المهندسات اللي مقدمين على الــ kpc ابيكم بسالفه

السلام عليكم

شلونكم مهندسات ؟

انا تخصصي هندسه كهربائيه وقدمت على مؤسسة البترول الكويتيه kpc بالنت ودزوا لي ايميل

على اساس يكون امتحاني القدرات واللغة الانجليزيه يوم الخميس ان شالله 4-9 !!!

وانا حدي خايفه اللي نفس تخصصي اكيد امتحنتوا شنو الاسئله اللي يت لكم ويحتاج اراجع شي ؟ لانه كل اللي درسته متبخرررر

وبالنسبه حق المقابله شنو كانت الاسئله ؟؟

وانا ماعندي واسطه في امل يقبلوني ولا لا ؟؟

مادري والله عن الامتحانات او المقابله بس ابشرج اذا كنتي مسويه زين راح ياخذونج بدون واسطه اذا الله كتبلج.. 4 اعرفهم انقبلو وواسطتهم كانت رب العباد.. وبالتوفيج يارب

شفت بنات هندسه هناك وسولفت معاهم يقولون الامتحان مقالي وتكتبين ويايبن لهم شغلات من سنه 2..

يعني راجعي بشكل عام ..

وجنه الامتحان بالانجليزي ..

والقبول راح يكون 20% ..

ع كل شي من هال5..

امتحان التخصص والانجليزي والقدرات و المقابله و معدلج ..

وفي بنات منزلين موضوع عن اسئلة المقابله..

موفقه يارب..

مشكوره حياتي الله يبشرج بالخير

وتقبل الله اعمالج بهالشهر الفضيل ..

تسلمين يالغاليه والله يستر وايد خايفه شيصبرني ليوم الخميس …

الله كريم ان شالله

مهناز من متى قدمتي؟؟

منا ومنج حبيبتي مشكوووره

الاسبوع اللي طاف

امتحنت اليوم بنات انجليزي وقدرات يبطون الجبد ما يعطونا وقت يوقف السستم ويطلع انتهى الوقت
اووووف وايد حوسه وانا ادري كل هالتعب واخر شي واسطات
يالله احنا نسوي اللي علينا والباقي على الله

متى امتحان التخصص ننطرهم يدزون مسج صح ؟

اي يدزون..

واهما يقولون ع درجاتج مو الواسطات ..

والله كريم..