|
|
السلام عليكم
حبيت المنتدى وشاركت فييه وماعندي غيركم اسأله براحه واطمئنان غيركم
حبايبي انا ولدت بنتي البجر ولادة طبيعيه والحمدلله كل أموري ماشيه وجربت ألام الولاده
لكن الحين دكتورتي تقو بتولدني بعمليه لان وضعي صعب عندي ضغطي مرتفع بالحمال
بغيت اسأل عن العميله اللي جربو الولاده القيصرية شلون تعبها نفس الولاده الطبيعيه ولا غير
حدي خايفه من توابع العمليه عفيااا بنااات قولولي شنو صار معاكم بعد العملية ….؟؟؟
يعني العوار جم اسبوع تم معاكم …وشنو احسن الخياط ولا الكبس ولا اللزق (صمغ طبي ) ؟؟
ومشكوورين مقدما
انا قيصريتين اي سؤال في بالج امري بالعام وان ماشفته بالخاص
بالنسبه حاليا للخياط اصبح كله الحكومه والخاص كلهم كبس تجميلي مايبين على خط البكيني
ماتدرين يمكن ربج يسهلها وتولدين طبيعي
طبعا التعب يفرق يعني الطبيعي عادي تتحركين وتقومين القيصريه الحركه شوي صعبه اول الايام بعدين عادي كل ماتمشين كل مايتحسن الالم
وعن الخياط انا ولدت بالصباح والخياط تجميلي رابع يوم شالت لي اللزقه وقالت لي عادي روحي عيشي حياتج تمشين تسبحين كل شي عادي
و العوار مال الجرح انا الحين صار لي 16 يوم والده الحمدلله وايد احسن يعني شوي شوي يبيلج فتره على ماترد عافيتج
واذا عندج اسئله زياده لايردج الا كيبوردج
ام عفاف ..بعد العملية
يعني اذا تمغطتي تحسين بألم صوب العملية ؟ واااي اسفه شكلي بذكرج بأيام مضت ماودج ترد خصوصا فترة العوار ..
متى خف عوار العملية بعد جم اسبوع ؟ وماحسيتي فيه نهايئا ؟ وبحملج الثاني حسيتي بتمزق صوب مكان العملية الاولية ؟
ادري ادري كثرت اسئلة ؟ مو مني من القلق اللي عايشته …
أهات الليل كلام الدكتورة وان شالله يارب يسمع منج ويسهلها علي واولد طبيعي ادعولي …
زوجه جوجي يامال العافيه وفيتي وكفيتي …
بولادتي اللي قبل ،،، قبل لا اطلع من الاربعين اشتركت بنادي .. برد جسمي مثل قبل .. فسويت مساج وسونا وحمامات بخار
وبعد العملية هل ياترا اقدر اسويهم ولا ممنوع علي ؟ !!!! وكنت ألبس كورسيه عشان يرد بطني … بعد العملية اقدر البس كوررسية ؟!
مسويتي قلق …أسفه على الاطواله …
اهو السحر اللي يطير منج العوار بسرعه
نصيحه حبوبه كل ما مشيتي كل ما راح العوار اسرع
واختي قالو لها بعد 6شهور
حرم طيار تسلمين يابعد عيني على نصيحتج
الله يسهل ويكتب اللي فيه ويعافينا يارب
اللهم لا أسألك رد القضاء وانما اللطف فيه
صدقيني القيصريه اهون من الولاده الطبيعيه يعني من بعد اسبوع من الولاده تقومين مافيج الا العافيه
والمشي كثري منه عشان ترتاحين وتعدلي بوقفتج
ونصيحه لاتربطين مالج شغل باللي تقولج اربطي لانه راح يسبب لج التصاقات بالمبيض
ولاتشيلين اي شي من الارض
ولاتخافين من الحمال مره ثانيه مافي الا العافيه لايفتح الخياط ولا شي
ونسيت اقولج فالبدايه ديري بالج من الرطوبه يعني على طول حطي شاش او قطن بعد ماتتسبحين وتنشفين عدل امسحي بمطهر
لان الجرح اذا حاشه رطوبه يلتهب وراح تتاذين (بسم الله عليج)
اذا بغيتي شي دزي لي عالخاص وانا حاضره