|
|
السلام عليكم
شلونكم بنات؟
أنا وحده الحمد لله ملتزمة بدوامي وبشغلي وقلبي عالشغل
وواثقة من قدراتي (يعني ماقول هالكلام تفسف زايد ولا مداح نفسه لا هالكلام حتى من مديري)
بس حظي الله بلاني بموظفات ماشلون صايرين
جم مرة أسمع نغزات بخصوص الشغل وأقول طاف يمكن مو قصدهم أنا
لي تأكدت إن وحده منهم تكلم عني عند مسؤولي المباشر
أهو صارت مشكلة معاه من فترة وهي قاعده تشيشه علي حسبي الله ونعم الوكيل
مع إني مابيني وبينهم مشاكل بالعكس علاقتنا رسمية وزينة ولا مرة متكلمه عنهم حق أحد ولا عنده
وهالشي باط جبدي
فشلون أتصرف أحس مو طايقه أحد
وأخاف مسؤولي ياخذ بكلامها
وباجر يخفسون بتقييمي
علشان أهما يطلعون زينين
عطيهم طاااااااف وتحسبي عليها
وحقج ماراح يضيع
ولاتخلين احد ياثر فيج دامج ماشيه صح
امشي سيدا يحتار عدوج فيج
وكلنا بالهوى سوا هذي الدوامات وهذي سوالفها ماتخلص
وهو شكله إنترس قلبه علي
خوفي يترسون قلب المدير
في هالزمن يالغاليه واجهي .. ماينفع مع هالاشكال الا المواجهه
الحريم في روسهم حب لالحين ماطحن …
او ااذا ماتبين المشاكل طنشي ولاتشيلين هم هالاشكال ..
ترا هم يسون جذي من الغيره .. والقهر الي بداخلهم عندهم ان انتي مخربه عليهم باجتهادج وشطارتج …
الله يصبرج ويكون في عونج
اذا اهو من النوع اللي يسمع من طرف واحد
فما أقولج الا الله يعينج
اما اذا اهو عاقل
اهني روحيله وفهميه وجهة نظرج واللي انتي حاسة فيه
عساس ما ياخذ عنج فكره غلط