|
|
بنات هالمشكله مضايقتني حيل حيل واتمنى الاقي حل منكم
مابي اي وحده تهاجمني وابيكم تفهمون وجهت نظري
وتسمعوني للاخر
بنات والله والله لاعت جبدي
شسوي مليت مو قادره اتحمل اكثر
حمواتي خوات زوجي يسدون النفس
جريئات ووقحات لابعد الحدود
بقولكم شصار
بس اذكرو ربكم وقولو لا اله الى الله
وماشاء الله تبارك الرحمن
العين حق
السالفه ومافيها
اني يا بنات
كنت شي وصرت شي ثاني
طبعا تغيرت مو 80%
الى تغيرت مليون%
لا اله الله الله وماشاء الله
والكل لاحظ هالشي
رفيجاتي اذا سالوني اعلمهم بالاشياء اللي استفدت منها
بس حمواتي لا
لا تهاجموني وخلوني اكمل للنهايه
حطو نفسكم محلي (مكاني)
اذا الوحده بتعلمج شغله بتعلمينها صح
بس اذا كانت نحيسه وسالتج بتعلمينها ولا لا
اكيد بتقولين لا
هذا انا وحمواتي
خوات زوجي طبعا
ما يعلموني بشي وكنت اذا سالت عن شغله كشخو فيها او محل شرو منه
يسوون نفسهم ما يسمعون
طبعا حاليا يقطون علي نغزات مو طبيعيه
والله شوي وابجي
تقول حماتي قبل العيد بجم يوم
كنت زايره بيت حمولتي معاي صحن حلو وقهوتي
طبعا القدر لخالتي ام زوجي
بس
تبي تسولف سالفه جان تقول
سبحان الله معاي وحده في الدوام والله كانت مثل السيلانيه
وطقت ابر تبيض ولونها تغير حيل
قلت يمكن شي جايز
قالت ما تعرفين تكتور يعرف بهسوالف
قلت لا والله ما احب ولا ابي اعرف
قالت يمه منج نحيسه ودمج اصفر
الله يعطيج على قد نيتج
اشتد الحجي بينا
وقمت اسفهها واصب القهوه لخالتي
طبعا عيوني لخالتي مو لها
وكنت منزله تلفوني يمي
وموديته ملبسته كفر تايقر على فوشي وكنت لابسه دراعه نفس اللون
جان تسحب تلفوني من يمي
تخيلو بكل جرئه ووقاحه
تقول
يختي على التلفون
من عقب ما كان تلفونج تلفون الهنود اللي نشوفهم بدوار الشراتون
صار جهازج جديد وتلبسينه كفرات
وقامو خواتها يضحكون
انا اهني احتريت
جان تقول وحده من خواتها اي مفصلته مع الدراعه طقم
شوفو الوقاحه وين وصلت
انا رديت بسرعه عليها وقلت ما يغلى عليج اشوف عيونج من الصبح على جهازي
تبينه ؟؟؟؟؟
عليج بالعافيه
انحرجت وجان تقول الله يعافيج بس الكفر حلو
من وين
قلت رفيجتي جايبته لي الرياض
ما دريت الى اللي رفعت صوتها علي
والله لو ذابحه واحد من عيالها ما سويت اللي سوته
قامت تصرخ وتقول
انتي لا تحوصين وتلفين ودورين
ليش ليش هالنحاسه ما تبين تعلمينا بشي
سالناج شلي منفخ خدودج قلت من الاكل
وسالناج شلي مخليج بيضا كنج سوريه من عقب ما كنتى تلطخين كريم الاساس ما يفارقج
قلتي من الله
سالناج عن لبسج ودراريعج كله تقولين من المعارض
وسالناج وقلنالج
شلي غيرج جذيه
كل شي تقولين من الله
ما صارت
والله لو تقولين مابي اعلمكم جان احسن
انا اهني تبلمت
ما اعرف ارد عليها
قلت الله يهديج ان شاء الله
واخذذت بنوتي ورحت شقتي
بالله عليكم هذي وخواتها شسوي معاهم والله والله احس اعيونها فيها حسد وغيره مو طبيعي
حسبي الله عليهم
ابي الحل مع هالاشكال
فكرت اني احاجي زوجي
واقوله اني مابي ازور بيت اهلك دام خواته في هالبيت لاني ما استحمل كلامهم
وبقوله بنص ايام الاسبوع بدق على خالتي تجيني في شقتي اتقهوى معاها
مو احسن
على الاقل تجيني بروحها وما ينجي بناتها العقارب
اللي ما سلمت من لسانهم
والله ما جذبت انهم عقارب ولى لو زينات معاي والله ثم والله لعلمهم بكل شي
بس اللي ما يعلمني ما اعلمه وهذي وجهت نظري
اتمنى تقدرون مشكلتي
وتقولون لي شل الحل
اسوي اقتراحي ولا انتظر ردودكم واللي تقترحونه علي
بكلم زوجي باجر
بليز قولولي الحل الليله لاني لازم اتخذ قراري باقرب وقت
و بالنسبه لهم حقريهم و نزلي و سولفي مع خالتج عادي ولا جنه شي صاير خل يموتون بحرتهم ولا تعلمينهم شنو مسويه ولا من وين شاريه اغراضج و كل ما تنزلين تحت عندهم بدعي بالمكياج و الدراريع ما اوصيج
انتي ما حبيتي تقولين لهم التغيرات اللي صارت معاااج عشان جذي قلبوا عليج .
