|
|
تزوجت زوجي بعد حب منذ الطفوله احببته وهو كذلك حب عذري صافي
ياما رسمت احلام وتخيلت من رومانسيات ستكون مع فارس احلامي وحبيب
عمري
تزوجنا وعشت اول سنتين من زواجنا اجمل حب كان لا يعبر عن مشاعره
بالكلام ويصبح اكثر رومنسيه اذا اراد حاجته مني ولكن كنت اتجاهل جميع
هذه المواضيع بسبب الحب الذي كنت اكنه له منذ سنين
جائتني الصدمه الاولى وانهارت جميع احلام العشق وحصون الحب التي بنيتها
معه منذ طفولتي عندما سمعته بالصدفه يكلم امرأه ويغازلها ويقول لها احبك
لم استطيع ان اصدق اذنيي واحيانا افكر واقول سيأتي الان ويقول انه مقلب
كدت ان اجن لماذا ؟ والحب؟ ؟؟؟؟؟؟
اصبحت حياتي معه جافه واصبح قلبي لا يستطيع تقبل فكرة حبه مره اخرى
مرت على هذه المشكله شهور وانا اكره نفسي لأني احببته حب اكبر من اي
حب في هذا العالم كنت على استعداد ان اموت من اجله كنت احاول ان
افعل اي شيئ لأراه سعيد لم اكثر عليه في الطلبات ولا في المصاريف
واحيانا الضروري منها بسبب حبي له ..
وتكررت مواقف الاكتشافات وانواعها وفي كل مره قلبي يقسو اكثر من التي
قبلها
اصبحت اكره ساعه عندي عندما يلمح او يرغب في حاجته
اكره لمساته ماعادت تثيرني كالسابق وانفاسه وكل شيئ يخصه
خصوصا بعدما عرفت انه يسافر للنساء ولم اكن اتوقع انه كذلك
اعيش حاليا معه جسد بلا روح وكرست حبي واهتمامي باطفالي
لااستطيع ان اتزين له او اخاطبه بحب وشوق كالسابق
نعيش في البيت كالأصحاب كل منا يؤدي حقوقه على الآخر
دائما اذا تزينت عند خروجي للمناسبات يفرح ويحاول يحسسني انه يحبني
اتزين بس لو يموت ماتزينت له خلاص اللي شفته كفاني
صرت بارده بكل شي معه
وصار قلبي جامد وقاسي خصوصا عليه
وهذي آخرت اللي تعطي قلبها رجال
ياعمري ليش كاتبه فصحى الحين شلون ارد عليج ههههه
شوفي من اي ناحيه انت مقصره لاااااازم في ثغره
الله يهديه
وغلط الوحده تحب ريلها حب اعمى لانه جذي راح تتنازل عن شغلات وايد
ويمكن من كثر ما انتي تحبينه خليتيه يمل ويشوف بنات بره عشان يحبهم
بعض الرياييل يحبون المرأه تكون قويه واهوا اللي يلحقها
حبيبتي موشرط انتي مقصره بشي يمكن اهو كانت حياته جذي من قبل ماتتزوجين
وبعدين خليج غامضه مولازم الزوج يعرف مشاعرج وحبج كلها مو ملشي اطلعينه من قلبج
حبه حبه جدامكم العمر باذن الله طويل وانتي عليج بالدعاء
والله يسخره لج ان شالله
بس كل اللي اطلبه منك خلك قويه خلك قويه خلللللك قويه إلفتي نظره بقوتك وتجاهليه واذا قالك اشفيك قولي له انت ادري اشفيني وحطي بالك لا تقولين له
والشي الثاني خافي من الأامراض اذا قرب يمك حاولي انك تبينين له انك تخافين من المراض
حبيبتي كل ريال له نزوات لا تظنين انه كل الرياييل ملائكه . لابد انه اييله يوم والشيطان يزين له طريج الحرام والحريم .
بس المرا الشاطره اللى ما تعطي مجال حق بليس وبناته يدشون بحياتها ويحطمونها لو شيصير
خليج انتي الاقوي والاصلب في مثل هالمواقف
ولازم تعتبرين كل موقف خيانه انه انتصار لج وجهاد في سبيل بيتج وحبج لزوجج وعيالج.
لا تخلين فكره اني سمعته يخون كرهته ما حبيته قمت ما اشتهيه مابيه يجيسني .. انتي بجذي قاعده تخسرين وايد
مو هذا الحل يا قلبي
الحل انج توقفين وقفت جديه في مثل هالمواقف وتشوفين شنو عيوبج . ليش راح يدور شي برا اكيد مو لاقيه عندي . لا تقولين انج كامله محد فينا كامل كلنا فينا عيوب الدنيا
ومو عيب انه يكون فينا عيوب العيب اننا نعرف عيوبنا ونتغاضا عنها وكبريائنا ما يخلينا نعترف بأخطائنا ..
قعدي معاه شوفي ليش سوا هالحركه . خوفيه من الله سبحانه قوليله مابي يوم من الايام الله يقط علي واحد ما يخاف الله يلعب فيني او بشرفي او شرف بناتي بسبتك . لانك مثل ما تسوي راح يتسوا فيك .
من زنا يزنا به ولو بعقر داره . والزنا مو واقفه بس علي النومه الزنا بالكلام بالنظر في امور كثيره تعبر عن الزنا .
ضفووو ريايييلكم لا تقدمونهم علي صحن من فضه حق بنات الحرام .. علي بو كرامتي ما اقدر جرحني خلو هالكلام الفاضي هذاكله علي جنب والتفتوا لحياتكم . لانه الوحده مو كل يوم لها ريل وبيت وعيال .. هذا ريلج بتظلين معاه لين ما تروحين قبرج .
لا تتوقعين لو وحده فيكم فكرت انها اتطلق واتزوج مره ثانيه انها راح تاخذ ملاك مو يمكن الله يقطج بواحد العن منه مليون مره وتقعدين تقولين سلام الله عليك يا زوجي الاول .
فكرو بعقولكم والصبر الصبر اصبر مافيه احلي منه . وكل شي بأجره ..
يمكن رجلج متبللد
لانج سبق وقلتي تسوين له كل شي وعطيتيه قلبج
ومابين بعينه
فالعيب من ريلج
الحين والله ييج واحد امرته خاينته يقعد يسب كل نساء الارض
انتو يانساء الارض تشوفون نفسكم خونه
اكيد لا مو كلناوحنا ادى بنفسنا
فالحكم مو على الجنس
الحكم على التربية والاخلاق
زوجج ومع احترامي لج مو كفوووو
والله يعينج ويصبرج عليه يااارب
لاتكرهين حياتج استمري
توظفي اذا انتيقاعدة بالبيت او كملي دراستج
اثقلي عليه واعتمدي على نفسج حزتها بييج ركض لانه وراج سند
وكيان بتكوينج نفسج لاتوقفين الدنيا عشانه لااااا
استمري وابني نفسج خل يحس انج مو محتاجة له