|
|
برود كاست وصلني وعجبني قلت انقله لكم وفعلا كل كلمه فيه صحيحه اقروا وقولولي رايكم ..
كيف ارضيهم ؟؟؟ ودي اكسبهم ؟؟؟ عطيتهم ومابين بعينهم …!!!
ومن هذا المنبر نقولك : اقضبي ارضك وكبري راسك والله لو تشنقين روحك بمروحة صالتهم
عشان خاطرهم مارضوا عليك …
اذا رحتي لهم دايم قالوا نشبه
وان قللتي الروحات قالوا قاطعه ماتربت
ان دخلتي وايدك فاضيه قالو ماتستحي وان جبتي معك شي قالو البيت مليان
وعسى ماتكلفت هذا شي يسوي تدخل فيه ؟؟
ان تكلمتي بالمجالس قالو قرقه وتميلح
وان سكتي قالو ماتعرف تكلم وكمخه
ان كشختي قالو مهايطيه وخسرت ولدنا
وان تبهذلتي وصرتي بسيطه قالو فشلتنا ماتعرف تلبس
ان فزعتي لهم بالعزايم قالو تميلح مسويه روحها سنعه
وان تركتيهم بدون فزعه قالو ماتستحي كانها غريبه تاكل وتمشي
ان وديتيلهم عيالك قالو تبي الفكه وتبيهم يحوسون بيتنا
وان ماوديتيهم قالو تعلمهم ع القطاعه من الحين
ان علمتيهم باخبارك واخبار اهلك قالو بخور السوق
وان سكتي قالو جحود تاخذ اخبار وتمشي
عزيزتي المهبوله خلف ارضاء الحموله هذا غيض من فيض
ان زعلو علي مرت حماك رفعوك وطيروك بالسما عشان يقهرونها
وان رضوا عليها سفطوك ع جنب هذا اذا ماقلبو عليك
ان صار لسانك زين معهم قالو بس لسان
وانا صرتي رسميه قالو ماعند اسلوب
غلطة وحده تنسف تاريخك
مايسامحونك كل كلمه تقولينها ببراءه تتفسر تفسير ثاني
تدخلين وتلاقين الخشش معفوسه وانتي ياغافلين لكم الله
عندهم فوبيا منك حتي لو انتي بنت نعمه يحسون ان كل مصايبهم من وراك
ولو تنخطب حماتك الكل يدري الا انتي
مايهابونك ولا يحطون لك قيمه الا لاحسو ان ولدهم حاشمك وموقفهم عند حدهم
مما راق لي وفطسني ضحك
والله اني ادوور رضاء ربي ثم هم لانهم قراااابة بس للاسف مومحصلته وعشان ماظلمهم من ورااااي يقول زوجي يمدحونتك لكن عمري ماسمعت مدح منهم اوكلمة زينة لكن داءما اقوووول الدنيا يكفينا شرها خل ننذكر بخير ويبين بعيالنا والله ان شاء ابله مايضع العمل الحسن
اعملي خييييييييييييييييييييييييييييييييييييييييييييييييي ر وقطي بحر ونكبر عقولنا ونقول بشر والبشر خطااااااؤؤن
اوصيك ببرهم واوصي نفسي هم بعد
بس المشكله اذا زوجك هو البلا واقلق راسك باهله شوفي اهلي حبي اهلي امي مافي مثلها خواتي ملايكه قلوبهم بيضا
قارورة عطر ياحليله زوجك شكله عارف بالحساسيه اللي بينكم قال اقوللها اهلي يمدحونك
ترا على فكره انا حتى كان كذا يقول لي زوجي وانا عارفه وموقنه تماماً انهم مامدحوني << ولا ابي مدحهم اصلاً
بس مشكله الرجال اللي يحط بباله رضا اهله على زوجته اهم من رضاه هو
صاادقه
وأخوان كانوا ناس طيبين ماحسيت اني غريبة بينهم الله يذكرهم بالخير
أما ألحين الحمدلله ماعندي حمولة إلا خوان زوجي وحريمهم وصراحة نادرا ماروح لهم
اهم شي المروحه
اشلون ابي ارسله للي عندي برودكاست
يسلمووووو اهم شي مروحة الصاله