زوجي يتشرط ؟
مايحب المكياج وما يحب صبغ الاظافر
قتله حبيبي انا من الاول جذي شحقة تاخذني
لو موووت ماطلعت عيوني حمص
ما قالي لبسي عباة
بس
لو موت ما البس العباة
شاللي قاطك علي
جان من الاول خطبت وحده بالستايل اللي تبيه
شتسوى علي هيلقية جدام الناس
بالاجتماعية معاي بنات دينات قمة بالنظافة والايمان
ماتحط مكياج ولا تحط كبه
والعبايه واسعه بس جدآ مرتبه
لا تسحب ولا بطيخ
ومو مبينه ريولهم
لا تعاندينه بس لا تعطينه ويه زيادة عن اللزوم
اولا بالششارع وقدام الرجال حق شنو الكشخه ؟
انا عن نفسي بالعباه مثلا احبها طويله تريحني اكثر مب قصيره كني اجنبيه ماعرف البس عباه
الكشخه للززوج بالبيت وعند مجتمع الحريم فقط هنا المقصد ليه ماتكشخون
ولو كان قصدهم الكشخه بالششارع فمااظن لها داعي ابدا
العباه للستر مب للفت النظر ؛
لكن انتي لاتلغين شخصيتك ولا تسوين كل شي سمعا وطاعه
ممكن شكلك هذا يكون ملفت اكثر
كل شي بالوسطيه يكون افضل
فاهمه الموضوع غلط
زوجها يبي عبايه طويله عشان مايبين ساقها او اذا صعدت دري ماتبين ريولها موعشان وصخه !!! مافي ريال يبي مرته ملابسها مونظيفه