|
|
سلام عليكم
بنات انا حامل وهذا حملي الثاني الله يتمه لي يارب وفي شغله محيرتني ياليت اللي عندها اكثر من بيبي تجاوبني
بالولاده الاولى خيطت خياط عادي لاني ولدت بمستشفى حكومي والحمدلله الامور تمام اقصد ماكان في توسع
وخايفه بالولاده الثانيه اذا خيطت خياطه عاديه ماارجع نفس اول .. اللي جربت الخياط العادي ياليت تفيدنا وشنو تنصحوني انا محتاره
بس انتي اهتمي بالادوية بعد الولادة وخلي بالج وانشالله امور طيبه وبخير ولما تكون فيج خياطة انصحج مرة نقعية بماء وحطيلك سطل بحمام عزالله وكل مادخلتي وغيرتي
عليكي تشطيف فيها وشوفي نتيجة والله روعة
اسفة عالاكالة انشالله فدتج
دعواتكم لي بالولد الصالح يارب
بس اعترض ع اللي قلتيه اهم شي تطلب الخياط التجميلي المضبوط وبعدين تفكر بالادوية واللهومات
الاساس الخياااط
انا بولادتي الاولى والثانيه كله خياط عادي والحمدلله اموري تماااام
بس الثاني انا افضل تجميلي
انا مو مشكله عندي التجميلي بس يقولون عواره اكثر ويظل يعور فتره فإذا الخياط العادي بالبيبي الثاني مايفرق الافضل يكون خياط عادي والا شرايكم
حبيباتي فيه فرق بين التجميلي والتضييق
والخياط التجميلي فرقه عن الخياط العادي انج لمن تشوفين المنطقه بعد الولاده كأنها ماتخيطت
يعني اخفاء لجرح الولاده لتحسين شكل العجان اللي انقص
حبيبتي الفرق الوحيد بين العادي والتجميلي شكل جرح العجااان
اما اذا تبين تضيق قولي ابي عملية تضييق ةماراح يسونها لج
الا بعد 6 عيال
التجميلي عندنا تضييق
وممكن من اول ولادةاذا اتفقتي مع الطبيبة تسوينه
ولا يؤثر ع الولادات اللي بعدها
وكل مواضيعنا هني
تدل ع ان البنات يسمونه تجميلي
محد يروح الطبيبة ويقولها تضييق
صار شائع الخياط العادي فقط خياطة لما تم شقه من العجان
اما التجميلي زيادة غرز من برة وداخل