انتي ليش ما تقولين وتفكين عمرج !!
لو صج ما تبين المشاااكل كان من البدايه قلتي لهم الصج وافتكيتي ..بس انتي لفيتي ودرتي عليهم .. عشان جذي هم صاروا يتجرأون عليج بالتعليقات و الحجي !!
اختي لو تبين ترتاحين منهم .. قولي لهم الصج .. وعامليهم مثل ما تحبين انهم يعاملونج
لو تبين مشاااكل وريلج يدش بمشااااكل الحريم ( خواته وزوجته ) خليج على رايج و لا تقولين وعزلي نفسج فوق ..
هذا راااي واتمنى انج ما تزعلين
عطيهم طاف وواصلي خالتج ووجبيها
مايسوى تقولين لزوجج وتسوين لنفسج مشاكل على غيرة حريم
شوفي اذا شفتيهم وقعدتي معاهم اقري المعوذات وقولي دعاء : اللهم اكفنيهم بما شئت
اللهم اني اعوذ بك من شرورهم واجعلك في نحورهم
صدقيني غيرة فقط لاغير
واذا بتفتكين من تعليقاتهم علميهم بس علميهم غلط ههههههه
وطوفلهم علشان خاطر بنوتج وابوهاا
بس تعال قولى شنو سرج الخطير شلوون تغيرت
خل نستفيد من تجاربج اذا مافيه ازعاج
خلي خالتج تزورج وايد احسن لاتروحين لهم
|
المشاركة الأصلية كتبت بواسطة غنوة ستايل
 شوفي ياقلبي اعامل الناس مثل ما احب انهم يعاملوني
انتي ما حبيتي تقولين لهم التغيرات اللي صارت معاااج عشان جذي قلبوا عليج . انتي ليش ما تقولين وتفكين عمرج !! لو صج ما تبين المشاااكل كان من البدايه قلتي لهم الصج وافتكيتي ..بس انتي لفيتي ودرتي عليهم .. عشان جذي هم صاروا يتجرأون عليج بالتعليقات و الحجي !! اختي لو تبين ترتاحين منهم .. قولي لهم الصج .. وعامليهم مثل ما تحبين انهم يعاملونج لو تبين مشاااكل وريلج يدش بمشااااكل الحريم ( خواته وزوجته ) خليج على رايج و لا تقولين وعزلي نفسج فوق .. هذا راااي واتمنى انج ما تزعلين |
انا يوم قلت اني مابي اعلمهم لانهم اهم اللي بدو ما علموني بشي
وكل وحده تحب تتميز في بيت حمولتها لو علمت عن شي ماراح اصير مميزه عندهم
تم تعديل الرد بواسطة مشرفة القسم نفيشه
الرجاء من صاحبة الموضوع احترام الراي الاخر
طرحتي موضوعك لاخذ الاراء والمشورة
والعضوات عطوج اراءهم بصراحة واحترام وما اعتقد في داعي للزعل
وما اشوف ان في احد تهجم عليج بالعكس انتي اللي شديتي
انا قريت الردود مرة ومرتين وثلاث وكلها مجرد اراء لصاحباتها تكرموا بمساعدتج والرد على مشكلتج بكل حب وذوق
ارجو منج انج تقدرين هالشي
وشكرا
|
المشاركة الأصلية كتبت بواسطة ام _خلودي
الله يعينج حبيبتى كبرى راسج
وطوفلهم علشان خاطر بنوتج وابوهاا بس تعال قولى شنو سرج الخطير شلوون تغيرت |
والله لو بتكلم مني لباجر ما اخلص بس اذا تبين اكتبلج اهم الاشياء اللي ميزتني
بدزهكم لج على الخاص ولا احراج ولا شي انتو مثل خواتي ومثل ما كنت محتاجه اني اتغير بساعدج وبحط نفسي محلج
