الى اي مدى تعدمدين على الخدامه بتربية طفلج

اعتقد انه موضوع هام
لذا حبيت اطرحه لنقاش
فياليت كل الامهات وغير الامهات
يشاركون لنستفيد من بعض ونتعاون على تربية اجيال المستقبل
بكون اول وحده واقولكم "دايما احس اني مقصره عندي 3 اولاداكبرهم ثاني روضه الكبار
الخدامه ماتجيسهم كلش الا غسل وكوي ملابسهم بس والصغيرونه سنه
احيانا تغيرلها اذاكنت مشغوله ونادرا تسوي رضعتها ولبسها وتحميمهاعلي ومرات توكلها
واحس بتأنيب الضمير مادري انا غلطانه والالا؟؟؟؟؟؟وش رايكم ؟؟وممياتها تغسلهم بس اغسلهم وراهاوماينامون عندها كلش

مستحيييييييييييييييييييييييييييييييييييييييييييييي يييييل

تجيس ولدي فقط فقط فقط

تنشرهدومه وتكويهم وتجهزجنطته اذاكناطالعين

اماتلمس ولدي لاونووكلا

لشنو ابي له حياتي اذامااهتميت فيه بعدين مقدراعتمدعليهالوشنو

عفيه عليج جذي الام والابلاش بس كلنا اول طفل جذيه والثاني بعد بس لاكثروعليج اليهال بعض الاطفال شفتهم بعيني يتكلمون لغت الخدم وماخذين من عاداتهم وتقاليدهم ولاسافرت الخدامه سووها مناحه وشفت جاهل والله الخدامه تشربه من شوربتها قفشه لها وقفشه له

خدامتي تغير مرات حق بنتي الصغيرة ,..
وتدخل الكبيرة تكرمون الحمام على حسب الظروف مرات ..

تسوي اكلهم ومرات انا اذا طبخت اطبخ جماعي واذا ما طبخنا بس اهيه تسوي اكل اليهال ..
تغسل مميات الصغيرة .. وانا اوكلها طبعا اذا كنت موجودة واذا كنت بالدوام اهيه توكلها ..
لي طلعنا ايدها معاي تعاوني باليهال ولي طلعت مادر اغير حق الصغيرة لأني اكون متوضية علشان اصلي بره بس اهيه تغير لها ..
انا انوم بنتي سواء الظهر او نومة الليل ما تنام الا على ايدي حتى الكبيرة لازم لاااااااااااااااااازم انا اللي احطها بالفراش وقت النوم ..

حق المدرسة انا اقومهم ..
انا ادخل الكبيرة تكرمون الحمام وافرش اسنانها ..
الخدامة تبدلها .. وانا اسوي شعرها ..

الصراحة مرات احس اني مقصرة ..
بس ماقدر اسوي كلشي بروحي اسمالله عليهم يتسلطون يميع وهم ان سويت كلشي بنسى روحي انا جذيه وناسية روحي ..

الصبح طبعا عيالى عندها وخالتى طبعا تشرف عليهم من ارجع من الدوام آخذهم واخليها تنزل تحت وما اناديها الا على الساعه 5 .. مرات تمسك بنتى الصغيره وتبدلها اذا انا كنت مشغوله بولدى والعكس اذا كنت مشغوله مع بنتى اهيا اللى تعتنى بولدى .. لان عيالى اسم الله عليهم صغار وانا بصراحه ما اقدر بروحى احتاج لها تساعدنى اذا كنت مشغوله مع ولدى او بنتى

بما ااني حامل وتعبانه بحمالي هذا فخدامتي تعاوني بس مو بكل شي يعني تسويلهم اكلهم وتغسلهم بس انا الي مجابلتهم

انا اخليها بس باشراف مو بروحها