النسبه طلعت بس خوفوني بصراحه :((

قوة كويتيات
من جم يوم حطيت موضوع ان الدكتور قالي ان كيس الجنين اصغر من عمره
اهو الدكتور ناهض حماديه والمؤاساة صار وايد عجول مع مرضاه و اي شي بس يبي يقوله
ماكان جذي كان دقيق وحبيب من الضغط الي عنده صار بس يبي يخلص
المهم
رحت يوم الثلاثه 13/9 كان توني شهر بالضبط 4 اسابيع حللت هرموني طلع 200
حللت يوم الثلاثه الي طاف صار الهرمون 2390
حللت اليوم الخميس طلعت النسبه مرتفعه بس مو الدبل 3267
دقيت على العياده قالتلي السستر ان احتمال الحمل ضعيف
كلمت عياده الدكتور ماجد الشمري شرحت الوضع قالتلي البيبي جداً صغير نطري كل مانطرتي كان احسن

بنات انتوا شرايكم أنا اقول وااايد مبجر يمكن التبويض صار متاخر

والله ما اعرف بس Up لعيونج

شكرا حبوبه

متى حللتي الثلاثا الساعه جم؟
والخميس الساعه جم؟
كان بين التحليلين ٤٨ ساعه بالضبط؟؟

اي ٤٨ ساعه بالضبط

رفع بنات

About 85% of normal pregnancies will have the hCG level double every 48 – 72 hours. As you get further along into pregnancy and the hCG level gets higher, the time it takes to double can increase to about every 96 hours.

اذا كان الحمل طبيعي يتضاعف هرمون الحمل كل ٤٨-٧٢ ساعه ، وفي بعض الحالات يتضاعف بعد ٩٦ ساعه

حملج طبيعي حبوبه عسى الله يتمم عليج ويرزقج الضنى الصالح بكامل الصحه والعافيه

حبيبتي اخذي مثبتات احتياط وان شاء الله يارب الله يتمم عليج ان شاء الله

الله يفرح قلبج بالي يسرج مثل مافرحتيني الله يجبر بخاطرج

زين ودلال
اي قاعده اخذ ربي لك الحمد

ويجبر بخاطرج حبوبه ويفرح ناضريج بشوفت ضناج بحضنج

بس احتياط عيدي التحليل باجر بنفس الساعه اللي حللتي فيها يوم الثلاثا

يعني بعد ٧٢ ساعه .. اذا تضاعف عن تحليل الثلاثا معناته كل شي سليم

ومبين راح يتضاعف بس عشان يرناح قلبج شكلج وايد تحاتين

لا حبيبتي ان شاء الله حملك سليم، انا كنت مثلك بالضبط، مشان هيك كل ما تقولي وحده انا حامل وراح احلل هرموني اقول لها مالو داعي، لاني هلوست وخفت بسبب التحليل اللي كل 48 ساعة، صدقيني حبيبتي عملته شي 4 مرات، وكل مره بيزيد بس ما بالدبل، حتى شوفي ملفي بالمواضيع، بس الحمد لله من فضل ربي ونصيحة الصبايا نسيت الموضوع و شغلت نفسي بالاذكار والرقية الشرعية وكلشي تمام، رغم انو كان بينزل مني دم… وكلي امرك لرب العالمين، والنسبة بما انها زادت فهذا مؤشر خير. لا تنسي انك عايشه اسعد اللحظات، لا تشغلي نفسك و ارتاحي عالآخر. ودمت وجنينك في حفظ الرحمن.

الله يسمع منج يارب يوم الاحد باذن واحد احد راح اروح ابي اريح نفسي
وبالنسبه للمحتاتاة ااااااااخ انا اجهضت اسم الله علي قلبكم 3 مرات
ماتدرين شنو معناه الامومه بالنسبه لي

حبيبتي ان شاء الله يطلع حمل من خبرة في قسم النساء بس لا تاخذين حبوب التثبيت الا بعد ما يبين النبض للبيبي يعني بعد ما تسوين سونار و يطلع فيه نبض

هذا اللي نسويه احنا بالقسم عندنا

و الله يثبته ويجعله ذرية صالحة

و بعد لو تاخذين حبوب بيبي اسبرين يكون افضل لانها تمنع تجلط المشيمة