الى كل المتزوجات اللي ساكنين بإجاااااار عفيه دخلوا خل نتشارك بهمومنا

بنووووووتات المتزوجاااااااااات اللي ساكنين بأجااااااااااار نفس حالتي…

دخلوا بليز خل نتنقاش بهموم ومشاكل الأجااااااااار..ونواسي ونآزر بعض

عفيه بنات جد ابي من كل وحده فيكم ساكنه بشقه اجار تدخل تجاوبني على هالأسئله نفضفض شوي لأني جد جد ببجي..

1_جم اجاركم؟؟؟وهل الأجار يشكل ضغط على ميزانيتكم ولا مافي مشكله؟؟

2_شنو المشاكل اللي واجهتوها او تواجهونها مع المؤجر او المسـتأجرين؟؟

3_هل تحسون بالإستقرار؟؟يعني ما تتحسفون ساعات تصرفون على الشقه مثل سوالف الديكور والصبغ او الوول بيبر او
الجبس بوردينغ واهي بالنهايه مو لكم؟؟المكان مو مكانكم؟؟؟

4_عندكم خطه حق بيت المستقبل؟؟قاعد تيمعون علشان تشتروون بيت؟؟

5_شنواقتراحاتكم او افكاركم او شي في بالكم يساعدنا على التخلص او التقليل من مشاكل الإجار؟؟

بليز بناااااااااااااات نبي تفاعل واذا شفت ردودوكم وتفاعلكم راح اكتبلكم ردودي بهالموضوووووووع

وشكرررررررررررررررا

يبتيهــآآآ ع آلجــرررح :/

آللــه يسلمــج آجــآآآرنـآآآ 300 .. و آكيـد مشكـــل خلل كبيــررررر بـآلميزآنيـه

آلمـؤجـر خوش ريــآآل صـآحب آلقسيمــه آللـي آحنــآآآ فيهـآ وتعـآملــه رآآقــي *_*

و آلمستـأجريـن مـآ شفنـآ منهــم شـي بس آكتشفــت آن فــي آوآآدم مو صـآآحين .. و مــرضى نفسيــاً .. لوول

آلحمدللــه مستقــرين لأنــه مرتـآحيــن بـآلمكـآآن يعني حتـى لو آلآيجـآآر غـآلـي بــسس آحس آن آلشقــه تستـآهل ..

و آحلــى شي بـآلمـوضــووع آن صــآآآحب آلبيــت آهـوآآآ متكفــل بكــل شـي من تعديـــل ديكـــووور و صبــغ

وغيــرره .. يعنــي قـآعد يعـوض آللـي ندفعـه بشغـلآت ثـآنيـه ..

ووو بــأأأأس

مشكووره حبيبتي اجمل نساء الدنيا وعسى الله يهنيكم انتي مأجره بأي منطقه؟؟

موقاعد تخططون حق بيت العمر؟؟

انا ما كسر ظهري وزوجي الا الايجار 400 دينار دور بجنوب السره و الله لو القى شقه ب 300 راح اوافق بس كل الشقق صارت بالاسعار تخيلو 400 و احنا 6 سنين متزوجين اااااااااااااااااااااااخ
اتحسف احط شغلات غاليه بس الحين اثثت الغرف باعتدال ناقص بس اصبغ بس هم احتاج ميزانيه 4 غرف حول 200

اخ بس اخ

انا ساكنه في ام الهيمان اجارنا170لااااااااااااااااعت جبدي عندي يهال 2 وخدامه حكره بس قاطين عالشقه الفين من ديكور وصبغ وغيره

شقتنا مثل بعماره هي قسيمه راعيه روعه المستاجرين الدور الاول اعوذبالله رايح فيها مرته تروح الدوام هو يلعب فهمتو؟

والي يمه كل يوم نسمع صياح مرته من الطق

الدور2 احنا والله ماعلينا شي محترمين نفسنا حتى اليهال مايطلعون برا جارتي كل يوم تسمعين صرااخ عاليهال وسب وغيره

الدور3 يدخل الفلبينات والي يمه ماشفنا شي منهم

الدور4مصررين ماشفنا شي منهم

مانجمع حق بيت العمر لان نصه لنا ونص بيسكن اهله

راح ندور شقه في قيروان بحدود250

الله كريم

مطلقه بس بشارك بتجربتي عشان تستفيدون

1_جم اجاركم؟؟؟وهل الأجار يشكل ضغط على ميزانيتكم ولا مافي مشكله؟؟
330 الايجار وكنت ادفع معاه نص الايجار
وياريت كل وحده تستفيد مني بامها ترفض تساعد الريال بايجار الشقه
تشاركه باي شي غيره
الايجارات الحين ضاربه بالعالي فاكيد ترهق الميزانيه

2_شنو المشاكل اللي واجهتوها او تواجهونها مع المؤجر او المسـتأجرين؟؟
مافي ذيك المشاكل بس انه يادوب يمر يوم من الشهر مادفعناه نلقاه يطالب فيه يعني ما ينطر بسم الله
بس جارتي كااااااااااااانت روعه وصارت الحين من اعز صديقاتي كنا كل يوم نطلع مع بعض ونقعد مع بعض ونفنتق بالاكلات ونتبادل الافكار كانت لي اخت لدرجه لما احد من ازواجنا يسافر كنا نسهر مع بعض اذا الزوج نام مبجر او كان سهران

