|
|
بنات والله شقولكم
عندي بنتي البكر عمرها 5
اميننتني حاطه دوبها دوبي
والله جنه شرايج اقولي ريلي جنكم شرايج
لا او هابلي هالايام يقولي انتي ماتحبينها
البنت الله يحفظها ذكيه و تفهم بس تغار مني و علبالها انا رفيجتها
يعني متى ما بغت شي تعاملني اني امها واذا ودها اتناجر لا تزفني وتهاوش والله
اضحك والا ابجي مادري شسوي رحت وديتها دكتور نفسي بس ماكملنا الجلسات
اقولي من ظروف حملج فيها تأثرت و صارت اعصاب جذيه
لازم لازم تبجي ما يمر يوم الا صياح عندي اصغر منها بس مو مثلها
وبعدين احنا ماعندنا بنت ترفع صوتها على امها هذي غير تقولي اذا ما طعتي كلامي ترا اوريج
تخيلوا اذا قلت اطقها امي تقولي لا الياهل ما ينطق ما ترضى شالحل ؟؟
امي صج امدلعتها و بنتي شاده الظهر بأمي بس انا حاولت ابعد امي وقتلها اللي تسويه غلط انها تقويها علي
الحين ابي الحل ابي البنت تطيعني و تحترم ريلي يزفها ويهددها بالعصا بس اهو مو قاعد معاها مثلي 24 ساعه بالبيت
شسوي صاحات احس بموت منها والكل يتعززلي ويقولي الله يعنج ابجي و الله ابجي منها
ياتني فتره قمت اهج واسافر لا او من انومهم للمدرسه و اطلع اخذ راحتي بس تقعد على طول ماتلاقيني
تدقلي تليفون وصياح جنه احد ذابحها طبعا غلطتي خزنت الارقام بالجهاز للطوارئ و علمتها
ابي حل والا بستخف.gif "Eh S(1)")
والله يكون بعونج والله اليهال يبي لهم قلب
كبييييييييييييييييييييييير
تخيلوا تقعد بالزواره تلعب ومستانسه من ادخل ساعات ايهم عقب من تشوفني دشيت تبجي بدون سبب
لا وساعات تبجي تقولي لاتضحكين مع احد وتسكر حلجي
وذاك اليوم صج صج طقيتها لدرجة ان قلبي عورنييييييييييييييييييييييييييييييييييييييييييييي حيلللللل
وفعلا تتعدل لبقية اليوم لكن ترد مثل اول
يبيلنااااااااااااااااااااااااااااااااااااااااااااا ااااااااا سوبر ناااني كويتية
سويت لهم نوتي جير بس ماكو فايده
بس خوش مشروع سوبر ناني كويتيه اتصدقين
ههههههه
الله يهدي بنيتج وبنياتي وبنيااات منتدى كويتيات 
واللي يقرأ يقووووووووووووووووووووووول آمين >>>>>>>>>>>>>>>آمموا يا بنااات لا تبخلون علينااااااااااااا وعلى انفسكم
والله هالجهال يضحكون
انا بنتي عمرها 3 وشي
واختها الاصغر 2 وشي ماكو فرق
اعووووووووووووووذ بالله
مخلين حياتي حجــــــــــــــيم نااااااار قايده24 ساعه اللهم حزت النوم الحزه اللي ارجع فيها لطبيعتي
هذا وعندي خدامه ماسكتهم عني نص الوقت
بس بتسافر قطيعه
انا محتاره شلون اخليهم عاقلين وينامون عدل ,,,,,,,,,لازم اجواء للنوم عندنا طقوس عشان النوم
واذا هاوشت اختها استوعبو
شعر الصغيرونه فرنسي بوي تتلـــــــــــه من النص وتخمط كم خصله <<مو شعره خصله بيدها
وتقوم الصغيره تفحط من البجي يومها كله
والفقيره ترد تكلمها تقولها انا ابلعب معاج بس لا تطقيني مره ثانيه
والكبيره خبيثه ترد تطقها وتعضها بعد
وااااااااااااااااااي انا تعبانه منهم
عسى الله يصلحهم ويهديهم يااااااااارب
انا اللي اكرهه اني ادعي عليهم لما اعصب تالي اندم
سن شاين حركات بنتج نفس بنتي تقريبا العوده مفتريه
