النحشة النحشة يابنات من مستشفى الامومة

السلام عليكم…..

شلونكم ياكروشات امس انا شربت خروع بس مو وايد شوي والدكتور عبدالحي اللي بالامومة يوم الاحد قال لي ان البيبي حيل بالحوض وبلشي اخذي محرضات الولادة المهم جاني طلوق الفجر الساعة 3 بلش المهم الساعة 6 رحت لهم
اول شي جابولي الكرسي المتحرك والا ماكو احد يدزني لا بورتر ولا بطيخ قام زوجي دزني طبعا مو عارفين شنو الطبخة لما قلت لهم ودوني غرفة التخطيط علشان تتأكدون من الطلق قامو وودوني وحطوني على السرير طبعا السرير مأساة اللي فتحة بالنص والشرشف جلد لصق بجسمي لما قلتلهم ماني قادرة اتحمل السرير قاموا غيروه الحين جويحطون لي التخطيط مصخروني ياناس

مو عارفين شلون يثبتونة والله يمكن فوق العشر مرات ينقطع والدكتورة الهندية حاطة السونار وقاعدة الله وكيلكم تكتشف الذرة قمت اصرخ قلت لزوجي خل تذلف وترتني ماني قادرة اتحملها المهم هذا الحجي وانا اقولهم بلغوا دكتوري ابيه يجي وقالولي قاعد ندق عليه ومايرد هو عالعموم بيجي الساعة 9 حسبي الله عليه وتصير الساعة 10 ويقولون لي ان الدكتور ماراح يجي زوجته تبي تجي من السفر اليوم شايفين المسخرة
ويفحصوني ويلقوني مفتوحة بس سانتي واحد جان يجي دكتور شوكت قال لي احنا نبي نحط لج تحميلة طلق صناعي وننطر اذا مافتح الرحم راح نسوي قيصرية مع العلم ان هذا رابع طفل والحمدلله كل عيالي طبيعي ومافي اي مشاكل جان اقول لزوجي ابي انحاش بسرعة وطلعوني المهم والله ياخذون علي 52 دينار والمصري يركض ورا زوجي يقوله ادفع 6 دنانير علشان هي جت بحزة الطوارئ وادفع لتحليل الدم قال زوجي بس احنا مو محتاجين التحليل قطوه مابيه وطلعنا ويشلخون تلفوني انا وزوجي علشان تحليل الدم بوااااااااااااااااااقين بصورة موطبيعية بس يبون يمصون فلوس بصورة بشعة اخر مايفكرون فيه المريضة المهم وزوجي حبيبي يصر على انه يوديني للسلام عند دكتوري حبيبي دكتور جمال الشرعان والله ياجماعة يوم شفت ردت فيني الروح فحصني قال ولادة بس ماراح ادخلج روحي اشربي خروع ووضعج طبيعي وماني حاطلج طلق صناعي
( ياجماعة شوفوا الناس اللي فاهمة)
المهم فحصني وحاول يوسعني والحمدالله قاعد ينزل علي دم وافرازات بنية وولادنج راح تكون اسهل ولادة ولاتحاتين حتى الطلق ياجماعة راح من النفسية اللي ارتاحت
عالعموم ياجماعة مثل ماوضحت لكم الصورة ابي دعواتكم ان الله ييسر علي ولادتي اليوم
واسفة على الاطالة

حبيبتي الله يسهل عليج ولادتج يا رب العالمين ويييييييييه زين قلتي لنا عنهم انا كنت مفكره اولد عندهم بس الحين خلاص والله اروح الشفا ابرك لي

كل مستشفى اول ما يفتح جذي ..

ماكو خبرة ولا اكو شي ..

التجارب تصير بالناس اللي اول الاسابيع تروح لهم ..

واللي يجازف بنفسه يروح ..

وليش تروحين لدكاترة رياييل ؟ مو حريم ؟ :

الله يسهل عليج ولادتج وتقومين بالسلامة ..

المشكلة الحريم اللي عندهم مايعرفون عربي ولا راسهم من كرياسهم الله وكيلج توهم جايين من ديرتهم

الله يسهل عليج ولادتح يارب وتولدين بالسلامه انتي والبيبي

الله يسهل عليج وتولدين بسلامه

يمممممممممممممممه
لايحوشك زين قلتيلنا
ربي يسهل
عليج انشالله وتولدين معززه مكرمه هههههههههههه وبسهاله وتفرحين بضناج

الله يسهل عليج وتقومين بالسلامة يا رب

الله يهون عليج يااااارب

مشكورين حبيباتي الله يجزيكم خيرويسهل علي وعليكم يارب
ماحبيت بصراحة امر بهالتجربة من غير ما افيدكم

يالله العاااااااااااااااااااااافيه

والله يسهلج ولادتج

ربي يسهل عليج يااااااارب

كل مستشفى فيه عيوب …

الله يسهل عليج

الله يسهل عليج ولاتج ويقومك بالسلامه انتي والبيبي

الله يسهل عليج و تولدين بالسلامة