3_هل تحسون بالإستقرار؟؟يعني ما تتحسفون ساعات تصرفون على الشقه مثل سوالف الديكور والصبغ او الوول بيبر او
الجبس بوردينغ واهي بالنهايه مو لكم؟؟المكان مو مكانكم؟؟؟
امممم مافكرنا بصراحه بس انا ماكنت احس باستقرار لانه كان يلمح باني راح اروح اسكن عند اهله

4_عندكم خطه حق بيت المستقبل؟؟قاعد تيمعون علشان تشتروون بيت؟؟
كان عنده خطه ومادري عنه اذا كان ايمع بس لما كنت اسئله كان يقول بناخذ بيت حكومه وانا منصدمه منه

5_شنواقتراحاتكم او افكاركم او شي في بالكم يساعدنا على التخلص او التقليل من مشاكل الإجار؟؟
ماراح ادفع لززوج المستقبل فلس واحد بالايجار ممكن بالاثاث بس ايجار نوووووووو واي لانه اعتمد علي بالماجله وتجهيز المطبخ وبعض الامور اللي اشتريتها ولما طلقني اخذها معاه يعني سرقني

اي والله الله يعين بس والله فصفصت الجرايد والنت وكل ارقام الدلالوه حفظناهم ماكو شي اقل من 400

الدنيا صارت نار وشرار قلبي يعورني على فلوس الأجار احس تروج هدر احنا اولى فيها

حبيبتي الله يعينكم على الإزعاج واللويه

هههههههههههههههه هلا حبيبتي الاجار شر لابد منه ان اجرنا واويلا وان قعدنا هم واويلاه بس والله ادفع معاشي كله حق الاجار ولا اقعد عند حمولتي
انا توني شهر 12 اجرت باشبيليه اهي خوش منطقه وبيوتها حلوه وشقتنا وايد حلوه ووسيعه تقريبا جنها دور وراعي البيت ولد حلال امراعينا ومومقصر والماجر الثاني دكتور بس خوش ريال مالهم حس كللللش
اجارنا 400 مو مشويه تخفق الميزانيه مسكين ريلي اهو يدفع الاجار والخدامه والماجله مايرضى اساعده اما بالنسبه لديكورات الشقه مااحط ورق جدران والهسوالف لا لانه مو بيتي بس اهتم فيه بالشياء الي استفيد منها مثل الاثاث والاكسسوارات
وشرهتج عالي اميمعين دينار واحد من اجرنا مايمعنا شي هههههه

حبيبتي مشكووووووره انج جاوبتي بضمير على كل اسألتي

وعسى الله يعوضج يارب بالريال الصالح اللي تعيشين معاه ببيت العمر

اي والله اول ماتزوجنا موجذي عشان جذي قطينا عالشقه والحين صعبه انا مااشتغل بس والله قاعد يدور اختي بقيروان 3غرف وحده منهم ماااستر وصاله كبيره ب220

اي والله صدقتي احنا بين نارين نرا الأجار او نار الحموله

بس حبيبتي مو جنه اجار شقتكم وايد على منطقة اشبيله يعني اقصد تقدرون تحصلون نفس السعر بمناطق داخليه وقريبه

الله يسهل عليكم وتحصلون احلى شقه ياااااااااااااارب

اةةةةةةةةةةةةةةةةةةةةةةةةةةةةةةةةةةةةةةةةةةةة صج موضوع يعور القلب انا ساكنه بايجار تتكون من غرفتين …… وصاله ,,, وحمامين( تكرمون) ومطبخ الايجار معقول ورخيص لان الى ساكنين عندة نعرفه , اهو راعى البيت طيب وحبوب , وملتزم . بس انا مليت ؟ عندى بنت وولد !! وبسم الله عليهم صغار ؟بس انا متضايقه من شقتى حيل صغيرة ؟؟ ومانقدر على الشقق الاجار غالى صار . ماكو امكانيات لانى انا مااشتغل ربه بيت وزوجى مايقدر بعد تعرفين مصاريف والله انى مليت من الشقه مااقدر اخذ راحتى ولا اقدر ابدع فيها ؟ وحتى اذا بفكر فى بيت العمر ؟ متى راح يطلع لنا على حسب التقديم واحنا تونا تقديمنا 2024 يعنى قاعدة وانشاالله الله يفرجها واطلع من هذى الشقه ادعولى الله يفرجها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ومشكوره حبيبتى على الموضوع الى خلانى افضفض

احنا مأجرين دور ب 200 دينار في ام الهيمان راعي البيت مالنا شغل فيه نحطله الايجار بحسابه يعني مانشوفه

وزوجي يقول تبين منطقه سنعه زيديني وانا بصراحه مابي ادفع ادفع حق اي شي ثاني الا ايجار البيت وامي تقول ساعديه مافيها شي

مانحط اي شي على البيت لأنه احنا كنا بمطقه ثانيه وكنا صابغين ومتكلفين اخر شي طلعنا منها