الولاده القيصريه واسبابها

حبايبي اشلونكم
بما اني انا كنت والده قيصريه في بجري
والاسباب هي:
رحمي مافتح ولانتفه معنه عطوني طلق صناعي ومت من العوار الطلق تخيلو كل دقيقه اطلق وهم رحمي مافتح وكان ماي البيبي ناقص وانا مخلصه شهري وبعد نبض البيبي قل والاكسجين نقص والله ستر والحمدلله ولدوني قيصريه طبعا مت من الفحوص الداخليه عشان يوسعون هم مافي فايده
هذي اسباب اني ولدت قيصريه
انتو شنو اسباب انكم ولدتو قيصريه؟؟
طبعا انا الحين حامل بالشهر الخامس وحملت عقب بنتي وعمرها 6 اشهر والله كريم مايندرى تهقون اولد طبيعي ولاقيصريه
وكل مايكبر بطني مع الاشهر احس عوار مكان الخياط
شنو نسوي بعد …. الله يسهل علينا
المهم ابي كل وحده تدخل وتقول شنو اسبابها ؟؟عشان ولدوها قيصريه

انا ولدتني د.ناهدة وتوسعت (كانت تحاول توسعني) صراحة يذذذذذذذذبح التوسيع وتوسعت لي 8 سم وقالتلي البيبي مو راضي ينزل في الحوض وربطوا بطني حيييييييييل وهم مانزل البيبي. بعدها ولدتني فتح بطن.. قالتلي حوضج صغير بس وايد قالولي اهيا استعيلت عليج كا ممكن تولدين طبيعي والله العالم

تهقون في فحص اسويه يبين اذا صج حوضي صغير؟؟ ولازم اكون حامل واللا عادي اتاكد بدون حمل؟؟

هلا اختي انا ولدت قيصريه 4 مرات والحين حامل بالشهر الثامن ،،، سبب العمليه ثبت بالاشعه ان حوضي ضيق جدا ولازم على طول اسوي قيصريه ،،،ملاحظه سويت الاشعه بعد ولادتي الاولى

هلا فيج اختي ضي
اعتقد يسون اشعه ويعرفون اذا الحوض ضيج ولا لأ
ولازم ماتكونين حامل لانه الاشعه تضر الجنين
واشكرج على تفاعلج وياي

يعني هم بتولدين قيصريه الله يسهل عليج يارب وعلينا
انزين جم عدد المرات الحمل اذا ولدتي قيصريه وبعدها توقفين انا سامعه حدج 5 يهال
صح ولا لأ؟؟
وشكرا على تفاعلج ويانا

يالله يالوالدين قيصريه وينكم
شاركونا
حياكم
بالولادات القيصريه واسبابها

انا ولدت مرتين قيصري الاولى بنتي وكان راسها فوق وطولت وقعدت سنتين بعد بنتي وجبت ولدي بعد قيصري وكان وضعه عاادي راسه تحت وفتح الرحم 6 لكن الدكتوره بطت ماااي الياهل وقل نبضه وفوق هذا قعدت اتولد طبيعي 8ساعات لكن الياهل مانزل با الحوض سولي قيصري خااافوا على الياهل نبضه قل

يعني ماعطوج طلق صناعي
بس المشكله نبض البيبي خطر وهذا اللي يخرع
مشكوره حياتي على التفاعل

هلا حبيبتى انا والاولى لدتى طبيعيه بس قعده يومين اتولد والدكتور كان مقرر على عمليه بس زوجى ما رضا انى اسوى عمليه وقعده يومين على ما فتح لرحم مع توسيعات من الدكتور وقعده سنتين ونص بعدين حملت بنتى الحين عمرها 11 شهر وجبتها قيصريه لانى خلص شهرى ما فينى طلق وقعدت يومين بالمستشفى يحاولون يوسعون رحمى بس ما كو فايده والبيبى حجمه كبير والنبض نقص وانا ما فينى طلق وقرروا على عمليه بس الدكتور قالى احتمال الولاده الجايه قيصرى ولازم 3 سنين ما احمل علشان الجرح ما يفتح بس انااستغرب انك حامل الحين وانت توك والد لان الجرح توه رطب ما طاب عدل

ولا انا على كلام دكتوري قالي اخذي المانع طبعا بعد الاربعين 4 شهور يعني 6 اشهر وبعدها حملت يقول عادي لاني على مااوصل التاسع يكون عمر بنتي سنه ونص تقريبا
بنتج عمرها 11 شهر يحتى بنتي عمرها 11 شهر انا ولدت شهر 11/2007
وانتي؟

شوفي اول واخر بيولدونا قيصريه انا اعرف وحده والده قيصريه وحملت عقب ثلالث سنسن ونص وهم ولدوها قيصريه والله يسهل علينا

الله يسهل على كل حامل وتولد طبيعي انشاءالله

انا ولدت قيصريه لان بنتي كان راسها فوق وكان الماي منكت وانا بالسابع

انا ولدت قيصريه بس السبب كان انه البيبي مرتفع فووق مو نازل ودخلت الشهر العاااااشر وكل هذا املي انه ينزل بالحووض بس مانزل وجربت الطلق الصناعي بس ماكووووووو فااااااايده كلشش بعد العذااااب قرروو قيصريه

حبيبتي اذا تبين تاكدين ان حوضج صغير و لا لاء
حملي مرة ثانية و لما دشين التاع طلبي من المستشفى ان يسون لج اعة لحوضج عشان يعرفون مقاسة اذا صغير و لا طبيعي

انا ع تجربة سويتها و فعلا طلع حوضي اصغر من طبيعي بسانتي واحد تخيلي و صارت ولاداتي كلها قيصرية