|
|
السلام عليكم يا كويتيات شلونكم حبايبي شخباركم..بما ان الدوام قرب قلت استغل الفرصة و نستفيد من بعض و مثل ما انتوا عارفين ان في شي اسمه النشاط الجماعي بالمدرسة و بصراحة انا ودي اغير فيا ليت تفيدوني بفكرة حلوة حق النشاط هالسنة.. انا مدرسة اجتماعيات بالمرحلة المتوسطة سويت من قبل نشاط عن دول الخليج العربي و سويت عن الكويت و كان يبين ان شلون ابناء الوطن يقومون باعماره و بنائه و سويت مره عن التراث و محتارة شنو اسوي حق هالسنة فياليت تفيدوني جزاكم الله خير و اكون شاكرة لكم و في المقابل انا بالخدمة و الشوفة حق اي شي تحتاجونه
حبيبتي…
النشاط ممكن تسوينه ورشه …يعني البنات يشتغلون بمشاريع و نهاية النشاط تسوين معرض و تعزمين الناظره و الموجهة عشان يشوفون الشغل
شرايج تسوون وسائل….من مواد معاد تصنيعها ادري فكرة مرت عليكم وايد بس احبها لان فيها وعي بيئي و بنفس الوقت تخدم القيم التربوية…
ممكن تاخذين قيمه تربوية و تفعلينها بكل الطرق اللي تقدرين …وتسمين بناتج جماعه ………… على اسم القيمه و تسوينلهم باجات و تسوين اصدارات
و مسابقات و بوسترات و ممكن نشاهد تربوية….
هذا اللي يحضرني الحين
موقفه
مثل القرقيعان والقريش وانتي نبشي تطلع لك سوالف
او عن الالعاب الكويتيه قديما
وترى انا مو اجتماعيات بس قلت بعطيك فكر واتمنى ما تكون قديمه
بس سوي عن تاريخ الكويت من حيث تتحدثين عن أي أمير من أمراء دولتنا الحبيبة وشنو إنجازاته..
وااااااااااااااايد حلو
وتقدرين تفنتقين فيها من حيث الورش أو مطويات وغيرها
أولا- أيام ما كنت ادرس بالثانوي سوينا عن الطب الشعبي او النبوي تشوفين شغلات من العطارين وتكتبين نبذه عنه مع توزيع عينة صغيرة بكيس وتوزع في نهاية كل حصة نشاط وفي يوم ختام الانشطة خذينا غراش كبار شوي وحطينا فيها من كل شي وزعناه يعني جمعناه بغرشة مثل بهارات ملونة بالنهاية صار المجموع 3 داخل صندوق مبيت وقدمناه هدية باسم النشاط للناظرة
ثانيا- ممكن تسوين عن السياحة كل حصة دولة ونبذة عنها مسابقات – اماكن سياحية وجمعناه داخل ملف موسوعة متنوعة عن الدول
ثالثا- نشاط الخرائط والمصورات رسم وتكبير الخرائط من شغل البنات باستخدام مواد وخامات متنوعة
هذا اللي يحضرني ولي رجعة انشالله ….