|
|
بنات شلونكم حبيباتي
بقولكم قصتي وابي رايكم كالعاده ما استغني عنه كنت حامل وبشهري الرابع بالضبط الاسبوع الخامس عشر من تركت المثبتات نزل علي ماي طبعا بكريه ومافهم بهالسوالف ولان من بدايه حملي ينزل علي دم ويقولولي الدكاتره عادي لان المشيمه كانت منفصله وهذا دم زايد بعد اسبوع حسيت بعوار ومن الدوخه نمت قعدت الصبح ولا نازل دم بجيت من الخوف رحت المستشفى قالي هالجمله عنق الرحم مفتوح وماي الياهل نازل والجنين نزل المهبل بس كنت اسمع نبضه طبعا بغى الدكتور يولدني من الخرعه طلبت تنظيفات بعد تسع شهور حملت الحين بشهري الاول الحمدلله بس الدكتوره سيده قالتلي راح اسويلج ربط بنات انا حتى للحين ماسمعت النبض حكمت علي بالربط ليش ؟؟ وهل الربط فعلا احتاجه؟؟ ولا اصلا حملي السابق كان من البدايه موزين وهل اذا ربطت بكل حمله راح ياثر على عنق الرحم تكفون ردوا علي او ارفعوا موضوعي جزاكم الله خير
بس اذا بتحطين ربط لازم ما تتحركين وايد بس منسدحه لي موعد الولاده
الله يعينج
و ان شاء البنات يفيدوونج اكثر
ثاني شي ، هذا شي عاااادي و لا تخترعين
انا مسويه ربط
الربط مفيد وااايد عشان عنق الرحم ما ينفتح بوقت غلط مثل ماصار وياج
و ما يعور و لا يخرع كلش
نهايه الشهر الثالث يسوونلج ، مو الحين
بنج كامل ١٠ دقايق خلصتي تقومين ما جنه صار فيج شي عاااادي
و لي ما تدشين شهرج التاسع يفتحونه لج
انصحج تسوينه بدون تردد
و بالنسبه للحركة انا اتحرك عادي بس ما اطلع وافرفر
اتحرك ببيتي مو كله منسدحه
ربي يثبت حملج ان شااء الله *
بيوتي روز انتي دايما تخففين عني مشكوره وايد
رففففففففففع لعيونج
رحت كان بداية حملي ينزل دم وجذي مرة ياني عوار رحت الطبيب قالولي ان مفتوحه 4 سم
وياني طلق وجان ينزل البيبي
مادري شنو السبب
المهم حملت مره ثانيه الحمد لله وانا الحين بالثامن
المهم قالوا لي بنسوي لج ربط بس قبل لا يسونه سوولي سونار داخلي ما يور ولا ياثر بس ينرفز
ومايدخلون وايد بس شوية
وشافوا ان عنق الرحم طويل وزين قلوا بعد شهر بنسوي مره ثانيه علشان نتاكد قبل قبل لا يخلص الفنره الي نقدر انسوي فيها الربط
سويت مره ثانيه والحمد لله كل شي تمام
والحين انا ب8 وكل شي تمام ولله الحمد
الربط يحتاج رعايه وهتمام وهم مكانه يحك وجذي انا سالت بنات لاني كنت وايد افكر
وغير اللتهابات الي تصير فيه وتحسين ان يضايق من الضغط والشد في المنطقه هذي
انشالله ماتحتاجين بس اذا طلع عندج قصر بطول الرحم لازم تسوين حتى لو يضايق اهم شي البيبي
نصيحه روحي الصباح راجعي حق موضوع الربط اهنات
لانه الخاص راح يسونه علشان اهم شي لفلوس عن تجربه واي سوال انا حاضره