|
|
مرحبا..
الاداريات..الجنود المجهولين في وزارة التربية..حقنا مهضوم ونكرف كراف ..نشتغل شغل مو شغلنا..بالذمه انا متوظفه سكرتيره او اشيك على بيبان الحمامات والبايبات خربانه او لا؟؟
والي يقهرررر..لما تجينا مدرسه تقول قاعدين حللوا معاشكم..الحمدلله محللين معاشنا..الاداريات يشتغلون على قد راتبهم محد نفس الاداريات الراتب طفسه ويشتغلون شغل مو لهم وينحسدون على الراحه بعد؟؟؟…صح في ناس ماتعطي من نفسها بس فيه ناس عندها ذمه وضمير وتخاف من ربها…
اتمنى من الموظفات الاداريات مشاركتي بالموضوووع بذمه…
الله يكون بعون الإداريات والله
معاشات ضعيفة ومثل ماقلتي محسودين على قعدتهم
وأي قعدة مقصف واحتياط ومناوبة
وغيره
كنت لما بالمدرسة آخذ كل شي علشان أكون متعاونة وعقب هالسنين كلها تييج وحدة من هالناظرات وتقول مو كيفج ترفضين ( إذا رفضتلي إحتياط واحد من العشرة إلي آخذهم ) بس عاد آنا أعرف شنو حدودي بس حسبت الي أسويه تعاون
من يومها وانا أحاسب الناظرة على الوحدة ونص
وحط دفتر خاص للأعمال الي آخها ومو من شغلي
يعني قبل كنت آخذ كل اليوم إحتياطات صرت آخذ واحد أو إثنين بالكثير
وأراوي الموجه الدفتر وأقوله كل شي تسويه الناظره ضد مصلحة المكتبة وجدامها بعد
خليتها تخاف مني وتحسب لي ألف حساب
وشغلي كاااااااااامل ومكمل والموجه مايقدر يفج حلجه بكلمه قايمة بشغلي وزود بعد
مايضر إحتياط واحد باليوم أو باليومين
والمقصف ما آخذ ولا المناوبة ولا مراجعة الكشوف
الصراحة كانت ومازالت رغبتي الأولى مكتبات وحبي لنشر الثقافة بين التلاميد وعمل الأنشطة لهم من رحلات وبرامج إذاعة ونشاط وتنظيم جماعة أصدقاء المكتبة ويوم أمين المكتبة الصغير والمهرجان الثقافي والندوات لترغيب الأولاد في حب القراءة شغفي وحبي في هذه الحياة
كله من الناظرات الله لا يباج فيهم يطفشون كل واحد يحب يشتغل شغله
يا تلفين معانا الهدايا يا إنتي مو متعاونة
يا تروحين تتسوقين لنا من المعلم والا إنتي مو متعاونة
كانت أيام
طلعت من المدرسة وكسرت إمية أوووله وراي
رحت مكتبة عامة وشفت الراحة
الله لا يغير علينا
ألف حمد وشكر لك ياربي
تسلمين
وآسفة إذا عورت راسج
زارا
وهذا غير تجييس الكتب طبعا محد يساعدج و الروحة لصبحان ويقولون وهم اني ماتشتغلين
ما اقول الا الله يعيينا وينصرنا على القوم الظالمين
فعلا ظلم والله راح يحاسبهم على كلامهم يعني الوحدة تدش عليج بغرفتج وتقط عليج كلمة مثل ( هااا الناس تكرف وانتوا مرتاحين – قاعدين بالبراد ولا عليكم – إي اش عليكم – والا إذا ناظرة والا وكيله تقولج قومي ساعدينا وانتي واعليياا شغلج لراسج ) حسبالهم هالكلمتين سهالة
مايدرون بالجروح الي تصير بقلوبنا واحنا مو خدم والطريقة هذي مو مساعدة لأ هذي بالغصب ومو من طيب خاطر مايستحون
الظلم ظلمات
وكل واحد يريت يعرف شنو شغله يبون أحد يساعدهم ييبون خداماتهم معاهم
مو شغلنا هذا
مافيه توزيع عادل بالمدارس
ما تعيش إلا الملسونة وهم يتقعدون لها
سوري على الإطالة
زارا
..الله يعينا ويفرجها انشاالله
انا اداريه وحطوني بالمنطقه << ادارياات المدارس انصحوني ابقى بالمنطقه
وكان بخاطري انقل مدرسه لكن وضع المدارس ما يسااعد
والله ولي التوفيق
بناتت ممكن اسالكم شنو شهااداتكم
انا ثانويه عامه
وتونى حطيت اسمى بالديوان وطالبه بالوزاااره
تهقوون جم معااشى وشنو المسمى الوظيفى اذا تعينت وشكرا لصاحبة الموضووووع
مهامنا كالتالي نفر عالصفوف وناخذ الغياب ونسجلها بدفتر الغياب ونفيل الورقة الي خذينا فيها الغياب بملف بروحه اسمه سجل الغياب اليومي
وعقب ندخل الغيابر ببرنامج سجل الطالب وعقب ندخل سبب الغياب لكل بنت
اندخل الدرجات وانتاكد منها ونطبع الشهايد وبطافة تقويم الطالب
وغير جذي الطبيات هم احنا الي انطلعها ونروح للوكيلة تختدمها >ماتبي اولياء امور يدشون عليها عشتووووو
وبعد نفيل الطبيات لمن يجيبونها
ونستقبل ملفات خوامس ونشيك عليها ونرسل ملفات تواسع الى المدارس الي كل بنت تبيها
ونطلع التعهدات ولمن يهمه الامر والفصل
هذا شغلنا الاساسي
اما الاظافي
نرتب الملفات بغرفة التصوير — نشرف عالندوات بالمدرسة — نوزع جدول الامتحانات ا
و اي شي يبي توزيع وتعميم عالبنات مع وجود كشف توقع عليه الطالبة بالعلم بالشي–وفي بمدارس ثانية المناوبات والبيع بالمقصف
اماااانة بعرف شغلة ليش مايعطونا بدل شاااشة عيوووني راحت فيها احنا مو اولى من غيرنا ؟؟؟؟؟
امانة مو قهر راتبا ترى شوووووي وغير جذي بنات شؤون الطلبة مايمشي لنا بدل شاااشة بعكس السكرتارية
الله يعطيكم العافية
والاداريات حظها يعتمد على الناظرة والوكيلة .. نفس المدرسات ..
إذا كانوا [ الناظرة والوكيلة ] شقرديات .. يريحون الاداريات .. وإذا كانوا متشددات يضغطون عليهم
وهذا الشغل ..
الله يعين
بس أتمنى يزيدون معاشاتنا[]