الى كل من دخلت أدب الانجليزي الله يوفقكم

المشاركة الأصلية كتبت بواسطة ajmal e7sas

انا تخصصي انجليزي اداب ,, الحين انا سنه رابعه ,,

ماعليج لا تخلين هالماده و الدكتور يأثرون عليج ,, عاد ديفيد ميري صج ما يفهم بس طيب اينن
انا مقدمة في الادب خذيتها عند دكتوره الله لا يوريج ,, جنه اسمها زهره حسين ,, خذيتها اول سنه بالجامعه
حسيت انها صعبه علي مو فاهمه واحس مو قادره احل و جذي بس ما غيرت رايي وقلت بتخصص انجليزي لأني احبه وشاطره فيه

اذا انتي تعرفين مستواج بالانجليزي زين خلاص توكلي على الله و تخصصي لا تهمج هالماده
راح تمر عليج مواد وايد اسهل و دكاتره زينين ,, دكاترة قسم الانجليزي اغلبهم زينين نادر تلقين احد نحيس و مليق

انا جم ماده حسيت اني غصب امشي فيهم يمكن ما افهم على نظام الدكتور او تكون الماده مو داشه مزاجي
بس التخصص مو وايد صعب حق اللي لغتهم زينه و عندهم خلفية زينه بالانجليزي ,,

ماعليج عدي هالماده والباجي ان شاء الله سهالات =)
معانا بنات مييح مادري ليش متخصصين انجليزي كلش ما تعرف تقول كلمتين على بعض !! حتى الدكتور يقول لها انصحج غيري تخصصج
وممصمين إلا يكملون الله يهداهم مادري شاللي حادهم يجبرون روحهم على شي ما يعرفونه

وبروس ميري حاولي تركزين على اللي يقوله لأنه نفسه ايي بالامتحان ويقولون امتحاناته سهله
يحط لج جم سؤال وما تحلين كلهم تختارين جم سؤال ,, اعتقد جذي نظامه
واذا ما يمديج تكتبين معاه شي اخذي من اي احد معاج بالمحاضره

بس لا تحاتين تخصصي والله و يوفقج =)
و أي سؤال انا حاضره من عيوني ,,

المشاركة الأصلية كتبت بواسطة ajmal e7sas

انا قالولي رفيجاتي اللي اعرفهم هناك و اكبر مني متخصصين قبلي ,,
قالولي هالجمله ,, لا يغرونج بنات المدارس الاجنبيه و يقولون لج هالتخصص حقهم
ولا تشوفينهم يتحجون بالمحاضره و قرقه عبالج انتي ما تعرفين وتستحين تتكلمين لأنهم احسن منج

بالعكس ترى احيانا يقرقون بس المخ فاضي لول مو فاضي بالمعنى بس يقرقون سوالف و مو وايد شطار

انا الحمدلله لغتي زينه و اول الايام ما كنت وايد احب اشارك استحي و كله اخاف اقول شي غلط ,,
بس بالعكس شوي شوي تشجعت و دكاترة القسم حبوبين و في مواد لما احس اني حابه الماده و الدكتور او الدكتوره وايد اشتط واشارك واسولف و اشد حيلي بالكلاس لول

ماعليج التخصص وايد حلو و ممتع وفيه مواد وايد حلوه ,, بتمر عليج جم ماده فيها صعوبه بس هالشي طبيعي
حتى بالثانويه صادفتو مواد صعبه ,, يعني مواد يديده مو دارسين من قبل اكيد شوي بتشوفونها يديده عليكم ,,
مويايين الجامعه و مواد مكرره لا راح تكون مواد تخصص و شويه مستواها اصعب

بس مو ذيج الصعوبه اللي اووف ما تقدرين عليها ,, بالعكس وايد حلو التخصص
مواد المقدمات الادب واللغويات تحسينها شوي دسمه و صعبه لانها مقدمه ,, وفيها اكثر من موضوع
بس عقب لما تتخصصين كل شي خذيتيه بالادب و اللغويات المواد اللي كانت مقدمات ,, راح تكون ماده بروحها وكتابها بروحها تدرسين كل موضوع بشكل منفصل و بيصير تركيزج احسن و محدد بموضوع واحد
مو نفس المقدمات اكثر من تعش تعش الف ستين مليون موضوع بماده وحده لول هذي بس جذي مقدمه طبيعي تكون دسمه

تخصصي و توووكلي على الله و انتي قدهااا شكلج شطوووره
توكلي على الله لا تترددين =)
موفقه ان شاء الله ,,

المشاركة الأصلية كتبت بواسطة أم حمد =)

انا تخصصي انجليزي بس تربية .. طبعا انجليزي الاداب اصعب .. بس همن حلو ..

شوفي نفسج انتي تحسين تقدرين وحابه الادب الانجليزي ؟

المشاركة الأصلية كتبت بواسطة ajmal e7sas

وعليكمـ السـلام يا هـلا ,,
انا اداب انجليزي ,, رابع سنه الحين

هذي اقتباسات لـ ردودي بتجمع بنات الآداب
اتمنى تفيدج =)

انا عندي قناعه انه مافي شي مستحيـل ,, ومافي شي الانسان يحبه و ما يقدر عليه او ما يقدر يوصل له
التخصص مو واايد صعب ,, ولا سهـل , بين و بين يعني شي طبيعي الجامعه مستواها متقدم مو نفس الثانويه وجذي
بتاخذين مواد متخصصه كل موضوع بشي معين

بس في مواد خصوصا مواد الادب وايد متكرره ونظام الدكاتره في شي صعب و شي سهل يبيله احد له خلق و مزاج ويحب تخصصه و مجاله
واحيانا تصادفين نفس المواضيع بكذا ماده ,, حسب منهج الدكاتور نفسه

حاولي تقرين وايد ,, قصص و روايات ,, اذا كنتي تبين ادب انجليزي ,, اهوه في لغويات يعني قواعد و جذي و في ادب
بعدين تختارين واحد منهم مو اول التخصص

اشتري من المكتبات القصص الصغيره الروايات الحلوه اشكالها تشوق و في وايد قصص حلوه ,,

اقري سوالف شكسبير ,, تفيدج وايد
حتى الافلام ترى وايد تفيد ,, دكتورنا اجنبي قال لنا شوفو افلام بدون لا تشوفون الترجمه و حاولو تفهمون تنمون لغتكم جذي

اي سؤال انا حاضره من عيوني =)