شي حلو ان يكون للبنت شخصية وهذا شي طبيعي كل بنت تتحدد شخصيتها بالخمس السنين الاولى
انتي مسئوليتك تحديد وتوجيه مسار هالشخصية بس وبطريقه غير مباشرة
مو تتشكون وتسوون سوالف وهوشات ومحاكمات
اولا : انتي عطيتها حقها من الحنان دايما قوليلها انت صديقتي الوحيدة في العالم صج اني احب فلانه وفلانه بس اكثر وحده انت …لازم تحسسينها بحبج نامي جنبها مرة ..مشط شعرها حتى لوكانت البنت كبيرة …..اعرف ناس شعر بناتهم مايلمسونه….استغفر الله
حاسبي نفسج قبل لاتحاسبين اي شخص باي مشكلة …..وخاصة بتربية الاطفال
ثانيا: اكسبي ثقتها …….هالشي مو بالفلوس ولا الالعاب ….باحترامج لها حتى لو كانت طفلة…..لاتسولفين عنها وخاصة بوجودها راح تحقد عليج لا تستغربين مثل ما انت تحقدين عليها تصير ليش لا انا صارتلي بس تعلمت ودربت نفسي اشلون امسك انفعالاتي ومشاعري لان بالاول والاخير البنت تتعلم مني
واذا سولفتي عنها وتشكيتي بوجود اهلج …………….مصيبة كبيرة خاصة اذا وقفوا الاهل معها ياويلج تحقد عليج وتتقوى وماتحترمج دربي وعودي بنتج ان تكون حواراتكم وسوالفكم في بيت اهلج ….ماراح اقول رسمية يمكن تقولي شي مبالغ بس انا شايفه هالشي احسن
وماراح اقص عليج هالشي صعب صعب
والسوالف والمواقف التافه الي تصير راح تنسها البنت لما تكبر بس الاخلاق و نتيجة تعبج معها بيظل
نفس الي صارلج جربته هالشي يبيله اسلوب معين ……….وصبر والله يصبرنا اجمعين
ماعليه بتعبج وياي ممكن تعلمينا شلون نتغير انا بالعكس من ناحيه الحنان مو طبيعي ابوسها واشيلها والعب معاهن بالدوارف والله وبالعابهم وساعات احطلهم مكياج واخليهم يمشطون شعري ويشسورونا لا يعني بصراحه في اشياء وايييييييييييد امي ماسوتلي ربعها قاعده اسويها لهم اخليهم يختار ملابس من المحلات وشتريها لا من هالنواحي مومقصره بس انا متعجبه فيها هالغيره المرضيه مو طبيعيه و شخصيتها قويه بتقويها حتى علي مايصير
فيدينا افادك الله
حسيت انج تتكلمين عني انا وبنتي سبحان الله!!!!
بس الحمدلله الحمدلله
تغيرت شوي
انا بديت اغير اسلوبي ووقت الجد اصير حازمه
يعني غثتني بشي ولا سوت شي جايد لازم اعاقبها
اقفل عليها بالغرفه ليما تقول اسفه
وتالي لمن اطلعها اقول خلاص لاتكلميني ولا اكلمج انا زعلانه من تصرفاتج
على فكره هي اصغر من بنتج بسنه
بس صج صج نفس المعاناة حتى الناس يقولون الله يعينج عليها ههههههههههههههههههههههههههه
هي موشيطونه يعني مع الناس حقها دايما مهضوم واتحصل تكفخ من الجهال وماتقول كلمه وتستحي انها ادافع عن نفسها وتقهرني انها كللللللللللللش ماتعرف تتصرف يعني لو انا ماكون معاها والله ماتعيش 
بس معاي تصير وحش كاسر
تقول لازم تسمعين كلامي!!!!!!!!!!!!!!!
وتعاملني كانها هي الام وانا البنت!!!!!!!!!!!!!!!!!!!!!!!!
الله يعينكم بس صج ضحكت على صكي حلجج ولا تضحكين مع احد هههههههههههه
انا من الحين اتبع ع ابني اسلوب الخز >>الله يرحم اهلنا من خزة نفهم الي بيقولون ومانتحرك من مكاننا واذكر والله اننا من عيونهم وخزتهم نبجي بمكاننا
الله يعييننا كلنا على تربية عيالنا