|
|
مرحبا أبلات شلونكم….
علي وعليكم بألف عافية مكرمة الشيخ
صباح الله يطول بعمره ويخليه لنا ذخر
والله يحفظ لنا الكويت ويبعد عنها العين والحسد
والطماعين…..
ابلات أنا قسمي فيه بس 2 كويتيات. أنا مع رئيسة القسم، والباجي
متنوع ما بين المصري والسوري والأردني. طبعا الكل عرف بسالفة
المكرمة الاميرية. امبي لا تشوفون اليوم لما دخلت القسم الصبح
الي تقولي: صباح الألف >>> بدل صباح الخير
الثانية: تكلمني بنفسية!!! مع انها كل يوم تسولف وتضحك وياي!! شفيها اليوم مادري!
الثالثة: تقول جان زين لو هالزيادة تصير تشمل الوافدات ويعطونا 50 زيادة ع المعاش
الرابعة: تقرب يمي وتساسرني تقولي متى بيعطونكم الـ1000؟
الخامسة: اليوم الموجهة داشة علينا وهي مو كويتية. جان وحدة من المدرسات الوافدات تليقفت وقالت
شفتي أبلة منال ورئيسة القسم بيعطونهم ألف جان تقول الموجهة: اي وبعد تموين سنة كاملة بعد
السادسة: تقولي يله ابلة لازم تقسمين الألف على المدرسات >> يمكن هذي غشمرة شوي أهون من الي فوق
+ هذا بالإضافة إلى
نظراتهم لي ولكل مدرسة كويتية + البنات
احس يقولون حق نفسهم الحين هذي الي عمرها 12 او 11 بياخون 1000 واحنا ولا شي
جد جد هالجم يوم الله يعيدهم على خير لحد ما تبرد السالفة شوي. كأني مسوية جريمة لان راح
آخذ 1000 
بنات للعلم انا مو قاعدة أعمم على كل المدرسات الوافدات. لأن عنوان واضح ( بعض )
مع ان قسمي ما شفت ولا وحدة منهم كانت عادية، الا وما قطت نغزة وبينت حسدها
معلمات ياريت ما تفهوموني غلط أو اني اطالع المعلمات الوافدات بدونية. بس هذه حقيقة صارتلي
اليوم بالدوام، وحابة أعرف جم معلمة اليوم داومت وحاشها مثل الي حاشني.
استغفرالله
ما سوت علينا هالالف
الله يكافينا شر الحساد يارب
اللهم احفظنا من شر الحساد والعيون…. هالايام بنات كثروا المعوذات على نفسكم
من زمان الكويتيين محسودين على ديرتهم
الللهم احفظنا من عين الحاسدين
شنسوي بعمرناا يعني
الوكاد كثروا من المعوذات وتصدقوا واكثروا من الصدقات عشان ربي يحمينا من عيونهم وتتبارك هالألف
وااااااااااي ياربي والله بلشه
حبيباتي لازم نخفف من سوء الظن ومانحسب لنظرات اي حسااب يعني شالمشكله اذا طالعتج اليوم غير عن كل يوم ؟ يمكن عينها تعورها ؟؟ يمكن مو نايمة عدل ؟ ولا تاخذون الكلام دايما بطريقة سلبيه حاولو تكونون ايجابيات وانا ادري يالغاليات كلكم فاهمين ومو محتاجين هالكلام بس حبيت اذكركم
بس يا كاندي في ناس يبين عليهم بدون لا تقولين. الي يمكن تكون مريضة او عيونها تعورها يبين عليها من الي محترة ومنبطة
جبدها، هالأمور ما يبيلها فهلوة ودراسة لأن عيني عينك تعرفين وتحسين وشلون اذا كانوا مدرسات تجابلينهم كل يوم بالدوام وبمكان واحد
اكيد بتعرفين غصب عنج نفسياتهم…..
كش جسمي
صبــآح الالف !!!
يمه يمه كلمتها تعور القلب ماادري ليش
استغفر الله ليش عينهم ضيجه ؟!!!
اعوذ بالله منهم
والله انا خايفه من السفر
اخاف اذا سافرنا يصير فينا شي انا وعيالي لاسمح الله
قاعده اقول لزوجي بنسافر على سيارة اخوي عشان لوحتهاا سعوديه خخخخ <حدهاا خوافه
احسنى الظن اختى