الي اراجعون عند د.خالده المجيبل

السلام عليكم

بنات بسألكم شلون الدكتوره وهي كبيره ولا اصغيره واشلون مواعيدها وجم اسعار الولاده عندها الطبيعيه او القيصريه

الدكتوره مو كبيره وحبوبه واذا اول مره لازم تروحين المستشفى تفتحين ملف وعقب يحددون لج موعد واسعار الولاده ما ادري عنها انا سويت عندها تنظيفات بشهر واحد اب 360 وكان مسجل بالفاتوره 200 دينار حساب الدكتوره انا اتوقع 250 او 300 للطبيعي و 400 للقيصريه غير حساب المستشفى

هلا حبيبتي

الدكتوره مو كبيره

و اهي حيييييييييييييييل صريحه يعني اذا في اي شي لو بسيط راح تقولج على طوووول

و سونارها دقيييييييييييييق حيل

اسعارها غاليه

يعني انا كنت اروح مراجعه كل اسبوعين+سونار ادفع 60

و اذا طلبت تحاليل ادفع زياده

يعني مره رحت سويت سونر طلع حسابي 60 وطلبت مني تحاليل دم عشان تشوف نسبة الدم و الحديد وغيره

طلع حساب التحاليل بروحها 55

وبالنسبه لاسعار الولاده اعتقد الطبيعي 300 و القيصريه 500

لا حبيبتي اشدعوه 60 دينار انا دخلتي مع السونار 30 دينار ومرات 25 عمري ما دفعت اكثر من هالمبلغ على مراجعه وسونار وحتى يوم كنت حامل قبل لا اجهض نفس السعر

حبيبتي اللي اعرفه ان كل شهر من الحمل له سعر يعني اللي بالشهر الثاني مو نفس اللي بالثامن عرفتي؟

و اذا انتي مجذبتني دقي على زهراء سكرتيرتها سئليها

شكوريين بنات وماقصرتو بس جنه اسعارها اشوي غاليه …!!

ما اعرفها الصراحة

يعني جم مراجعتها انا ودي اراجع عندها من السابع او الثامن
والولادة الطبيعي جم بالمستشفى انا ماابي غرفه فخمة لاني مسوية استقبال ولاشئ بس ابي شئ نظيف ومرت وناس تهتم فيني

حبيبتي الدكتورة صغيرونة وحليوة وانا راجعت عندها بالتاسع تاخذ عالسونار 30 غير دخلتها وتحلل تكرمين بول ب 2 وانا توني والدة عندها قيصرية خذت جناح ليلي اللي اهو اصغر شي ب 700 والدكتورة 500 و200 تحاليل للبيبي والمضادات الحيوية حقي وانا سويت استقبالي بالجاردينيا ب400 يعني كله طلع علي 1850

الحمد لله على السلامه
انا ليلحين ماحملت بس ودي ان شاء الله اذا حملت اراجع عندها