اليوم و انا بالسيارة طرت على بالي فكرة و بطبقها ابي رايكم

اليوم و انا بالسيارة صادفت وحدة شايشة ما تخليني امر و تتحلطم و تاشر و انا لا لي و لا علي قلت بقلبي الله اعلم شلون بادية يوها هالانسانة و شنو تعاني منه فطرت على بالي فكرة و ان شالله بطبقها و ابي رايكم

راح اسوي بطاقات كرتون و اطبع عليها عبارات و اسوي لها مسكة و اكتب العبارات التالية:
الله يغفر لج
ان مع العسر يسرا
العفو عند المقدرة
جزاك الله خيرا
و غيرها من العبارات اللي تناسب المواقف اللي تحوشني بالسيارة
و راح اطلع كل اشارة حسب الظرف

اشرايكم بافكاري العجيبة

سلام عليكم
مرحبا يا الغلا
اهي من ناحية فكرة فهي جميلة جدا

ولكن ديري بالج ع الطريج لأن اللحظة لها قيمتها بالشارع

و ممكن تخليها بطاقة وحدة عشان لا ترتبكين

انشالله توصلين بالسلامة من غير استعمال بطاقات ولا كروت

بحفظ الرحمن بروحاتج وجياتج

جابلي طريجج أحسن لأن مارا ح ينفع معاهم
كل حسب تربيته

ههههههههه ضحكتيني صج يبطون الجبد اللي جذي
والله فكرة حلوة تنفغ

لا يبا الحقران احسن طريقه

لا جذي تشيش اكثر
ماينفع معاهم الا الحقران

ضحكتيني
بس اتوقع حزت لما الي جدامج بيكون معصب بيفهم العباره غلط وبيعصب اكثر
يبا سوي روحج لاشفتيهم ولادريتي عنهم
وعطيهم اكبر طااااف احسن لج
وكان الله غفورا رحيما

اهي حلوة الفكرة بس تطبيقها ممكن يكون فيه خطورة لج