|
|
الســــلآم عليكم
شخباركم
ترددت حيل قبل لااكتب هالموضوع
بس مارح ارتاح لين اقول اللي بقلبي
الله يشهد اني احب هالقسم واول مافتح المنتدى على طول ادخله واحب ارد على البنات
واقول راي يمكن يفيدهم ولو ماعندي شي اكتفي بالدعاء لهم
بس صدق في شي مضايقني واااجد
بغيت اناقشكم فيه
وترى انا قاعده اعرض وجهه نظري مو شرط انككم توافقوني فيها
اكييييييد راح يكون في اختلاف بس المهم الاحترام يبقى
لاحظت ان بعض البنات مصممين ان احنا نعرف ادق ادق ادق التفاصيل بعلاقتها مع زوجها
ليش اختي شنو الفايده من هذا
ماتدرين انك تكسبين ذنب من كلامك عن هالشي
ماخذين راحتهم حيل ويوصفون الاوضاع وكم مره باليوم ومن يطلب ومن يرفض
ناقص الصور بس
هذا شي خآآآآآآآآآآآص فيك وفيه
ترضين هو يقعد يسولف بمنتدى ولا مع ربعه عن هالشي اللي بينكم..؟!!
انا مو ضد الاستشارات لو مشكله لو في شي مضايقكم
استشيروا بس مو عالعالم اظن في المنتدى مخصصين قسم حق هالشي
الحمدلله ان الاداره حطت هالنظام الجديد ان المواضيع ماتنعرض الا بعد موافقه الادراه
لكنن للاسف الاخوات مشتغلين على الردود
تلقين وحده كاتبه موضوع عادي
تلقييييييين ميه رد انا وزوجي نسوي انا وزوجي نفعل
كلنا متزوجات وعارفين هالشي بس مو المفروض نتكلم فيه فوق انه حرااام
احس قلة حيا
خذوا من الرسول عليه السلام قدوه لكم
كان اشد حياء من العذراء في خدرها
وفي احاديث واجد وايات تبين حرمه هالشي
بس مو حافظتها بالنص
بس ان شالله انكم عارفينها ومو محتاجين اقولها لكم
تراني مااحط بذمتي ان هالبنات متعمدين يمكن جهل وقله معرفه منهم
والله احس بلوعه كبد وانا اقرا هالكلام
في موضوع بالقسم مشتطين فيه البنات اليوم
كاتبته الاخت عيميه والقلب كندري
ماودي احط الرابط اخاف في بنات ماشافوه ومابي الوع كبودهم
هو الموضوع جرئ او بمعنى اصح وقح
والشي اللي كاتبته الاخت مخالف للفطره الانسانيه
وقاعده تناقش البنات فيه وتحرضهم عليه
اووووووك كل هذا مو مشكله هي ماتدري مو قصدها …الخ
المصيبه بالردود
كل وحده كاتبه شتسوي وبالوصف الدقيق
عييييييييب
في بنات مو متزوجات يدخلون
ادري بتقولون شدخلهم هم الغلطانين
بعد احنا مانقدر نمنعهم
بس نقدر نلتزوم بالذوق والاحترام وقبل كل شي مرعاه الحلال والحرام
اتمنى ان كلامي مايكون ضايق احد
وانا والله والله كل قصدي انبهكم
سوري على الاطاله
.gif "Eh S(17)")
لا تقولون انهم مو عضوات
ويمكن شباب داخلين بنك نيم بنت
لا بعضهم عضوات معروفات والله احبهم واحب اقرا ردودهم بس انصدم لما القاهم كاتبين مثل هالسوالف
توني قاريه قبل اشوي موضوع يقولون البنات تجربتهم بليلة الدخله
و كنت برد على صاحبة الموضوع لانه ماله داعي موضوعها بس طنشت و مشيت بروح اللي فيني كافيني مالي خلق اسمع اي شي يعكر مزاجي فوق ماهو متعكر
بنات بليز اللي تشوف ردي هذا و ما يعجبها يرحم امها لا ترد على لاني راح اطينها بطين
مشكوره حبيبتي صاحبة الموضوع على النصيحه
الله يهدي البنات اللي جذي
والله لو تشوفون الشباب بتويتر شيقولون عن المنتدى وهالقسم بالتحديد تنصدمون
وماتقصرين حبووبه …
|
المشاركة الأصلية كتبت بواسطة المرتاحة
 صاجه
توني قاريه قبل اشوي موضوع يقولون البنات تجربتهم بليلة الدخله و كنت برد على صاحبة الموضوع لانه ماله داعي موضوعها بس طنشت و مشيت بروح اللي فيني كافيني مالي خلق اسمع اي شي يعكر مزاجي فوق ماهو متعكر بنات بليز اللي تشوف ردي هذا و ما يعجبها يرحم امها لا ترد على لاني راح اطينها بطين مشكوره حبيبتي صاحبة الموضوع على النصيحه |
بيعينا بالسوق
ماعاش الي يعكر مزاجج ياالغالية
انا اقول عيشي حياتج ومزمزي ميرندا 
هذي مثل الشيطانة اللي تفشي ادق التفاصيل بينها وبين ريلها على ابو منتدى ونت ومحد يعرفها
لكن المنتدى الان مو مثل اول اللي مسؤول عنه رياييل واللي شراه ريال فلا تثقون بأي احد خصوصا ان كل شي مكشوف