|
المشاركة الأصلية كتبت بواسطة غلاك اش فادني فيه
والله يوخيتي هالعقارب ماينفع معاهم الا البروووووووووود بالتعامل والابتسامه واذا سمعتي نغزات سولفي مع خالتج او لاعبي بنتج يعني اسفهيها وبيني ان بالج مو معاهم اما اذا غلطو ردي بحدوود عشان كل واحد يعرف حده ,,
|
فعلا كلامج بس اذا رديت عليهم زادو يعني لازم تكون اخر كلمه لها
شي يقهر
بس انا لحد الحين موقفتهم عند حدهم يعني ارد عليها بقوه واحاجيها بكل جرئه بس لما اروح لشقتي حيل اتضايق ليش اهم جذيه قمت امل في اليوم اللي بجيهم
|
المشاركة الأصلية كتبت بواسطة غربــــة اِحساس
غيرة حريم
عطيهم طاف وواصلي خالتج ووجبيها مايسوى تقولين لزوجج وتسوين لنفسج مشاكل على غيرة حريم شوفي اذا شفتيهم وقعدتي معاهم اقري المعوذات وقولي دعاء : اللهم اكفنيهم بما شئت اللهم اني اعوذ بك من شرورهم واجعلك في نحورهم صدقيني غيرة فقط لاغير واذا بتفتكين من تعليقاتهم علميهم بس علميهم غلط ههههههه |
المشكله اني اذا قلتلهم غلط يعني اسم محل او اسم السوق اللي خذيته منه
سدون النفس ثاني يوم يروحون يدورون
وما يلاقون واهني انحرج اقول يمكن بضاعتهم خلصت
|
المشاركة الأصلية كتبت بواسطة italiya
لا حبيبتي لا تكلمين ريلج ما تدرين شنو بتكون ردة فعله مهما كان هذول خواته …
و بالنسبه لهم حقريهم و نزلي و سولفي مع خالتج عادي ولا جنه شي صاير خل يموتون بحرتهم ولا تعلمينهم شنو مسويه ولا من وين شاريه اغراضج و كل ما تنزلين تحت عندهم بدعي بالمكياج و الدراريع ما اوصيج |
مشكوره حبيتي على الرد
وكلامج مثل كلام عمتي قالت لي نفس هالحجي بس مدري مو متقبلتهم
حقرييهم!
ب نصيحه لاتعلمين زوجج خليه بعيد ابرك
وهم قولى لهم من المعاااااااااااارض
وترا حلو الواحد يتميز عند حمولته وجماعته
ودايما رددى(( اللهم سخر لى قلب من احوجتنى اليه))
تعلمهم ليش ؟ والله حتى لو طيوبات من حق كل وحدة تحتفظ بأسرار الجمال لنفسها علشان تتميز
عادي حبيبتي طنشيهم لعشر سنين جدام او اكثر لان هالنمونة ما تتغير ومشروع تفاهم وصلح معاها فااااااااااااااااشل
الا ان ربي يهديهم وانتي ما تدخلتي بخصوصياتهم ولا ضريتيهم بشي وما انتي ملزومة تقولين لهم
بس زوجج لا تدخلينه نصيحة الا اذا كان موجود وشايف الموقف ردي عليهم وقولي انتم شتبون مني ليش مو زينات معاي انا شنو مسوية لكم ؟ خليج المظلومة جدامه وجدام امه ولا العايلة
وربي يفكج من شرورهم والله يعينج عليهم >>>>>> أكره شي عندي هالنوعية لان الحيا نعمة
ارسلي لي أسرارج الله يعافيج ولج مني دعوات اخت لج في الله في ظهر الغيب