|
|
السلام عليكم
هلووو بنات شلووونكم عساكم بخير ان شاءالله؟؟؟؟
بنااات بستفسر عن شي يخص وحده عزيزه علي وانا ماني عارفه شلون افيدها بصراحه 
رفيجتي الحمدلله املجت الله يوفقها واستلمت المهر
بس ليلحين ماتدري متى بيسوون العرس!!
والحين حدها متوهقه ماتدري شتسوي!! شلون تجهز!! وشللي تبدي فيه اول!!
ومشكلتها اول ماتشتري شي يديد ملابس او مكياج تلبس ماتخش شي!! يعني المفروض هذا يصيررر جهازها وتخشه ويكون يديد لما تروح بيت زوجها بس تقوووول ماعرف اخش كل ماتشتري تلبس وتستخدم!!!
وسالفه العرس محتاره ماتدري وين تسويه!! ودها بفندق واهلها يقولون بالبيت علشان تكون محفوفه وخايفين من الحسد!!!!
شاللي تشوفونه انا ماني عارفه شقولها مسكينه متوهقه!! واهي اول خواتها اللي تمر بهالموقف!!!
شوفي حبوبه سالفة انها تشتري وتلبس حتى انا سويتها خخخخخخخ
شريت شحاطه تجنن كلمة روعه شوي عليها راقيه حيييييييييييل !
ذاك اليوم كنت كاشخه وكانت لايقه مع لبسي عاد تهورت ولبستها خخخخخخخ
بس انا شاريتها من فلوسي مو من المهر !
وخليها تبلش بلبس البيت والتناتيف اللي ماتروح موضتها
وبالنسبه للعرس انا بسوي حفله بسردابنا لاني ماراح ادخل الصاله ولو ان فيه محاولات مستمره لاقناعي بس انا رافضه الفكره بالبيت اريح بكثير ! و بحجز الكادي ان شاء الله !
خليها تشوف اللي يناسبها والله يوفقها ويرزقج قولي اميييييييييين !
المشكله انها مستسهله الموضوع ومو مهتمه!!
اقولها يا فلالالانه دوري اشتري من الحين تقول لا تو الناس وحدها بارده!!!
شسوي فيها شقولهااا!!!!
<< تتمنى لو المهر بيدها خخخخخخخ
اقولج اقنعيها تشتري الشغلات العاديه مثل لبس الشقه والبجامات بعد هذول مالهم موضه وشحاطات البيت تكرمين والشباصات وهالتناتيق ولي حددوا العرس تبلش بالالماس والذهب والساعات وبعدين بالجناط والجواتي والدراريع والبدل !
يعني تخفف عن نفسها عشان ترتاح وماتتوهق لاحددوا العرس وشكله هذا اللي بيصير فيني !
ومشكوره ع الدعوه حبيبتي ولج مثلها .gif "Eh S(7)")
على الاقل لو بس الحين الترينينقز والبجامات العاديه حق البيت
تقول الميك اب عندها وايد ماتبي تشتري!! اللي عندها القديم كافي لانها وايد تشتري ماشاءالله عليها
شلون على البدلات الكشخه والدراريع!!
عاد اهيا نوعها ماتلبس تنانير ولا دراريع………. الله يعين!!
واتبي جناط عاديه لالالالالازم ماركات..!! جذي مهرها بيروح على الاكسسوارات والجناط والجواتي عزكم الله
تقسم المهر اجزاء
ذهب ـ ملابس نوم ـ عطور مكياج ـ جواتي وانتم بكرامه ـ اكسسوار ـ هديه الوالدين و الاخوان الصغار ( هذه 50 دينار حلو حق اخوانها الصغار )
اهي مو مفكره بالبدايه!! تقول دام ماتحدد العرس عيل تو الناس ليش اجهز!!!
تفسفس فلوسها عالفاضي!!
واذا شرت شي تلبسه وتستخدمه خلاص عيل راحت زهوته!!!
شلون تلبس دراريع وتايورات وتنانير اهي عمرها مالبست!!!
وثاني شي ترا عادي مو شرط تلبس دراريع و هالسوالف .. انا وحده من الناس ماعندي ولا دراعه ولا افكر اشتري لو تزوجت فعادي هالشي
تقدر تشتري فيهم الملابس الراقيه اللي تحتاجها حق الزوارات والطلعات .. في وايد بدل منها البسيط و منها الفخم حسب المكان يتحدد اللبس وفخامته او بساطته ..
