اليوم هو اصعب يوم بالنسبة لي آآه يا قلبي

هلا بنات

النزيف زاد علي حيل حيل والالم والعووووار بشكل لا يوصف … لدرجة زوجي يسدني لا جيت امشي وكله منبطحه على السرير..

فجاة جاني عوار غريب عجيب حسيت روحي بتطلع عقب نزلت علي زي اللحمة الرقيقة لونها احمرررر وفيها عروووق

وقمت ابجي وابجي واقول ولدي حبيبي راااح

وريلي يهديني ويقول تفائلي بالخير .. حتى اهوا صار متوتر مني ..

ورحت انام بس ما قدرت الالم فظيع والمغص يذبح .. والدم لازال ينزل زي دم الدورة ..

واليوم موعدي سونار ملون وراح يكشف على كل شي اذا في جنين او لاء ؟؟

والله خاايفة وريولي صاابة علي صب وارتجف.. موعدي الساعة 10 اليوم الصبح

حتى من الخوف بطني انتفخ من القولون ادعوووولي تكفوووووووووووووووووووووون

يارب يارب يارب يثبت جنيني يارب مامن ثبت السماء بدون اعمده ثبت لي جنيني يااارب

من منكم مرت بنفس حالتي واستمر حملها..

ونسيت اقول لكم شغلة البارح نسيت وخذيت حبتين دفاستون ورا بعض المفروض وحده الصبح ووحده الليل

وانا خايفة يكون سبب لي النزيف الحاد

وريلي زعلان علي حيل اهئ

ادعووو لي تكفووووووووووووووووووووووووووووووووون

أن شاء الله ماكو إلا الخير .. روحي الطبيب وتطمني .. وأول وتالي كلها كتبت ربج وربي يسهلها عليج

والنعم بلله واللي كاتبه ربي بيصير ..
يارب ثبت حملي

مشكورة حبووبة

لا ان شاء الله ما في الا العافيه الله يثبت الي بطنج

يـــــــــــــــــــــــــــــــــــــــــــــــــ ــــــــــــــــــــا رب

و طنينا عليج

آمين يارب العالمين واكيد بطمنكم علي

الله وياج لا تضيقين خلقج ادا الله كاتب بتشوفينة بالسونار و ادا الله مو كاتب اكيد لة حكمة بهالشي خلي ايمانج بالله قوي و ما علي قلبج شر طمنينا عليج

خلى ايمانج باللة كبير واستعيني فية سبحانة ماينسي عبدة

ربي يتمم حملج ويرزقج ويرزق كل محروم اللهم أمين

انا ايماني بلله قوي بس نفسيتي تعباانه مدري ليه بس ابجي لاني تعلقت بالبيبي ..

يارب انك تثبته يارب

والنعم بالله وهذا انا ادعي ربي واقرا قران واللي ربي كاتبه لي انا راضيه فيه

آمييييييييييييييييييييييييين ياااااااااااااااااااااارب العالمين الله يسمع منج ياااارب

حبيبتي لا تضااايقين ولا شئ انا صار لي اكثر من هالشي ونزل معاي كيس الحمل ونزفت ومارحت للطبيب من الخوف

وعد اربع ايام رحت من شدة الالم اللي شفته عفت عمري وانا كنت رايحه ابي مسكن بس مارضت تعطيني الا لما تشوف سونار وهي كانت متابعه حالتي من اول واول ماحشني النزيف كنت عندها وطلعتني للبيت وقالت لي نامي على ظهرك لانها شافت كمية الدم وش كثرها

ولما سوت لي سونار لقت فيه حمل وفيه كيس جنين

والله قادر على كل شئ وقالت انتي حامل باثنين وواحد طاح شوفي قدرة ربك ورحمته واستمر النزيف معاي للرابع وكنت اخذ دافستون وماعلى الله عسير

انا حبيت اطمنك والا الله العالم اني قاعدة اكتبلك وانا اتألم من الوجع اللي احسه الحين لاني بنص الثامن بس لا تنسينا من دعواتك اختي

انشالله مافيج الا العافية طمنينا عليج حبيبتي

سبحان الله صج ان الله قادر على كل شي سبحانه
وربي يثبت لي جنيني يارب العالمين
بس انتي يوم جاج النزيف بالبدايه كنتي باي شهر ؟
يعني ماكنتي تدرين ان فيج توم ؟؟

وربي يسهل عليج ولادتج يارب العالمين وتشوفين ولدج بحضنج يارب

هذا انا لابسه عباتي ومنبطحة على الكنب استنى ريلي يوديني
واول ما ارجع بطمنكم