الناس عقدوني وشالوا ثقتي بنفسي

مرحباااااااااا حبيباتي ماراح أطول عليكم أبقول مشكلتي باختصار أنا متزوجه عمري 29 سنه المشكله صارت قبل الزواج وبعده وإلى الآن أعانيها وهي إن الناس يتطنزون بقصد وبدون قصد عشاني قصيره وشكلي صغير مايدل على عمري اللي يشوفني يعطيني 18 سنه ومايصدق إني متزوجه وعندي عيال لأن ملامحي ناعمه والحمدلله الله معطيني جمال نسيت أقولكم طولي 147 وزني 41 آخر من تطنزبي وحده في العيد جيت أسلم عليها وهي جالسه لما جت تقوم قالت زين إنك قصيره عشان ماأتكلف عند القومه!!ومره وحده ببدايه زواجي بكل وقاحه تقول لامها متعجبه :شوفي هذي متخرجه من الجامعه !وهم يناظروني كأني جايه من كوكب ثاني!! والمواقف كثيرة بس حبيت ماأطول عليكم بصراحة الحين أحس ماعندي ثقة بنفسي ولا أحب أطلع باجتماعات بسبب هالمشكلة

أنا ماأعترض على قدر الله لا سمح الله بس تعبت من كلام الناس حتى أهلي مثلهم ساعدوني

حلوه النعومه واحسن وايد من الجثالة اتكبر العمر

احسن لك يقولون شكلج صغيره

بالعكس ماكو مثل النعوومه

سمعي وطنشي

وخلييج واثقه من نفسج

على الاقل ما يبين عليج الكبر وهذا بحد ذااته ميزه

ماعليج من هالناس فديتج انا شراتج قصيره بس ااطول عنج مب وايد عاد 155 بس شكلي يعطي بنت 18 وانا اصلا 25

ودوم كل من يشوفني يقولي سيري يلسي ويا البنات يطرون بنات الثانويه وبنات الكليه

ويووم يعرفون عمري ينصدمون ماعليج فديج حلو هالشي مانعيز بسرعه يعني مايبان الكبر علينا بسرعه نظل كيوت

قولي الحمدلله ع خلقته ان انتي بصحة وسلامة

اللهم لا عتراض ولا تبالين بلاك العذال

ما عليج من احد اهم شي انتي لاتخلينهم يئثرون فيج لان اذا قتنعتي بكلامهم فعلاااا راح تصيرن جذي
لكن اذا وثقتي بنفسج ومالش سغل بشي
الحين الكعوبا تلعب لعب
حتااا سوو شورت الي يسويلج مؤخرا كل شي متوفر لوول مالج شغل بحد والي تمسج بشي زفيهااا
قوليلها هاذي الي مو عاجبتج عندها اسم حمدالله والشكر علا النعما وعطيها ظهرج

ماعليك من احد واقلبي الوضع مزح وقوليلهم السنين بيني وبينك انتي الحين تضحكين من قصري وانا بكره اضحك اذا انحنى ظهرك لان امثالي مايبين عليهم الكبر
(ابقولك معلومه كليوباترا طولها 150 سم)
وترى اذا احد شافك متضايقه من هالشي راح يستخدمه وسيله لرفع ضغطك
واذا مالقيتي رد طالعي في اللي قالتلك هالكلام وابتسمي راح تحس بمدى تفاهتها

بالعكس نعمة..مهما كبرتي يظل شكلج صغيرة..وكل الحريم يتمنون ان شكلهم يظل صغير مهما كبروا..وهذول محترين لان مايذبح المره غير لما تقولين شكلج اكبر من عمرج…..

حبيبتي ليش هالاحباط
كل هالعالم القصار شلون عايشين حبيبتي احلى جميلات العالم مثل جنيفر لوبيز وشاكيرا ما يتجاوز 148
وحتى سعاد حسني وفاتن حمامه هذاهم قصار وميتين عليهم كل العرب شوفي نجوى كرم طولها 150 بس الله يسلم الكعب والجزم العاليه
يعني قصدي هم قصار بس ثقتهم بنفسهم عاليه وخلو الكل يحبهم
غير كذا في دراسات تقول النساء القصار مايبان عليهم الكبر
مالك شغل بالناس اذا طويله قالوا عنها سلم واذا قصيره قالوا عنها عتبه اهم شي تعدلي وتزيني وهالله هالله بالجزم العاليه

كل قصير فتنه خليها في بالج

خلي ثقتج بنفسج كبيره والحمده ما اثر عليج هالشي اهم شي انج متزوجه وعندج يهال واهم شي ريلج عاجبه طولج ومالج شغل باللي يتحجون بالقصر هذول ناس محتره منج

شعليج منهم محترين

حبيبتي مالج شغل فيهم اصلا انا اتمنى اني اصير قصيرونه و ناعمة بس انتي لازم تكون عندج ثقة بنفسج لانه الناس اذا شافوا انج مستحية ولا متفشلة من طزلج بيتكلمون بعدين اذا احد قال شي قولي والله ريلي ميت على نعومتي اصلا اهو ما خذاني الا عشان جذي

اختي انا قصيره :>

بس مو واااااااااااااااايد

طولي الله يسلمج ممممممممم 157

والحمدالله عااااااااااااااااااااااااااجبني الحمدالله

ترا حلو القصر والله