الى كل الامهات ادخلي ساعديني في اكل بنتي

اممم و الله مادري اذا كان في بنتج حساسيه او لا
بس نطري لي السابع بعدين عطيها الصفار
و الكيري عادي انا على طول اعطي بنتي
انتي حاولي تهرسين الاكل عدل قبل لا تعطينه بنتج عشان ما تتفله
بس سؤال شنو الاكل اللي تتفله ؟

شوفي حبيبتي
لا تعطينها كل شي مرة وحدة
ابدي بصنف واحد و ضلي عليه من 5 – 7 أيام
و بعدين دخلي الصنف الثاني
بهالطريقة تعرفين إذا فيها حساسية من هذا الصنف
و إذا كنت تضيفين بهارات ممكن تكون السبب
و ممكن يكون من الصابون لأن حول الفم فغسلي بصابون خاص بالأطفال
و لا تحاتين
صفار البيض عادي حبيبتي بس البياض بعد السنة
و العسل بعد السنة

جزاك الله كل خير على ردك
هي بتتفل السيريلاك والخضار وحتى الموز ساعات بتتفله

جزاك الله كل خير حعمل بنصيحتك باذن الله

مشكورين على المعلومات
انا اعطى سريلاك والاكل الجاهز اللى بالزجاجه بالجمعيه
اما بيض ما اعطى لانه ثقيل على الكبار فما بالك الاطفال

ماعندي فكره
بس احسن وديها دكتور

وقفي عنها السريلاك لانه القمح من اكبر مسببات الحساسيه لبعض الاطفال او المووز

فلازم تجربين تتركين صنف من هالاصناف اذا راحت الحساسيه معناته منه

اي حبيبتي اهيا توها داشه ال 6 شهور
وقفي السيريلاك لانه في قمح و احتمال اهوا يسبب لها الحساسيه
عطيها مره بطاط مسلوق و مهروس لمده 3 ايام و للاحظي اذا حسست او لا
عقب عطيها جزر مسلوق و مهروس لمده 3 ايام و هم لاحظيها
اللي عقبه كوسا و اللي عقبه قرع و بعدين زهره و بعدين بروكلي
بعدين عيش كل صنف جربيه 3 ايام بكميه قليله جدا
اللي حسست منه شيليه من القائمه
بعدين ابدي خلطي لها نوعين او 3
مثلا عيش و كوسا و جزر او زهره و قرع و بطاط و هل جرا

عقب جربي الفاكهه بس خلي الفاكهه العصر مو وقت الغدا
تفاح مقشر و مهروس 3 ايام
عرموط
مشمش
كوج

جزاكم الله كل خير
وجعلها الله في ميزان حسناتكم رايحة اعمل بنصايحكم واشوف
بارك الله فيكم