|
|
السلام عليكم … شلونكم بنات؟؟ 
بدخل بالموضوع على طول … آنا مهندسة طلع لي ترشيح في الإدارة العامة للإطفاء … عندي إحساس إنه المكان مو زين
رحت اليوم ديوان الخدمة … قالت لي الموظفة إنه تخصصي فيه شواغر في :
1. وزارة الأشغال
2. البلدية
3. وزارة الداخلية
4.وزارة الإعلام
5. وزارة الدفاع
6. الأمانة العامة للتخطيط
بنات تكفون فيدوني … ما أدري اروح أي وزارة من اللي قلتلكم عنهم و لا أقعد بالإطفاء ؟… و لا ارفض و أنطر ترشيح يديد ؟
بليز اللي تعرف عن أي مكان من اللي قلتهم … ياليت تفيدني سواء بالمعاش أو البدلات أو سمعة المكان أو طبيعة الدوام( التزام و لا لأ؟)
و يعطيكم العافية … و اللي تجاوب علي و تنورني برايها الله يوفقها بحياتها و يفتح لها أبواب الرزق
انا بقولج بالوزارات اي اعرفها
لاتفكريين بالداخلية ولا التخطيط مأساة والكل ذمهم المهندس مظلوم فيهم
اما الدفاع يقولون معاشات زينة بس المشكلة انج راح تختلطين مع عسكريين فحالج حال العسكريين نفس الشي مامدحولي الوزارة
الاعلام والاشغال مااعرف شي بس يمكن زينين
انا حبيت اقولج كثر ماتقدريين بعدي عن شي اسمه شرطة وجيش
وزارة الاشغال ووزارة الدفاع
اختاري بينهم
ولو انا منج اذا بيتي قريب من وزاره الاشغال بجنوب السره اروحها ( بس البعض يقول مافي شغل ومايمدحونه بس يكفي انه مكان معروف للمهندسين فيه ومو مظلومين لان اغلبه مهندسين ومعاش المهندس قوي لان هالمكان لهم )
ووزارة الدفاع هم حلوة ومعاشها كبير للمهندس بعد .. ( بس يمكن بعيد عن بيتكم بس بنظري اقوى معاش بعد بس يقولون مو حلو حق البنت وانا اشوف بالعكس مافيها شي يعني اكيد راح تشتغلين مع مهندسين ومهندسات لان ترى الدفاع فيها مهندسين وايد )
اما الوزارات اللي مو معروف المهندس فيها مثل اعلام ! وداخليه ومادري شنو لا يبا بعدي عنهم هذول حق التخصصات الاداريه زين لهم
بتنظلمين بينهم احس وحتى مو مكان معروف للمهندس
موفقه
والمطافي على حسب ويين يحطوونج
الدفاع المهندسين لهم اداره بروحهم بميدان حولي مالهم شغل بالعسكريين كلللللللللش
والاشغال بجنوب السره حلوه ..وموفقه ياارب
دموع الغدير
المهندسة
eng.q8
أسيرة قلبه
مشكورين و ماقصرتوا و الله يوفقكم … وفي انتظار آراء باجي البنات
في انتظار باجي البنات
كله مهندسين هناك , بس مادري إذا راح يحطونج هناك بس أنا أقولج الدفاع خوش وزارة للمهندسين.
مشكورين واااااايد
و في انتظار آراء باجي البنات
راتب المهندس ثابت في كل الوزارات .. الفرق بس في البدلات .. والوزارة الوحيدة اللي تعطي بدلات أكثر هي الكهرباء وخصوصا في المحطات .. أما باجي الوزارات فالفرق في بدل الموقع فقط .. وبصراحة ماعندي أي فكرة عن الدفاع بس اذا رحتي عند ادارة المنشآت المفروض راتبج يكون مثل وزارة الأشغال .. أما الكهرباء عندهم أكثر من بدل وحسب علمي مهندساتهم يستلمون أكثر لأنهم أكثر ناس تتعب .
نصيحتي .. اذا تبين مكان كشخة وتنفتح نفسيتج فيه روحي وزارة النفط .. أما اذا بيتكم قريب من جنوب السرة عندج الأشغال و الكهرباء
موفقة حبوبة