النوادي الصيفية تم دمج جميع الاستفسارت المتشابهة

السلام عليكم
اشلونكم احلى امهات باحلى منتدى كويتيات
بصراحه عندي استفسار واتمنى اي وحده تعرف اي معلومه تفيدني
عندي ولدي اسملى علي عمره 3 سنوات ويحب الكره
وانا ابي من الصيف ادخله اي نادي عشان يكون اجتماعي وشخصيته تصير اقوى ويستيفيد من التادي كذا خبره
فاي وحده تعرف اي نادي ويستقبل بعمره اتمنى ماتقصر معاي
الموضوع من الحين شاغل بالي قبل لا نعطل

ابي همتكم وياي حبايبي
وشاكرتلكم مروركم

ما عندي خبرة والله يمكن النوادي العاديه العربي القادسيه هاذول
بس ما حبيت ادش وما ارد

عندج الحضانات تقريبا كلها راح تفتح العصر من أول شهر 6 ويسوون نادى صيفى .. انا سألت الحضانه الفرنسيه الانجليزيه بمشرف .. وعندج بعد حضانة أفنان , وحضانة بلى جروب

حبيبتي الحين ولدج صغير ما يقبلونه النوادي وانا سألت لج عن احس النوادي , نادي اسمه ( ايفرتن ) ويستقبلون الاطفال اقل شي من عمر 5 سنوات

ولا تحاولين دخلين ولدج نوادي سوالف القادسيه والعربي وهل طقه لان فيها مشاكل وايد و زقاير يعني مشاكل انتي بغنى عنها

انصحج اشتريله( قول ) وحطيه بالحوش او بحديقت بيتكم او بغرف عندج بالبيت وخليه يلعب أمن لقلبج

انا بعد ابي وحاليا شفت حضانه كيدز تام في مشرف شكلي بستقر عليها

حضانه كيدز تاييم تهبل بمشرف

عندج نادي السلام اللي بالروضه وهم في فرع ثاني بالقادسيه تابع حق بيادر السلام انا ناويه اسجل ولدي فيه عمر 4 سنين مممممممم في رحلات وقران وانجليزي وعربي ورسم حلو

الف شكر على الردود
ام حمد يعطيج الف عافيه على المعلومه زين نبهتيني

بنات الي عندها اي فكره عن نادي الصيفي للاطفال او حضانه قويه بس ابي ادخله للصيف

عندج نادي مدرسة الخليج الأنجليزيه سعره حلو وفيه تدريس وترفيه ويقبلون من عمر 3سنوات

مارون جلاسيه الله لا يهينج
اذا عندج رقمهم ومكانهم اكتبي لي يااه

في نادي السلام بالروضه هذي حانة بنتي اسم الله عليها و خووووش حضاانه و بالشهر خمسين اعتقد النادي و في صبح و عصر

نادي لتل جيم بالجابريه و نويه انشالله ادخل بنتي بس ماادري شنو جدولهم حق الصيف انشاءاللهلي خلصت امتحاناتي ناويه امرهم واجيك

قوه كويتيات

بغيت مشورتكم بشغلة جزاكم الله خير

اتدرون ان الصيف بدا ولازم نستفيد من هالعطله وانا ناويه ادخل ولدي عمره 5 سنين لنادي سنع يعني يعلمهم القراءة والكتابه وتحفيظ القرآن و الرسم و و و و……الخ

يعني اللي مجربه نادي سنع ياريت تقولنا عنه الله يخليكم

رقم مدرسة نادي الخليج الأنجليزية25757022 ومكانهم بالسالميه وعندهم باصات

مرتقى
بس غالي وحق بنات