السلام
شلونكم حبوبات الله يكون بعونكم من اسالتي
بغيت خدمه او بالاصح استفسار واذا ماعندكم اجابه اكيده تسالون قسم المختص
اذا ماعليكم كلافه
خواتي.gif "Eh S(9)")
انا تخرجت من الجامعه علم نفس من العلوم الاجتماعيه سنه 2024 بتقدير جيد جدا وهو 2,70هذا معدل العام اما معد الخاص هم نفس الدرجه 2,70
وانا صار لي سنتين معلمه بالتربيه
فانا بغيت اقدم للماجستير بس سمعت انه معدلي الخاص مايسمح + مو عارفه لما اقدم هل اقدم بكليه العلوم الاجتماعيه ام التربيه
.gif "Eh S(17)")
وهل التوفل (اختبار القبول ) موجود للماجستير ؟
اتمنى المساعده
وين المساعده ؟
؟؟؟؟؟؟؟؟؟؟
السلام عليكم ورحمة الله وبركاته …يا قلبي انا مو موظفه ولكن سبق ان قدمت عالماجستير وعندي خبره….لازم التوفل مو اقل من 450 وترى مو سهل الامتحان..المعدل مو اقل من 2.76 ما ابي اضيق خلقك ولكن التربيه ماراح يقبلونج لأن الاعداد كبييييييييييييييييييره والمنافسه صعبه والقبول لعدد قليل لكن في تخصصين "مكتبات والثاني اظن علوم اجتماعيه "لكن الدراسه باللغه الانجليزيه والمعدل مو شرط لكن لازم التوفل مو اقل من 500 وبالتوفيق بالتسجيل الجديد
اشكرج اختي انج عبرتيني
يعني لازم انقلش
اي نعم لازم….لكن لا يصير عندج احباط…ترى الماجستير اذا تبين تدرسينه لازم يكون عندج تغرف دراسي بالتالي ينقص من معاشج مو اقل من 250 دينار ومدة الدراسه 2 الي 3 سنوات يعني الزياده الدوريه لج اللي اهي 10 دنانير اللي ياخذونها المدرسات ما نتحسب لج ولما تتخرجين يزيد معاشج 30 دينار…ولو تحسبينها عدل انتي معاشج نفس اللي كانت متوظفه معاج ويمكن اهي احسن منج اذا كانت هالمبلغ اللي استقطع منج شايلته ومجمعته يعني مو اقل من 6000 دينار عندها ….والماجستير ماله مستقبل بدون دكتوراه…لأن حملة الماجستير اشكثرهم…ايضا ممكن انج تكملين اذا عندج طمووووح بجامعات الاردن او مصر لأن المعدل مو مشكله عندهم وايضا التوفل مو ضروري واشكثر المعلمين الكويتيين اللي يدرسون بجامعه بالاردن ومحاضرتهم كل خميس يروحون كل اسبوع يوم الاربعاء ويردون الخميس بطيران وساعات يروحون الخميس الصبح ويردون بنفس اليوم وهذا هو موقع الجامعه اللي مسجلين فيها اشكثر من المعلمين الكويتيين
https://www.aau.edu.jo/ اسمها جامعة عمان العربيه للدراسات العليا
السلام عليكم أختى هذا رقم كلية الدراسات العليا بجامعة الكويت وفي قسم القبول للعلوم الاجتماعية ورقمهم 4987102 ورقم قبول لقسم التربية 4985322. والمدرسات اتيهم نشره من الوزارة التربية وبالنسبة لباب التقديم فهو في شهر نوفمبر لأن التقديم سنوي بالكلية وأتمن أن أفدتج.
ام عبدالمحسن مشكووووووووووره على الرقم جزاج الله خير
معلمه روضه شكرا لج
الى اعرفه وماابي احبطج بس سالهم احسن
الي اسمعه ان المعدل لازم 3 نقاط
حياك الله يا قلبي
واذا عندج طموح لإستكمال الدراسه انصحج خارج الكويت لأن الكويت وايد صعبه مقارنة بالخارج….أنا لو راد لي الموضوع جان ادرس ببريطانيا لأن مدتها سنه وحده فقط.
بنات ابي اسأل انا معدلي يوم تخرجت 3.60 ومعدل التخصص 3.67
وخاطري اكمل ماجستير وانا تخصصي انجلش ابي تساعدوني شلون اقدم وشنو المطلوب مني ومشكوووووووورين
نجمة ماشاء الله معدج وايد عالي
الله يوفقج أتوقع تقدمين عالتوفل ولازم نسبة معينة ..
أنا معدلي 3.33 والتخصص 3.76 وإن شاء الله ناوية اكمل بس بعد سنتين عشان آخذ تفرغ دراسي براتب أو نص راتب توني متوظفة عشتو
مشكوره نوسه حبيبتي
زين يعني جم نسبة التوفل المطلوبه ؟؟؟
وانا صار لي 7 سنين متوظفه يعني اقدر اخذ تفرغ دراسي؟؟ وشلون عالراتب
يقصونه ولا لأ؟؟
الي تبي اتكمل دراستها ومعدلها فوق 3 اتقدم بعد العيد في ادارة العلاقات الثقافية بالخالدية قسم البعثات عندهم بعثات لدراسة الماجستير والدكتوراة وبعد الحصول على الدرجة العلمية يتم تعينكم كاعضاء هيئة تدريس بالجامعة والاعلان راح ينزل بالجرايد بعد العيد باذن الله لا اطوفكم الفرصة بس اهم شي المعدل 3 وما فوق
.gif "Eh S(14)")
تسلمين رودي ماقصرتي عالمعلومه