الحين خل تخفف على نفسها و تشتري الشغلات البسيطه مثل ما قالو البنات
البيجامات و قمصان النوم وملابس الطلعه اللي تفكر تلبسهم لو احد زارها في البيت بما انها ماتلبس دراعات اكيد ماراح تطلع للضيوف في البيجاما .gif "Eh S(6)")
و اكيد تحتاج بعد جناط و تكرمون شحاطات و صنادل و هالسوالف في الوان اساسيه محد يستغنى عنها خل تاخذ منهم اللي يعجبها و تحطهم في كبت ما وماتلمس منهم شي واذا اهيا وايد مطفوقه نفسي لووول و ماتحب تشوف شي يديد و تخلي خل تحط الاغراض عند وحده من خواتها او في كبت امها و لا تلمسهم
و بعدها تشتري البدل مثل ما قلت شوي شوي يعني مو شرط كله مع بعض لي راحت تتسوق تشتري اي شي يعجبها دام في وقت خل تاخذ راحتها لا تحسسونها انه السوق اجباري
انا وحده من الناس ماحب السوق في العيد لانه ادري انه مجبوره اشتري
بس لو اروح اوقات عاديه خليني بالسوق 10 ساعات ماقول لا لانه ادري بشتري اللي يعجبني و مو شرط اغصب نفسي
فاهيا جذي بالنفسيه يعني .. فلا تغصبونها ترا العروس تكون شوي تعبانه نفسيا بس الواحد مايحس فيها .. حتى لو كانت بارده .. هم تحاتي من داخلها ..
انتو ساعدوها .. يعني قولولها خل نروح السوق و لا تخلونها تشتري غصب بس لو شفتو شي حلو عطوها رايكم و اككيد لو عجبها بتشتري
تلاقين مع الايام مره عن مره اهيا لو كل طلعه تشتريلها جم شغله خلاص تكون يمعت مجموعه كافيه من الملابس بدون لا تحس
و بالنسبه للمكياج هذي شغلات تنتهي صلاحيتها .. مو حلو الوحده تخزن عندها لانه شي يتغير كل موسم و تنزل شغلات يديده
يعني هذيل اخر شي تشتريهم بعد ما يتحدد العرس تشتري وقت موسم زواجها اي مجموعه يديده تكون نازله حسب اختيارها من الماركات..
و بعد في تناتيف صغيره مثل الاكسسوارات العاديه هذي الوحده تقدر تشتريهم حسب الملابس اللي شرتهم او حسب اللي يعجبها
اما الذهب و الالماس والفضه هذي شغلات تقدر تشتريهم بأي وقت بس تكون مخصصه مبلغ معين لهم وتشتري اللي تبيه يعني مو شي اجباااري الا غصب طيب تشترين بهالوقت لا حسب لو عجبها شي تشتري جم ساعه على جم خاتم وسالف جذي تفيدها حق الاستقبالات و الزوارات خصوصا انها عروس .. الوحده لو مو عروس وتكشخ بكل مناسبه فشلون لو عروس لازم تكون غير اكييد
و شنو بعد شنو بعد خل اتذكر
العطور وهذي الشغلات اكيد الزوج يعطيها دزه و فيها وايد شغلات بس ما يمنع انه يكون في انواع معينه من العطور و السوالف اللي اهيا تحبها وتبي تشتريها حق نفسها
وترا سهالااااات والله بس العروس تكون دايما مشدوده اعصابها
لو تاخذ السالفه بهداوه وتعتبر انه عندها مبلغ و تبي تصرفه على شغلات معينه والله تصير السالفه وناسه يعني البنات معروووووفين حق الصرف لول
فتخيلي عندج مبلغ حلو و تبين تشترين الشغلات اللي تحتاجينها
تقولين لا مابي ؟
اكيييييد تطيرييين عالسوق
لو وصلت بتفكيرها جذي خلاص نكون حلينه مشكلتها
و اسفه طولت عليج و قرقت بس عطيتج اللي اعرفه
و الله يوفقها ان شاء الله و يوفق كل عروس
كلامج 100%
الحين احنا شجعناها على انها تبدي بالبجامات وهدوم البيت
والاشياء البسيطه حق الطلعات العاديه
بس محنا عارفين وين نروح نتسوق حق الهدوم الكشخه
اهيا ماتبي وايد غالي لان بصراحه مهرها مو وايد
وراها جناط وجواتي عزكم الله …. وتبي تاخذ ماركات يعني هذوول ينهبوون!!
وعلى العطور والدهن العوود اهيا بتبتلش بمشتراهم لان مابولها دزه بس المهر والشبكه!!!!!
ماتبي تشتري بلوزات سعر الوحده اكثر من 60 – 70 دينار جذي مراح يكفيها المهر ——–> انقلكم كلامها
بروح معاها فيلا مودا بتشوف الجناط والجواتي عزكم الله…… تبي الالوان الاساسيه اسود بني ابيض و ملووون
وين تقترحوون ملابس حق الاستقبالات والزوارات حقها؟؟ راحت الصالحيه قبل جم بس موعارفه شتاخذ
وشنو الاماكن اللي تاخذ منهم هدووم عاديه حق الطلعه مع ريلها؟؟
وشنو تاخذ بالضبط؟؟؟
والاستقبالات شنو يبيلها؟؟
واذا بتروح الشاليه مع اهل ريلها تلبس ترينينق؟؟ عادي؟
ترا بنات انا ماعرف شي ولا مره ساعدت وحده بتجهيزها فانا ضايعه واهي متكله علي!!!
وعسى ان شاءالله انا بعد استفيد اذا بجهز هههههههههههه
ومشكوووووووووورين وايد
ادري ينشد فيكم الظهر
جزء بسيط اتصدق فيه بنيه دفع البلا
بنات اشدعوه ماكو جواب على اي سؤال كتبته؟!!!!!!!!!